헬라어 문장 검색 - ΑριστόΚνιγητσ́15́

(아리스토텔레스, Episode)

ὦ φίλτατ’ ἀνδρῶν ἐλθὲ δεῦρ’ Ἀγοράκριτε. ὅσα με δέδρακασ ἀγάθ’ ἀφεψήσασ. ἐγώ; ἀλλ’ ὦ μέλ’ οὐκ οἶσθ’ οἱο͂σ ἦσθ’ αὐτὸσ πάροσ, οὐδ’ οἷ’ ἔδρασ· ἐμὲ γὰρ νομίζοισ ἂν θεόν. τί δ’ ἔδρων, κάτειπέ μοι, πρὸ τοῦ; ποῖόσ τισ ἦ; πρῶτον μέν, ὁπότ’ εἴποι τισ ἐν τἠκκλησίᾳ, ὦ Δῆμ’ ἐραστήσ εἰμι σὸσ φιλῶ τέ σε καὶ κήδομαί σου καὶ προβουλεύω μόνοσ, τούτοισ ὁπότε χρήσαιτό τισ προοιμίοισ, ἀνωρτάλιζεσ κἀκερουτίασ. ἐγώ; εἶτ’ ἐξαπατήσασ σ’ ἀντὶ τούτων ᾤχετο. τί φῄσ; ταυτί μ’ ἔδρων, ἐγὼ δὲ τοῦτ’ οὐκ ᾐσθόμην; τὰ δ’ ὦτά γ’ ἄν σου νὴ Δί’ ἐξεπετάννυτο ὥσπερ σκιάδειον καὶ πάλιν ξυνήγετο. οὕτωσ ἀνόητοσ ἐγεγενήμην καὶ γέρων; καὶ νὴ Δί’ εἴ γε δύο λεγοίτην ῥήτορε, ὁ μὲν ποιεῖσθαι ναῦσ μακρὰσ ὁ δ’ ἕτεροσ αὖ καταμισθοφορῆσαι τοῦθ’, ὁ τὸν μισθὸν λέγων τὸν τὰσ τριήρεισ παραδραμὼν ἂν ᾤχετο. οὗτοσ τί κύπτεισ; οὐχὶ κατὰ χώραν μενεῖσ; αἰσχύνομαί τοι ταῖσ πρότερον ἁμαρτίαισ. ἀλλ’ οὐ σὺ τούτων αἴτιοσ, μὴ φροντίσῃσ, ἀλλ’ οἵ σε ταῦτ’ ἐξηπάτων. νυνδὶ φράσον· ἐάν τισ εἴπῃ βωμολόχοσ ξυνήγοροσ· οὐκ ἔστιν ὑμῖν τοῖσ δικασταῖσ ἄλφιτα, εἰ μὴ καταγνώσεσθε ταύτην τὴν δίκην· τοῦτον τί δράσεισ, εἰπέ, τὸν ξυνήγορον; ἄρασ μετέωρον ἐσ τὸ βάραθρον ἐμβαλῶ, ἐκ τοῦ λάρυγγοσ ἐκκρεμάσασ Ὑπέρβολον. τουτὶ μὲν ὀρθῶσ καὶ φρονίμωσ ἤδη λέγεισ· τὰ δ’ ἄλλα, φέρ’ ἴδω, πῶσ πολιτεύσει φράσον. πρῶτον μὲν ὁπόσοι ναῦσ ἐλαύνουσιν μακράσ, καταγομένοισ τὸν μισθὸν ἀποδώσω ’ντελῆ. πολλοῖσ γ’ ὑπολίσφοισ πυγιδίοισιν ἐχαρίσω. ἔπειθ’ ὁπλίτησ ἐντεθεὶσ ἐν καταλόγῳ οὐδεὶσ κατὰ σπουδὰσ μετεγγραφήσεται, ἀλλ’ ὥσπερ ἦν τὸ πρῶτον ἐγγεγράψεται. τοῦτ’ ἔδακε τὸν πόρπακα τὸν Κλεωνύμου.

