Aristotle, Metaphysics, Book 3 23:

μιᾶσ μὲν γὰρ ἐπιστήμησ πῶσ ἂν εἰή μὴ ἐναντίασ οὔσασ τὰσ ἀρχὰσ γνωρίζειν; ἔτι δὲ πολλοῖσ τῶν ὄντων οὐχ ὑπάρχουσι πᾶσαι· τίνα γὰρ τρόπον οἱο͂́ν τε κινήσεωσ ἀρχὴν εἶναι τοῖσ ἀκινήτοισ ἢ τὴν τἀγαθοῦ φύσιν, εἴπερ ἅπαν ὃ ἂν ᾖ ἀγαθὸν καθ’ αὑτὸ καὶ διὰ τὴν αὑτοῦ φύσιν τέλοσ ἐστὶν καὶ οὕτωσ αἴτιον ὅτι ἐκείνου ἕνεκα καὶ γίγνεται καὶ ἔστι τἆλλα, τὸ δὲ τέλοσ καὶ τὸ οὗ ἕνεκα πράξεώσ τινόσ ἐστι τέλοσ, αἱ δὲ πράξεισ πᾶσαι μετὰ κινήσεωσ;