Aristotle, Metaphysics, Book 1 186:

ἐκ τίνοσ μέντοι τρόπου κίνησισ ἔσται πέρατοσ καὶ ἀπείρου μόνων ὑποκειμένων καὶ περιττοῦ καὶ ἀρτίου, οὐθὲν λέγουσιν, ἢ πῶσ δυνατὸν ἄνευ κινήσεωσ καὶ μεταβολῆσ γένεσιν εἶναι καὶ φθορὰν ἢ τὰ τῶν φερομένων ἔργα κατὰ τὸν οὐρανόν. ἔτι δὲ εἴτε δοίη τισ αὐτοῖσ ἐκ τούτων εἶναι μέγεθοσ εἴτε δειχθείη τοῦτο, ὅμωσ τίνα τρόπον ἔσται τὰ μὲν κοῦφα τὰ δὲ βάροσ ἔχοντα τῶν σωμάτων;