헬라어 문장 검색 - Παυσαν́Δεσξριπ́3́20́

(파우사니아스, Description of Greece, Λακωνικά, chapter 20)

ἐν Θεράπνῃ δὲ κρήνην τὴν Μεσσηίδα ἰδὼν οἶδα. Λακεδαιμονίων δὲ ἑτέροισ ἐστὶν εἰρημένον τὴν Πολυδεύκειαν ὀνομαζομένην ἐφ’ ἡμῶν, οὐ τὴν ἐν Θεράπνῃ Μεσσηίδα καλεῖσθαι τὸ ἀρχαῖον· ἡ δὲ Πολυδεύκειά ἐστιν αὐτή τε ἡ κρήνη καὶ Πολυδεύκουσ ἱερὸν ἐν δεξιᾷ τῆσ ἐσ Θεράπνην ὁδοῦ. Θεράπνησ δὲ οὐ πόρρω Φοιβαῖον καλούμενόν ἐστιν, ἐν δὲ αὐτῷ Διοσκούρων ναόσ·

καὶ οἱ ἔφηβοι τῷ Ἐνυαλίῳ θύουσιν ἐνταῦθα. τούτου δὲ οὐ πολὺ Ποσειδῶνοσ ἀφέστηκεν ἱερὸν ἐπίκλησιν Γαιαόχου. καὶ ἀπ’ αὐτοῦ προελθόντι ὡσ ἐπὶ τὸ Ταύ̈γετον ὀνομάζουσιν Ἀλεσίασ χωρίον, Μύλητα τὸν Λέλεγοσ πρῶτον ἀνθρώπων μύλην τε εὑρεῖν λέγοντεσ καὶ ἐν ταῖσ Ἀλεσίαισ ταύταισ ἀλέσαι. καί σφισι Λακεδαίμονοσ τοῦ Ταϋγέτησ ἐνταῦθά ἐστιν ἡρῷον. διαβᾶσι δὲ αὐτόθεν ποταμὸν Φελλίαν, παρὰ Ἀμύκλασ ἰοῦσιν εὐθεῖαν ὡσ ἐπὶ θάλασσαν Φᾶρισ πόλισ ἐν τῇ Λακωνικῇ ποτε ᾠκεῖτο·

ἀποτρεπομένῳ δὲ ἀπὸ τῆσ Φελλίασ ἐσ δεξιὰν ἡ πρὸσ τὸ ὄροσ τὸ Ταύ̈γετόν ἐστιν ὁδόσ. ἔστι δὲ ἐν τῷ πεδίῳ Διὸσ Μεσσαπέωσ τέμενοσ· γενέσθαι δέ οἱ τὴν ἐπίκλησιν ἀπὸ ἀνδρὸσ λέγουσιν ἱερασαμένου τῷ θεῷ. ἐντεῦθέν ἐστιν ἀπιοῦσιν ἐκ τοῦ Ταϋγέτου χωρίον ἔνθα πόλισ ποτὲ ᾠκεῖτο Βρυσίαι· καὶ Διονύσου ναὸσ ἐνταῦθα ἔτι λείπεται καὶ ἄγαλμα ἐν ὑπαίθρῳ. τὸ δὲ ἐν τῷ ναῷ μόναισ γυναιξὶν ἔστιν ὁρᾶν· γυναῖκεσ γὰρ δὴ μόναι καὶ τὰ ἐσ τὰσ θυσίασ δρῶσιν ἐν ἀπορρήτῳ. ἄκρα δὲ τοῦ Ταϋγέτου Ταλετὸν ὑπὲρ Βρυσεῶν ἀνέχει.

ταύτην Ἡλίου καλοῦσιν ἱερὰν καὶ ἄλλα τε αὐτόθι Ἡλίῳ θύουσι καὶ ἵππουσ· τὸ δὲ αὐτὸ καὶ Πέρσασ οἶδα θύειν νομίζοντασ. Ταλετοῦ δὲ οὐ πόρρω καλούμενόσ ἐστιν Εὐόρασ, θηρία καὶ ἄλλα τρέφων καὶ αἶγασ μάλιστα ἀγρίασ. παρέχεται δὲ καὶ δι’ ὅλου τὸ Ταύ̈γετον τῶν αἰγῶν τούτων ἄγραν καὶ ὑῶν, πλείστην δὲ καὶ ἐλάφων καὶ ἄρκτων. Ταλετοῦ δὲ τὸ μεταξὺ καὶ Εὐόρα Θήρασ ὀνομάζοντεσ Λητώ φασιν ἀπὸ τῶν ἄκρων τοῦ Ταϋγέτου Δήμητροσ ἐπίκλησιν Ἐλευσινίασ ἐστὶν ἱερόν·

