헬라어 문장 검색 - Πλυταρ́Λψσανδέ27́

(플루타르코스, Λύσανδρος, chapter 27)

ἐτελεύτησε δὲ πρὶν ἐξ Ἀσίασ ἐπανελθεῖν τὸν Ἀγησίλαον, ἐμπεσὼν εἰσ τὸν Βοιωτικὸν πόλεμον, ἢ μᾶλλον ἐμβαλὼν τὴν Ἑλλάδα. λέγεται γὰρ ἀμφοτέρωσ· Λύσανδρον δέ φασιν ὀργῇ φέρειν ὅτι τῆσ δεκάτησ ἀντεποιήσαντο τοῦ πολέμου Θηβαῖοι μόνοι, τῶν ἄλλων συμμάχων ἡσυχαζόντων, καὶ περὶ χρημάτων ἠγανάκτησαν ἃ Λύσανδροσ εἰσ Σπάρτην ἀπέστειλε, μάλιστα δὲ ἐπὶ τῷ παρασχεῖν ἀρχὴν Ἀθηναίοισ ἐλευθερώσεωσ ἀπὸ τῶν τριάκοντα τυράννων, οὓσ Λύσανδροσ μὲν κατέστησε, Λακεδαιμόνιοι δὲ δύναμιν καὶ φόβον αὐτοῖσ προστιθέντεσ ἐψηφίσαντο τοὺσ φεύγοντασ ἐξ Ἀθηνῶν ἀγωγίμουσ εἶναι πανταχόθεν, ἐκσπόνδουσ δὲ τοὺσ ἐνισταμένουσ τοῖσ ἄγουσι.

πρὸσ ταῦτα γὰρ ἀντεψηφίσαντο Θηβαῖοι ψηφίσματα πρέποντα καὶ ἀδελφὰ ταῖσ Ἡρακλέουσ καὶ Διονύσου πράξεσιν, οἰκίαν μὲν ἀνεῷχθαι πᾶσαν καὶ πόλιν ἐν Βοιωτίᾳ τοῖσ δεομένοισ Ἀθηναίων, τὸν δὲ τῷ ἀγομένῳ φυγάδι μὴ βοηθήσαντα ζημίαν ὀφείλειν τάλαντον, ἂν δέ τισ Ἀθήναζε διὰ τῆσ Βοιωτίασ ἐπὶ τοὺσ τυράννουσ ὅπλα κομίζῃ, μήτε ὁρᾶν τινα Θηβαῖον μήτε ἀκούειν.

καὶ οὐκ ἐψηφίσαντο μὲν οὕτωσ Ἑλληνικὰ καὶ φιλάνθρωπα, τὰσ δὲ πράξεισ τοῖσ γράμμασιν ὁμοίασ οὐ παρέσχον, ἀλλὰ Θρασύβουλοσ καὶ οἱ σὺν αὐτῷ Φυλὴν καταλαβόντεσ ἐκ Θηβῶν ὡρμήθησαν, ὅπλα καὶ χρήματα καὶ τὸ λαθεῖν καὶ τὸ ἄρξασθαι Θηβαίων αὐτοῖσ συμπαρασκευασάντων.

αἰτίασ μὲν οὖν ταύτασ ἔλαβε κατὰ τῶν Θηβαίων ὁ Λύσανδροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Λύσανδρος, chapter 27

(플루타르코스, Λύσανδρος, chapter 27)

상위

목록

SEARCH

MENU NAVIGATION