Xenophon, Cyropaedia, Κύρου Παιδείασ Γ, chapter 1 7:

πάλιν ὁ Κῦροσ πέμψασ ἠρώτα τί οὖν κάθησαι ἐνταῦθα καὶ οὐ καταβαίνεισ; ἀπορῶν, ἔφη, ὅ τι χρὴ ποιεῖν. ἀλλ’ οὐδέν, ἔφη ὁ Κῦροσ, ἀπορεῖν σε δεῖ· ἔξεστι γάρ σοι ἐπὶ δίκην καταβαίνειν. τίσ δ’, ἔφη, ἔσται ὁ δικάζων; Δῆλον ὅτι ᾧ ὁ θεὸσ ἔδωκε καὶ ἄνευ δίκησ χρῆσθαί σοι ὅ τι βούλοιτο. ἐνταῦθα δὴ ὁ Ἀρμένιοσ γιγνώσκων τὴν ἀνάγκην καταβαίνει· καὶ ὁ Κῦροσ λαβὼν εἰσ τὸ μέσον κἀκεῖνον καὶ τὰ ἄλλα πάντα περιεστρατοπεδεύσατο, ὁμοῦ ἤδη πᾶσαν ἔχων τὴν δύναμιν.