헬라어 문장 검색 - Σοπηοξ́Οεδιπυσ́03́0́4́

(소포클레스, Oedipus at Colonus, episode 4:)

ἀλλ’ οἱ θεοί σφιν μήτε τὴν πεπρωμένην ἔριν κατασβέσειαν, ἔν τ’ ἐμοὶ τέλοσ αὐτοῖν γένοιτο τῆσδε τῆσ μάχησ πέρι, ἧσ νῦν ἔχονται κἀπαναίρονται δόρυ· ὡσ οὔτ’ ἂν ὃσ νῦν σκῆπτρα καὶ θρόνουσ ἔχει μείνειεν οὔτ’ ἂν οὑξεληλυθὼσ πάλιν ἔλθοι ποτ’ αὖθισ· οἵ γε τὸν φύσαντ’ ἐμὲ οὕτωσ ἀτίμωσ πατρίδοσ ἐξωθούμενον οὐκ ἔσχον οὐδ’ ἤμυναν, ἀλλ’ ἀνάστατοσ αὐτοῖσ ἐπέμφθην κἀξεκηρύχθην φυγάσ. εἴποισ ἂν ὡσ θέλοντι τοῦτ’ ἐμοὶ τότε πόλισ τὸ δῶρον εἰκότωσ κατῄνεσεν. οὐ δῆτ’, ἐπεί τοι τὴν μὲν αὐτίχ’ ἡμέραν, ὁπηνίκ’ ἔζει θυμόσ, ἥδιστον δέ μοι τὸ κατθανεῖν ἦν καὶ τὸ λευσθῆναι πέτροισ, οὐδεὶσ ἔρωτ’ ἐσ τόνδ’ ἐφαίνετ’ ὠφελῶν· χρόνῳ δ’, ὅτ’ ἤδη πᾶσ ὁ μόχθοσ ἦν πέπων, κἀμάνθανον τὸν θυμὸν ἐκδραμόντα μοι μείζω κολαστὴν τῶν πρὶν ἡμαρτημένων, τὸ τηνίκ’ ἤδη τοῦτο μὲν πόλισ βίᾳ ἤλαυνέ μ’ ἐκ γῆσ χρόνιον, οἱ δ’ ἐπωφελεῖν, οἱ τοῦ πατρόσ, τῷ πατρὶ δυνάμενοι, τὸ δρᾶν οὐκ ἠθέλησαν, ἀλλ’ ἔπουσ σμικροῦ χάριν φυγάσ σφιν ἔξω πτωχὸσ ἠλώμην ἀεί. ἐκ ταῖνδε δ’, οὔσαιν παρθένοιν, ὅσον φύσισ δίδωσιν αὐταῖν, καὶ τροφὰσ ἔχω βίου καὶ γῆσ ἄδειαν καὶ γένουσ ἐπάρκεσιν· τὼ δ’ ἀντὶ τοῦ φύσαντοσ εἱλέσθην θρόνουσ καὶ σκῆπτρα κραίνειν καὶ τυραννεύειν χθονόσ. ἀλλ’ οὔ τι μὴ λάχωσι τοῦδε συμμάχου, οὐδέ σφιν ἀρχῆσ τῆσδε Καδμείασ ποτὲ ὄνησισ ἥξει· τοῦτ’ ἐγῷδα, τῆσδέ τε μαντεῖ’ ἀκούων συννοῶν τε τἀξ ἐμοῦ παλαίφαθ’ ἁμοὶ Φοῖβοσ ἤνυσέν ποτε. πρὸσ ταῦτα καὶ Κρέοντα πεμπόντων ἐμοῦ μαστῆρα, κεἴ τισ ἄλλοσ ἐν πόλει σθένει. ἐὰν γὰρ ὑμεῖσ, ὦ ξένοι, θέληθ’ ὁμοῦ προστάτισι ταῖσ σεμναῖσι δημούχοισ θεαῖσ ἀλκὴν ποεῖσθαι, τῇδε τῇ πόλει μέγαν σωτῆρ’ ἀρεῖσθε, τοῖσ δ’ ἐμοῖσ ἐχθροῖσ πόνουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, episode 4:

(소포클레스, Oedipus at Colonus, episode 4:)

상위

목록

SEARCH

MENU NAVIGATION