Aristotle, Metaphysics, Book 11 84:

ταῦτα γὰρ οὐχ ὁτὲ μὲν τοιαδὶ πάλιν δ’ ἀλλοῖα φαίνεται, ταὐτὰ δ’ ἀεὶ καὶ μεταβολῆσ οὐδεμιᾶσ κοινωνοῦντα. ἔτι δ’ εἰ κίνησισ ἔστι, καὶ κινούμενόν τι, κινεῖται δὲ πᾶν ἔκ τινοσ καὶ εἴσ τι· δεῖ ἄρα τὸ κινούμενον εἶναι ἐν ἐκείνῳ ἐξ οὗ κινήσεται καὶ οὐκ εἶναι ἐν αὐτῷ, καὶ εἰσ τοδὶ κινεῖσθαι καὶ γίγνεσθαι ἐν τούτῳ, τὸ δὲ κατὰ τὴν ἀντίφασιν μὴ συναληθεύεσθαι κατ’ αὐτούσ. καὶ εἰ κατὰ τὸ ποσὸν συνεχῶσ τὰ δεῦρο ῥεῖ καὶ κινεῖται, καί τισ τοῦτο θείη καίπερ οὐκ ἀληθὲσ ὄν, διὰ τί κατὰ τὸ ποιὸν οὐ μενεῖ;