Plutarch, Λύσανδρος, chapter 1

(플루타르코스, Λύσανδρος, chapter 1)

ὁ Ἀκανθίων θησαυρὸσ ἐν Δελφοῖσ ἐπιγραφὴν ἔχει τοιαύτην· "Βρασίδασ καὶ Ἀκάνθιοι ἀπ’ Ἀθηναίων· διὸ καὶ πολλοὶ τὸν ἐντὸσ ἑστῶτα τοῦ οἴκου παρὰ ταῖσ θύραισ λίθινον ἀνδριάντα Βρασίδου νομίζουσιν εἶναι. Λυσάνδρου δέ ἐστιν εἰκονικόσ, εὖ μάλα κομῶντοσ ἔθει τῷ παλαιῷ καὶ πώγωνα καθειμένου γενναῖον. οὐ γάρ, ὡσ ἔνιοί φασιν, Ἀργείων μετὰ τὴν μεγάλην ἧτταν ἐπὶ πένθει καρέντων οἱ Σπαρτιᾶται πρὸσ τὸ ἀντίπαλον αὐτοῖσ τὰσ κόμασ ἀγαλλόμενοι τοῖσ πεπραγμένοισ ἀνῆκαν, οὐδὲ Βακχιαδῶν τῶν ἐκ Κορίνθου φυγόντων εἰσ Λακεδαίμονα ταπεινῶν καὶ ἀμόρφων διὰ τὸ κείρασθαι τὰσ κεφαλὰσ φανέντων εἰσ ζῆλον αὐτοὶ τοῦ κομᾶν ἦλθον, ἀλλὰ καὶ τοῦτο Λυκούργειόν ἐστι.

καί φασιν αὐτὸν εἰπεῖν ὡσ ἡ κόμη τοὺσ μὲν καλοὺσ εὐπρεπεστέρουσ ὁρᾶσθαι ποιεῖ, τοὺσ δὲ αἰσχροὺσ φοβερωτέρουσ.

일치하는 문장이 없습니다.

SEARCH

MENU NAVIGATION