헬라어 문장 검색 - ΧενοπήΜινορΩό5́11́

(크세노폰, Minor Works, Περὶ Ἱππικῆς, chapter 11)

ἢν δέ τισ ἄρα βουληθῇ καὶ πομπικῷ καὶ μετεώρῳ καὶ λαμπρῷ ἵππῳ χρήσασθαι, οὐ μάλα μὲν τὰ τοιαῦτα ἐκ παντὸσ ἵππου γίγνεται, ἀλλὰ δεῖ ὑπάρξαι αὐτῷ καὶ τὴν ψυχὴν μεγαλόφρονα καὶ τὸ σῶμα εὔρωστον. οὐ μέντοι ὅ γε οἰόνταί τινεσ τὸν τὰ σκέλη ὑγρὰ ἔχοντα καὶ τὸ σῶμα αἴρειν δυνήσεσθαι, οὕτωσ ἔχει·

ἀλλὰ μᾶλλον ὃσ ἂν τὴν ὀσφῦν ὑγράν τε καὶ βραχεῖαν καὶ ἰσχυρὰν ἔχῃ καὶ οὐ τὴν κατ’ οὐρὰν λέγομεν, ἀλλ’ ἣ πέφυκε μεταξὺ τῶν πλευρῶν καὶ τῶν ἰσχίων κατὰ τὸν κενεῶνα, οὗτοσ δυνήσεται πόρρω ὑποτιθέναι τὰ ὀπίσθια σκέλη ὑπὸ τὰ ἐμπρόσθια. ἢν οὖν τισ ὑποτιθέντοσ αὐτοῦ ἀνακρούῃ τῷ χαλινῷ, ὀκλάζει μὲν τὰ ὀπίσθια ἐν τοῖσ ἀστραγάλοισ, αἴρει δὲ τὸ πρόσθεν σῶμα, ὥστε τοῖσ ἐξ ἐναντίασ φαίνεσθαι τὴν γαστέρα καὶ τὰ αἰδοῖα.

δεῖ δὲ καὶ ὅταν ταῦτα ποιῇ διδόναι αὐτῷ τὸν χαλινόν, ὅπωσ τὰ κάλλιστα ἵππου ἑκόντα ποιῆσαι δοκῇ τοῖσ ὁρῶσιν. εἰσὶ μέντοι οἳ καὶ ταῦτα διδάσκουσιν οἱ μὲν ῥάβδῳ ὑπὸ τοὺσ ἀστραγάλουσ κρούοντεσ, οἱ δὲ καὶ βακτηρίᾳ παρατρέχοντά τινα κελεύοντεσ ὑπὸ τὰσ μηριαίασ παίειν.

ἡμεῖσ γε μέντοι τὸ κράτιστον τῶν διδασκαλίων νομίζομεν, ὥσπερ ἀεὶ λέγομεν, ἢν ἐν παντὶ παρέπηται τὸ ἐν ᾧ ἂν ποιήσῃ τῷ ἀναβάτῃ κατὰ γνώμην τυγχάνειν ῥᾳστώνησ παρ’ αὐτοῦ.

ἃ μὲν γὰρ ὁ ἵπποσ ἀναγκαζόμενοσ ποιεῖ, ὥσπερ καὶ Σίμων λέγει, οὔτ’ ἐπίσταται οὔτε καλά ἐστιν οὐδὲν μᾶλλον ἢ εἴ τισ ὀρχηστὴν μαστιγῶν καὶ κεντρίζων <ῥυθμίζοι>·

πολὺ γὰρ ἂν πλείω ἀσχημονοίη ἢ καλὰ ποιοίη ὁ τοιαῦτα πάσχων καὶ ἵπποσ καὶ ἄνθρωποσ. ἀλλὰ δεῖ ἀπὸ σημείων ἑκόντα πάντα τὰ κάλλιστα καὶ λαμπρότατα ἐπιδείκνυσθαι. ἢν δὲ καί, ὅταν μὲν ἱππάζηται μέχρι, πολλοῦ ἱδρῶτοσ ἐλαύνηται, ὅταν δὲ καλῶσ μετεωρίζῃ ἑαυτόν, ταχύ τε καταβαίνηται καὶ ἀποχαλινῶται, εὖ χρὴ εἰδέναι ὅτι ἑκὼν εἶσιν εἰσ τὸ μετεωρίζειν ἑαυτόν·

ἐπὶ τῶν τοιούτων δὴ ἱππαζόμενοι ἵππων καὶ θεοὶ καὶ ἡρ́ωεσ γράφονται, καὶ ἄνδρεσ οἱ καλῶσ χρώμενοι αὐτοῖσ μεγαλοπρεπεῖσ φαίνονται.

