헬라어 문장 검색 - ΧενοπήΜινορΩό5́04́

(크세노폰, Minor Works, Περὶ Ἱππικῆς, chapter 4)

ὅταν γε μὴν ἀγασθεὶσ ἵππον πρίηταί τισ καὶ οἴκαδε ἀγάγηται, καλὸν μὲν ἐν τοιούτῳ τῆσ οἰκίασ τὸν σταθμὸν εἶναι ὅπου πλειστάκισ ὁ δεσπότησ ὄψεται τὸν ἵππον· ἀγαθὸν δὲ οὕτω κατεσκευάσθαι τὸν ἱππῶνα, ὥστε μηδὲν μᾶλλον οἱο͂́ν τ’ εἶναι τὸν τοῦ ἵππου σῖτον κλαπῆναι ἐκ τῆσ φάτνησ ἢ τὸν τοῦ δεσπότου ἐκ τοῦ ταμιείου. ὁ δὲ τούτου ἀμελῶν ἐμοὶ μὲν ἑαυτοῦ δοκεῖ ἀμελεῖν· δῆλον γὰρ ὅτι ἐν τοῖσ κινδύνοισ τὸ αὑτοῦ σῶμα τῷ ἵππῳ ὁ δεσπότησ παρακατατίθεται. ἔστι δὲ οὐ μόνον τοῦ μὴ κλέπτεσθαι ἕνεκα τὸν σῖτον ἀγαθὸσ ὁ ἐχυρὸσ ἱππών, ἀλλ’ ὅτι καὶ ὅταν μὴ ἐκκομίζῃ τὸν σῖτον ὁ ἵπποσ φανερὸν γίγνεται.

τούτου δ’ ἄν τισ αἰσθανόμενοσ γιγνώσκοι ὅτι ἢ τὸ σῶμα ὑπεραιμοῦν δεῖται θεραπείασ ἢ κόπου ἐνόντοσ δεῖται ἀναπαύσεωσ, ἢ κριθίασισ ἢ ἄλλη τισ ἀρρωστία ὑποδύεται. ἔστι δὲ ὥσπερ ἀνθρώπῳ, οὕτω καὶ ἵππῳ ἀρχόμενα πάντα εὐιατότερα ἢ ἐπειδὰν ἐνσκιρωθῇ τε καὶ ἐξαμαρτηθῇ τὰ νοσήματα. ὥσπερ δὲ τοῦ ἵππου σίτου τε καὶ γυμνασίων ἐπιμελητέον, ὅπωσ ἂν τὸ σῶμα ἰσχύῃ, οὕτω καὶ τοὺσ πόδασ ἀσκητέον.

τὰ μὲν τοίνυν ὑγρά τε καὶ λεῖα τῶν σταθμῶν λυμαίνεται καὶ ταῖσ εὐφυέσιν ὁπλαῖσ· τὰ δέ, ὡσ μὲν μὴ ὑγρὰ εἶναι, ἀπόρρυτα, ὡσ δὲ μὴ λεῖα, λίθουσ ἔχοντα κατορωρυγμένουσ, προσαλλήλουσ, παραπλησίουσ ὁπλαῖσ τὸ μέγεθοσ . . . τὰ γὰρ τοιαῦτα σταθμὰ . . . καὶ ἐφεστηκότων ἅμα στερεοῖ τοὺσ πόδασ. ἔπειτά γε μὴν τῷ ἱπποκόμῳ ἐξακτέον μὲν τὸν ἵππον ὅπου ψήξει, μεταδετέον δὲ μετὰ τὸ ἄριστον ἀπὸ τῆσ φάτνησ, ἵν’ ἥδιον ἐπὶ τὸ δεῖπνον ἰῄ.

ὧδε δ’ ἂν αὖ ὁ ἔξω σταθμὸσ βέλτιστοσ εἰή καὶ τοὺσ πόδασ καρτερύνοι, εἰ λίθων στρογγύλων ἀμφιδόχμων ὅσον μνααίων ἁμάξασ τέτταρασ καὶ πέντε χύδην καταβάλοι, περιχειλώσασ σιδήρῳ, ὡσ ἂν μὴ σκεδαννύωνται· ἐπὶ γὰρ τούτων ἑστηκὼσ ὥσπερ ἐν ὁδῷ λιθώδει ἀεὶ μέροσ <τι> τῆσ ἡμέρασ πορεύοιτο <ἄν>· ἀνάγκη δὲ καὶ ψηχόμενον καὶ μυωπιζόμενον χρῆσθαι ταῖσ ὁπλαῖσ καθάπερ ὅταν βαδίζῃ.

καὶ τὰσ χελιδόνασ δὲ τῶν ποδῶν οἱ οὕτω κεχυμένοι λίθοι στερεοῦσιν. ὡσ δὲ περὶ τῶν ὁπλῶν ὅπωσ στερεαὶ ἔσονται ἐπιμελητέον, οὕτω καὶ τὰ περὶ τὸ στόμα αὖ ὅπωσ μαλακὰ ἔσται ἐπιμελεῖσθαι δεῖ. τὰ δ’ αὐτὰ ἀνθρώπου τε σάρκα καὶ ἵππου στόμα ἁπαλύνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Περὶ Ἱππικῆς, chapter 4

(크세노폰, Minor Works, Περὶ Ἱππικῆς, chapter 4)

상위

목록

SEARCH

MENU NAVIGATION