헬라어 문장 검색 - Πλυταρ́Λψξυργύ21́

(플루타르코스, Lycurgus, chapter 21)

ἡ δὲ περὶ τὰσ ᾠδὰσ καὶ τὰ μέλη παίδευσισ οὐχ ἧττον ἐσπουδάζετο τῆσ ἐν τοῖσ λόγοισ εὐζηλίασ καὶ καθαριότητοσ, ἀλλὰ καὶ τὰ μέλη κέντρον εἶχεν ἐγερτικὸν θυμοῦ καὶ παραστατικὸν ὁρμῆσ ἐνθουσιώδουσ καὶ πραγματικῆσ, καὶ ἡ λέξισ ἦν ἀφελὴσ καὶ ἄθρυπτοσ ἐπὶ πράγμασι σεμνοῖσ καὶ ἠθοποιοῖσ. ἔπαινοι γάρ ἦσαν ὡσ τὰ πολλὰ τῶν τεθνηκότων ὑπὲρ τῆσ Σπάρτησ εὐδαιμονιζομένων, καὶ ψόγοι τῶν τρεσάντων, ὡσ ἀλγεινὸν καὶ κακοδαίμονα βιούντων βίον, ἐπαγγελία τε καὶ μεγαλαυχία πρὸσ ἀρετὴν πρέπουσα ταῖσ ἡλικίαισ· ὧν ἕνεκα δείγματοσ οὐ χεῖρόν ἐστιν ἕν τι προενέγκασθαι.

τριῶν γάρ χορῶν κατὰ τὰσ τρεῖσ ἡλικίασ συνισταμένων ἐν ταῖσ ἑορταῖσ, ὁ μὲν τῶν γερόντων ἀρχόμενοσ ᾖδεν ἄμμεσ πόκ’ ἦμεσ ἄλκιμοι νεανίαι. ὁ δὲ τῶν ἀκμαζόντων ἀμειβόμενοσ ἔλεγεν ἄμμεσ δὲ γ’ εἰμὲν αἰ δὲ λῇσ, αὐγάσδεο. ὁ δὲ τρίτοσ ὁ τῶν παίδων ἄμμεσ δὲ γ’ ἐσσόμεσθα πολλῷ κάρρονεσ. ὅλωσ δὲ ἄν τισ ἐπιστήσασ τοῖσ Λακωνικοῖσ ποιήμασιν, ὧν ἔτι καθ’ ἡμᾶσ ἔνια διεσώζετο, καὶ τοὺσ ἐμβατηρίουσ ῥυθμοὺσ ἀναλαβών, οἷσ ἐχρῶντο πρὸσ τὸν αὐλὸν ἐπάγοντεσ τοῖσ πολεμίοισ, οὐ κακῶσ ἡγήσαιτο καὶ τὸν Τέρπανδρον καὶ τὸν Πίνδαρον τὴν ἀνδρείαν τῇ μουσικῇ συνάπτειν.

ὁ μὲν γὰρ οὕτωσ πεποίηκε περὶ τῶν Λακεδαιμονίων ἔνθ’ αἰχμά τε νέων θάλλει καὶ μοῦσα λίγεια καὶ δίκα εὐρυάγυια Πίνδαροσ δέ φησιν ἔνθα βουλαὶ γερόντων καὶ νέων ἀνδρῶν ἀριστεύοντι αἰχμαὶ καὶ χοροὶ καὶ Μοῦσα καὶ ἀγλαϊά. Μουσικωτάτουσ γὰρ ἅμα καὶ πολεμικωτάτουσ ἀποφαίνουσιν αὐτούσ· ῥέπει γὰρ ἄντα τῶ σιδάρω τὸ καλῶσ κιθαρίσδεν, ὡσ ὁ Λακωνικὸσ ποιητὴσ εἴρηκε.

καὶ γὰρ ἐν ταῖσ μάχαισ προεθύετο ταῖσ Μούσαισ ὁ βασιλεύσ, ἀναμιμνήσκων, ὡσ ἐοίκε, τῆσ παιδείασ καὶ τῶν κρίσεων, ἵνα ὦσι πρόχειροι παρὰ τὰ δεινὰ καὶ λόγου τινὸσ ἀξίασ παρέχωσι τὰσ πράξεισ τῶν μαχομένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 21

(플루타르코스, Lycurgus, chapter 21)

상위

목록

SEARCH

MENU NAVIGATION