οὕτω δὲ καὶ ἔστιν ὁ μετεωρίζων ἑαυτὸν ἵπποσ σφόδρα ἢ καλὸν ἢ δεινὸν ἢ ἀγαστὸν ἢ θαυμαστόν, ὡσ πάντων τῶν ὁρώντων καὶ νέων καὶ γεραιτέρων τὰ ὄμματα κατέχειν.

οὐδεὶσ γοῦν οὔτε ἀπολείπει αὐτὸν οὔτε ἀπαγορεύει θεώμενοσ, ἔστ’ ἄν περ ἐπιδεικνύηται τὴν λαμπρότητα. ἤν γε μήν ποτε συμβῇ τινι τῶν τοιοῦτον ἵππον κεκτημένων ἢ φυλαρχῆσαι ἢ ἱππαρχῆσαι, οὐ δεῖ αὐτὸν τοῦτο σπουδάζειν, ὅπωσ αὐτὸσ μόνοσ λαμπρὸσ ἔσται, ἀλλὰ πολὺ μᾶλλον ὅπωσ ὅλον τὸ ἑπόμενον ἀξιοθέατον φανεῖται.

ἢν μὲν οὖν ἡγῆται ὡσ μάλιστα ἐπαινοῦσι τοὺσ τοιούτουσ ἵππουσ, ὃσ ἂν ἀνωτάτω αἰρόμενοσ καὶ πυκνότατα τὸ σῶμα βραχύτατον προβαίνῃ, δῆλον ὅτι καὶ βάδην ἕποιντ’ ἂν οἱ ἄλλοι ἵπποι αὐτῷ.

ἐκ δὲ ταύτησ τῆσ ὄψεωσ τί ἂν καὶ λαμπρὸν γένοιτ’ ἄν; ἢν δὲ ἐξεγείρασ τὸν ἵππον ἡγῇ μήτε τῷ ἄγαν ταχεῖ μήτε τῷ ἄγαν βραδεῖ, ὡσ δ’ εὐθυμότατοι ἵπποι καὶ γοργότατοι καὶ πονεῖν εὐσχημονέστατοι γίγνονται, ‐ ἐὰν ἡγῇ αὐτοῖσ οὕτωσ, ἁθρόοσ μὲν <ἂν> ὁ κτύποσ, ἁθρόον δὲ τὸ φρύαγμα καὶ τὸ φύσημα τῶν ἵππων συμπαρέποιτο, ὥστε οὐ μόνον αὐτὸσ ἀλλὰ καὶ πάντεσ οἱ συμπαρεπόμενοι ἀξιοθέατοι ἂν φαίνοιντο.

ἤν γε μήν τισ καλῶσ μὲν ἱππωνήσῃ, τρέφῃ δὲ ὡσ πόνουσ δύνασθαι ὑποφέρειν, ὀρθῶσ δὲ χρῆται καὶ ἐν τοῖσ πρὸσ πόλεμον μελετήμασι καὶ ἐν ταῖσ πρὸσ ἐπίδειξιν ἱππασίαισ καὶ ἐν τοῖσ πολεμικοῖσ ἀγωνίσμασι, τί ἔτι ἐμποδὼν τούτῳ μὴ οὐχὶ πλείονόσ τε ἀξίουσ ἵππουσ ποιεῖν ἢ οἱούσ ἂν παραλαμβάνῃ, καὶ εὐδοκίμουσ μὲν ἵππουσ ἔχειν, εὐδοκιμεῖν δὲ αὐτὸν ἐν τῇ ἱππικῇ, ἢν μή τι δαιμόνιον κωλύῃ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Περὶ Ἱππικῆς, chapter 11

(크세노폰, Minor Works, Περὶ Ἱππικῆς, chapter 11)

상위

목록

SEARCH

MENU NAVIGATION