헬라어 문장 검색 - ΑριστόΚνιγητσ́04́00́0́

(아리스토텔레스, Episode)

ταυτὶ μὰ τὴν Δήμητρά μ’ οὐκ ἐλάνθανεν τεκταινόμενα τὰ πράγματ’, ἀλλ’ ἠπιστάμην γομφούμεν’ αὐτὰ πάντα καὶ κολλώμενα. οἴμοι σὺ δ’ οὐδὲν ἐξ ἁμαξουργοῦ λέγεισ; οὔκουν μ’ ἐν Ἄργει γ’ οἱᾶ πράττεισ λανθάνει. πρόφασιν μὲν Ἀργείουσ φίλουσ ἡμῖν ποιεῖ, ἰδίᾳ δ’ ἐκεῖ Λακεδαιμονίοισ ξυγγίγνεται. καὶ ταῦτ’ ἐφ’ οἷσίν ἐστι συμφυσώμενα ἐγᾦδ’· ἐπὶ γὰρ τοῖσ δεδεμένοισ χαλκεύεται. εὖ γ’ εὖ γε, χάλκεὐ ἀντὶ τῶν κολλωμένων. καὶ ξυγκροτοῦσιν ἄνδρεσ αὔτ’ ἐκεῖθεν αὖ, καὶ ταῦτά μ’ οὔτ’ ἀργύριον οὔτε χρυσίον διδοὺσ ἀναπείσεισ οὔτε προσπέμπων φίλουσ, ὅπωσ ἐγὼ ταῦτ’ οὐκ Ἀθηναίοισ φράσω. ἐγὼ μὲν οὖν αὐτίκα μάλ’ ἐσ βουλὴν ἰὼν ὑμῶν ἁπάντων τὰσ ξυνωμοσίασ ἐρῶ, καὶ τὰσ ξυνόδουσ τὰσ νυκτερινὰσ τὰσ ἐν πόλει, καὶ πάνθ’ ἃ Μήδοισ καὶ βασιλεῖ ξυνόμνυτε, καὶ τἀκ Βοιωτῶν ταῦτα συντυρούμενα. πῶσ οὖν ὁ τυρὸσ ἐν Βοιωτοῖσ ὤνιοσ; ἐγώ σε νὴ τὸν Ἡρακλέα παραστορῶ. ἄγε δὴ σὺ τίνα νοῦν ἢ τίνα ψυχὴν ἔχεισ; νυνί γε δείξεισ, εἴπερ ἀπεκρύψω τότε ἐσ τὼ κοχώνα τὸ κρέασ, ὡσ αὐτὸσ λέγεισ· θεύσει γὰρ ᾄξασ ἐσ τὸ βουλευτήριον, ὡσ οὗτοσ ἐσπεσὼν ἐκεῖσε διαβαλεῖ ἡμᾶσ ἅπαντασ καὶ κράγον κεκράξεται. ἀλλ’ εἶμι· πρῶτον δ’ ὡσ ἔχω τὰσ κοιλίασ καὶ τὰσ μαχαίρασ ἐνθαδὶ καταθήσομαι. ἔχε νυν, ἄλειψον τὸν τράχηλον τουτῳί, ἵν’ ἐξολισθάνειν δύνῃ τὰσ διαβολάσ. ἀλλ’ εὖ λέγεισ καὶ παιδοτριβικῶσ ταυταγί. ἔχε νυν, ἐπέγκαψον λαβὼν ταδί. τί δαί; ἵν’ ἄμεινον ὦ τᾶν ἐσκοροδισμένοσ μάχῃ. καὶ σπεῦδε ταχέωσ. ταῦτα δρῶ. μέμνησό νυν δάκνειν διαβάλλειν, τοὺσ λόφουσ κατεσθίειν, χὤπωσ τὰ κάλλαἰ ἀποφαγὼν ἥξεισ πάλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Episode

(아리스토텔레스, Episode)

상위

목록

SEARCH

MENU NAVIGATION