Aristotle, Metaphysics, Book 13 44:

πολλὰ δὲ συμβέβηκε καθ’ αὑτὰ τοῖσ πράγμασιν ᾗ ἕκαστον ὑπάρχει τῶν τοιούτων, ἐπεὶ καὶ ᾗ θῆλυ τὸ ζῷον καὶ ᾗ ἄρρεν, ἴδια πάθη ἔστιν καίτοι οὐκ ἔστι τι θῆλυ οὐδ’ ἄρρεν κεχωρισμένον τῶν ζῴων· ὥστε καὶ ᾗ μήκη μόνον καὶ ᾗ ἐπίπεδα. καὶ ὅσῳ δὴ ἂν περὶ προτέρων τῷ λόγῳ καὶ ἁπλουστέρων, τοσούτῳ μᾶλλον ἔχει τὸ ἀκριβέσ τοῦτο δὲ τὸ ἁπλοῦν ἐστίν, ὥστε ἄνευ τε μεγέθουσ μᾶλλον ἢ μετὰ μεγέθουσ, καὶ μάλιστα ἄνευ κινήσεωσ, ἐὰν δὲ κίνησιν, μάλιστα τὴν πρώτην·