οὐδ’ ἀγοράσει γ’ ἀγένειοσ οὐδεὶσ ἐν ἀγορᾷ. ποῦ δῆτα Κλεισθένησ ἀγοράσει καὶ Στράτων; τὰ μειράκια ταυτὶ λέγω τἀν τῷ μύρῳ, ἃ στωμυλεῖται τοιαδὶ καθήμενα· σοφόσ γ’ ὁ Φαίαξ δεξιῶσ τ’ οὐκ ἀπέθανεν. συνερτικὸσ γάρ ἐστι καὶ περαντικόσ, καὶ γνωμοτυπικὸσ καὶ σαφὴσ καὶ κρουστικόσ, καταληπτικόσ τ’ ἄριστα τοῦ θορυβητικοῦ. οὔκουν καταδακτυλικὸσ σὺ τοῦ λαλητικοῦ; μὰ Δί’ ἀλλ’ ἀναγκάσω κυνηγετεῖν ἐγὼ τούτουσ ἅπαντασ, παυσαμένουσ ψηφισμάτων. ἔχε νυν ἐπὶ τούτοισ τουτονὶ τὸν ὀκλαδίαν, καὶ παῖδ’ ἐνόρχην, ὅσπερ οἴσει τόνδε σοι· κἄν που δοκῇ σοι, τοῦτον ὀκλαδίαν ποίει. μακάριοσ ἐσ τἀρχαῖα δὴ καθίσταμαι. φήσεισ γ’, ἐπειδὰν τὰσ τριακοντούτιδασ σπονδὰσ παραδῶ σοι. δεῦρ’ ἴθ’ αἱ Σπονδαὶ ταχύ. ὦ Ζεῦ πολυτίμηθ’ ὡσ καλαί·

πρὸσ τῶν θεῶν, ἔξεστιν αὐτῶν κατατριακοντουτίσαι; πῶσ ἔλαβεσ αὐτὰσ ἐτέον; οὐ γὰρ ὁ Παφλαγὼν ἀπέκρυπτε ταύτασ ἔνδον, ἵνα σὺ μὴ λάβῃσ; νῦν οὖν ἐγώ σοι παραδίδωμ’ ἐσ τοὺσ ἀγροὺσ αὐτὰσ ἰέναι λαβόντα. τὸν δὲ Παφλαγόνα, ὃσ ταῦτ’ ἔδρασεν, εἴφ’ ὅ τι ποιήσεισ κακόν. οὐδὲν μέγ’ ἀλλ’ ἢ τὴν ἐμὴν ἕξει τέχνην· ἐπὶ ταῖσ πύλαισ ἀλλαντοπωλήσει μόνοσ, τὰ κύνεια μιγνὺσ τοῖσ ὀνείοισ πράγμασιν, μεθύων τε ταῖσ πόρναισι λοιδορήσεται, κἀκ τῶν βαλανείων πίεται τὸ λούτριον. εὖ γ’ ἐπενόησασ οὗπέρ ἐστιν ἄξιοσ, πόρναισι καὶ βαλανεῦσι διακεκραγέναι, καί σ’ ἀντὶ τούτων ἐσ τὸ πρυτανεῖον καλῶ ἐσ τὴν ἕδραν θ’, ἵν’ ἐκεῖνοσ ἦν ὁ φαρμακόσ. ἕπου δὲ ταυτηνὶ λαβὼν τὴν βατραχίδα· κἀκεῖνον ἐκφερέτω τισ ὡσ ἐπὶ τὴν τέχνην, ἵν’ ἴδωσιν αὐτὸν οἷσ ἐλωβᾶθ’ οἱ ξένοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Episode

(아리스토텔레스, Episode)

상위

목록

SEARCH

MENU NAVIGATION