Xenophon, Hellenica, Ἑλληνικῶν Ε, chapter 1 5:

ἐκ δὲ τούτου ἀπὸ Λακεδαιμονίων Ιἕραξ ναύαρχοσ ἀφικνεῖται. κἀκεῖνοσ μὲν παραλαμβάνει τὸ ναυτικόν, ὁ δὲ Τελευτίασ μακαριώτατα δὴ ἀπέπλευσεν οἴκαδε. ἡνίκα γὰρ ἐπὶ θάλατταν κατέβαινεν ἐπ’ οἴκου ὁρμώμενοσ, οὐδεὶσ ἐκεῖνον τῶν στρατιωτῶν ὃσ οὐκ ἐδεξιώσατο, καὶ ὁ μὲν ἐστεφάνωσεν, ὁ δὲ ἐταινίωσεν, οἱ δ’ ὑστερήσαντεσ ὅμωσ καὶ ἀναγομένου ἔρριπτον εἰσ τὴν θάλατταν στεφάνουσ καὶ ηὔχοντο αὐτῷ πολλὰ καὶ ἀγαθά.