Xenophon, Minor Works, Περὶ Ἱππικῆς, chapter 2

(크세노폰, Minor Works, Περὶ Ἱππικῆς, chapter 2)

ὅπωσ γε μὴν δεῖ πωλεύειν <οὐ> δοκεῖ ἡμῖν γραπτέον εἶναι· τάττονται μὲν γὰρ δὴ ἐν ταῖσ πόλεσιν ἱππεύειν οἱ τοῖσ χρήμασί τε ἱκανώτατοι καὶ τῆσ πόλεωσ οὐκ ἐλάχιστον μετέχοντεσ· πολὺ δὲ κρεῖττον τοῦ πωλοδαμνεῖν εἶναι τῷ μὲν νέῳ εὐεξίασ τε ἐπιμελεῖσθαι τῆσ ἑαυτοῦ καὶ ἱππικὴν ἐν ἢ ἐπισταμένῳ ἤδη ἱππάζεσθαι μελετᾶν, τῷ δὲ πρεσβυτέρῳ τοῦ τε οἴκου καὶ τῶν φίλων καὶ τῶν πολιτικῶν καὶ τῶν πολεμικῶν μᾶλλον ἢ ἀμφὶ πώλευσιν διατρίβειν. ὁ μὲν δὴ ὥσπερ ἐγὼ γιγνώσκων περὶ πωλείασ δῆλον ὅτι ἐκδώσει τὸν πῶλον.

χρὴ μέντοι, ὥσπερ τὸν παῖδα ὅταν ἐπὶ τέχνην ἐκδῷ, συγγραψάμενον ἃ δεήσει ἐπιστάμενον ἀποδοῦναι οὕτωσ ἐκδιδόναι. ταῦτα γὰρ ὑπομνήματα ἔσται τῷ πωλοδάμνῃ ὧν δεῖ ἐπιμεληθῆναι, εἰ μέλλει τὸν μισθὸν ἀπολήψεσθαι. ὅπωσ μέντοι πρᾷόσ τε καὶ χειροήθησ καὶ φιλάνθρωποσ ὁ πῶλοσ ἐκδιδῶται τῷ πωλοδάμνῃ ἐπιμελητέον.

τὸ γὰρ τοιοῦτον οἴκοι τε τὰ πλεῖστα καὶ διὰ τοῦ ἱπποκόμου ἀποτελεῖται, ἢν ἐπίστηται τὸ μὲν πεινῆν καὶ διψῆν καὶ μυωπίζεσθαι παρασκευάζειν μετ’ ἐρημίασ γίγνεσθαι τῷ πώλῳ, τὸ δὲ φαγεῖν καὶ πιεῖν καὶ τὸ τῶν λυπούντων ἀπαλλάττεσθαι δι’ ἀνθρώπων. τούτων γὰρ γιγνομένων ἀνάγκη μὴ μόνον φιλεῖσθαι ἀλλὰ καὶ ποθεῖσθαι ὑπὸ πώλων ἀνθρώπουσ. καὶ ἅπτεσθαι δὲ χρὴ ὧν ψηλαφωμένων ὁ ἵπποσ μάλιστα ἥδεται.

ταῦτα δ’ ἐστὶ τά τε λασιώτατα καὶ οἷσ αὐτὸσ ἥκιστ’ ἂν δύναιτο ὁ ἵπποσ, ἤν τι λυπῇ αὐτόν, ἐπικουρεῖν. προστετάχθω δὲ τῷ ἱπποκόμῳ καὶ τὸ δι’ ὄχλου διάγειν καὶ παντοδαπαῖσ μὲν ὄψεσι παντοδαποῖσ δὲ ψόφοισ πλησιάζειν.

τούτων δέ, ὅσα ἂν ὁ πῶλοσ φοβῆται, οὐ χαλεπαίνοντα δεῖ ἀλλὰ πραύ̈νοντα διδάσκειν ὅτι οὐ δεινά ἐστι. καὶ περὶ μὲν πωλείασ ἀρκεῖν μοι δοκεῖ τῷ ἰδιώτῃ εἰπεῖν τοσαῦτα πράττειν.

일치하는 문장이 없습니다.

SEARCH

MENU NAVIGATION