헬라어 문장 검색 - Πλυταρ́ΔεΕαπυδ́21́0́00́

(플루타르코스, De E apud Delphos, section 21)

"τοὺσ δ’ Ἀπόλλωνα καὶ ἥλιον ἡγουμένουσ τὸν αὐτὸν ἀσπάζεσθαι μὲν ἄξιόν ἐστι καὶ φιλεῖν δι’ εὐφημίαν, ὃ μάλιστα τιμῶσιν ὧν ἴσασι καὶ ποθοῦσιν, εἰσ τοῦτο τιθέντασ τοῦ θεοῦ τὴν ἐπίνοιαν. "ὡσ δὲ νῦν ἐν τῷ καλλίστῳ τῶν ἐνυπνίων τὸν θεὸν ὀνειροπολοῦντασ ἐγείρωμεν καὶ παρακαλῶμεν ἀνωτέρω προάγειν καὶ θεάσασθαι τὸ ὕπαρ αὐτοῦ καὶ τὴν οὐσίαν· "τιμᾶν δὲ καὶ τὴν εἰκόνα τήνδε καὶ σέβεσθαι τὸ περὶ αὐτὴν γόνιμον, ὡσ ἀνυστόν ἐστιν αἰσθητῷ νοητοῦ καὶ φερομένῳ μένοντοσ, ἐμφάσεισ τινὰσ καὶ εἴδωλα διαλάμπουσαν ἁμωσγέπωσ τῆσ περὶ ἐκεῖνον εὐμενείασ καὶ μακαριότητοσ. "ἐκστάσεισ δ’ αὐτοῦ καὶ μεταβολὰσ πῦρ ἀφιέντοσ, αἳ αὐτὸν ἀνασπῶσιν ὡσ λέγουσιν, αὖθισ τε καταθλίβοντοσ ἐνταῦθα καὶ κατατείνοντοσ εἰσ γῆν καὶ θάλασσαν καὶ ἀνέμουσ καὶ ζῷα, καὶ τὰ δεινὰ παθήματα καὶ ζῴων καὶ φυτῶν, οὐδ’ ἀκούειν ὅσιον ἢ τοῦ ποιητικοῦ παιδὸσ ἔσται φαυλότεροσ, ἣν ἐκεῖνοσ ἔν τινι ψαμάθῳ συντιθεμένῃ καὶ διαχεομένῃ πάλιν ὑφ’ αὑτοῦ παίζει παιδιάν, ταύτῃ περὶ τὰ ὅλα χρώμενοσ ἀεί, καὶ τὸν κόσμον οὐκ ὄντα πλάττων εἶτ’ ἀπολλύων γενόμενον. "τοὐναντίον γὰρ ὅσου ἁμωσγέπωσ ἐγγέγονε τῷ κόσμῳ, τοῦτο συνδεῖ τὴν οὐσίαν καὶ κρατεῖ τῆσ περὶ τὸ σωματικὸν ἀσθενείασ ἐπὶ φθορὰν φερομένησ. "καί μοι δοκεῖ μάλιστα πρὸσ τοῦτον τὸν λόγον ἀντιταττόμενον τὸ ῥῆμα καὶ μαρτυρόμενον εἶ φάναι πρὸσ τὸν θεόν, ὡσ οὐδέποτε γιγνομένησ περὶ αὐτὸν ἐκστάσεωσ καὶ μεταβολῆσ, ἀλλ’ ἑτέρῳ τινὶ θεῷ, μᾶλλον δὲ δαίμονι τεταγμένῳ περὶ τὴν ἐν φθορᾷ καὶ γενέσει φύσιν, τοῦτο ποιεῖν καὶ πάσχειν προσῆκον· "ὡσ δῆλόν ἐστιν ἀπὸ τῶν ὀνομάτων εὐθὺσ οἱο͂ν ἐναντίων ὄντων καὶ ἀντιφώνων. "λέγεται γὰρ ὁ μὲν Ἀπόλλων ὁ δὲ Πλούτων, καὶ ὁ μὲν Δήλιοσ ὁ δ’ Αἰδωνεύσ, καὶ ὁ μὲν Φοῖβοσ ὁ δὲ Σκότιοσ· "καὶ παρ’ ᾧ μὲν αἱ Μοῦσαι καὶ ἡ Μνημοσύνη, παρ’ ᾧ δ’ ἡ Λήθη καὶ ἡ Σιωπή· "καὶ ὁ μὲν Θεώριοσ καὶ Φαναῖοσ, ὁ δὲ νυκτὸσ ἀιδνᾶσ ἀεργηλοῖὸ θ’ Ὕπνου κοίρανοσ· "καὶ ὁ μὲν βροτοῖσι θεῶν ἔχθιστοσ ἁπάντων πρὸσ ὃν δὲ Πίνδαροσ εἴρηκεν οὐκ ἀηδῶσ κατεκρίθη δὲ θνατοῖσ ἀγανώτατοσ ἔμμεν. "εἰκότωσ οὖν ὁ Εὐριπίδησ, εἶπε λοιβαὶ νεκύων φθιμένων ἀοιδαί, τὰσ χρυσοκόμα Ἀπόλλων οὐκ ἐνδέχεται. "καὶ πρότεροσ ἔτι τούτου ὁ Στησίχοροσ, μάλα τοι μάλιστα παιγμοσύνασ τε φιλεῖ μολπὰσ τ’ Ἀπόλλων, κάδεα δὲ στοναχάσ τ’ Αἴδασ ἔλαχε. "Σοφοκλῆσ δὲ καὶ τῶν ὀργάνων ἑκατέρῳ προσνέμων ἑκάτερον δῆλόσ ἐστι διὰ τούτων, οὐ νάβλα κωκυτοῖσιν οὐ λύρα φίλα καὶ γὰρ ὁ αὐλὸσ ὀψὲ καὶ πρῴην ἐτόλμησε φωνὴν ἐφ’ ἱμερτοῖσιν ἀφιέναι· "τὸν δὲ πρῶτον χρόνον εἵλκετο πρὸσ τὰ πένθη, καὶ τὴν περὶ ταῦτα λειτουργίαν οὐ μάλ’ ἔντιμον οὐδὲ φαιδρὰν εἶχεν, εἶτ’ ἐμίχθη πάντα πᾶσι. "μάλιστα δὲ τὰ θεῖα πρὸσ τὰ δαιμόνια συγχέοντεσ εἰσ ταραχὴν αὑτοὺσ κατέστησαν. "ἀλλά γε τῷ Ε τὸ γνῶθι σαυτόν ἐοίκέ πωσ ἀντικεῖσθαι καὶ τρόπον τινὰ πάλιν συνᾴδειν· "τὸ μὲν γὰρ ἐκπλήξει καὶ σεβασμῷ πρὸσ τὸν θεὸν ὡσ ὄντα διὰ παντὸσ ἀναπεφώνηται, τὸ δ’ ὑπόμνησίσ ἐστι τῷ θνητῷ τῆσ περὶ αὐτὸν φύσεωσ καὶ ἀσθενείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De E apud Delphos, section 21

(플루타르코스, De E apud Delphos, section 21)

상위

목록

SEARCH

MENU NAVIGATION