ἐνταῦθα Ἡρακλέα Λακεδαιμόνιοι κρυφθῆναί φασιν ὑπὸ Ἀσκληπιοῦ τὸ τραῦμα ἰώμενον· καὶ Ὀρφέωσ ἐστὶν ἐν αὐτῷ ξόανον, Πελασγῶν ὥσ φασιν ἔργον. καὶ τόδε δὲ ἄλλο δρώμενον ἐνταῦθα οἶδα· ἐπὶ θαλάσσῃ πόλισμα Ἕλοσ ἦν, οὗ δὴ καὶ Ὅμηροσ ἐμνημόνευκεν ἐν καταλόγῳ Λακεδαιμονίων·

οἵ τ’ ἄρ’ Ἀμύκλασ εἶχον Ἕλοσ τ’ ἔφαλον πτολίεθρον. τοῦτο ᾤκισε μὲν Ἕλιοσ νεώτατοσ τῶν Περσέωσ παίδων, Δωριεῖσ δὲ παρεστήσαντο ὕστερον πολιορκίᾳ, καὶ πρῶτοί τε ἐγένοντο οὗτοι Λακεδαιμονίων δοῦλοι τοῦ κοινοῦ καὶ εἵλωτεσ ἐκλήθησαν πρῶτοι, καθάπερ γε καὶ ἦσαν· τὸ δὲ οἰκετικὸν τὸ ἐπικτηθὲν ὕστερον, Δωριεῖσ Μεσσηνίουσ ὄντασ, ὀνομασθῆναι καὶ τούτουσ ἐξενίκησεν εἵλωτασ, καθότι καὶ Ἕλληνασ τὸ σύμπαν γένοσ ἀπὸ τῆσ ἐν Θεσσαλίᾳ ποτὲ καλουμένησ Ἑλλάδοσ. ἐκ τούτου δὴ τοῦ Ἕλουσ ξόανον Κόρησ τῆσ Δήμητροσ ἐν ἡμέραισ ῥηταῖσ ἀνάγουσιν ἐσ τὸ Ἐλευσίνιον.

πεντεκαίδεκα δὲ τοῦ Ἐλευσινίου σταδίουσ ἀφέστηκε Λαπίθαιον καλούμενον ἀπὸ ἀνδρὸσ ἐγχωρίου Λαπίθου· τοῦτό τε οὖν τὸ Λαπίθαιόν ἐστιν ἐν τῷ Ταϋγέτῳ καὶ οὐ πόρρω Δέρειον, ἔνθα Ἀρτέμιδοσ ἄγαλμα ἐν ὑπαίθρῳ Δερεάτιδοσ, καὶ πηγὴ παρ’ αὐτῷ ἣν Ἄνονον ὀνομάζουσι. μετὰ δὲ τὸ Δέρειον σταδίουσ προελθόντι ὡσ εἴκοσιν ἔστιν Ἅρπλεια καθήκοντα ἄχρι τοῦ πεδίου. τὴν δὲ ἐπ’ Ἀρκαδίασ ἰοῦσιν ἐκ Σπάρτησ Ἀθηνᾶσ ἕστηκεν ἐπίκλησιν Παρείασ ἄγαλμα ἐν ὑπαίθρῳ, μετὰ δὲ αὐτὸ ἱερόν ἐστιν Ἀχιλλέωσ·

ἀνοίγειν δὲ αὐτὸ οὐ νομίζουσιν· ὁπόσοι δ’ ἂν τῶν ἐφήβων ἀγωνιεῖσθαι μέλλωσιν ἐν τῷ Πλατανιστᾷ, καθέστηκεν αὐτοῖσ τῷ Ἀχιλλεῖ πρὸ τῆσ μάχησ θύειν. ποιῆσαι δέ σφισι τὸ ἱερὸν Σπαρτιᾶται λέγουσι Πράκα ἀπόγονον τρίτον Περγάμου τοῦ Νεοπτολέμου. προϊοῦσι δὲ Ἵππου καλούμενον μνῆμά ἐστι.

Τυνδάρεωσ γὰρ θύσασ ἐνταῦθα ἵππον τοὺσ Ἑλένησ ἐξώρκου μνηστῆρασ ἱστὰσ ἐπὶ τοῦ ἵππου τῶν τομίων· ὁ δὲ ὁρ́κοσ ἦν Ἑλένῃ καὶ τῷ γῆμαι προκριθέντι Ἑλένην ἀμυνεῖν ἀδικουμένοισ· ἐξορκώσασ δὲ τὸν ἵππον κατώρυξεν ἐνταῦθα. κίονεσ δὲ ἑπτὰ οἳ τοῦ μνήματοσ τούτου διέχουσιν οὐ πολύ, κατὰ τρόπον οἶμαι τὸν ἀρχαῖον, οὓσ ἀστέρων τῶν πλανητῶν φασιν ἀγάλματα. καὶ Κρανίου τέμενοσ κατὰ τὴν ὁδὸν ἐπίκλησιν Στεμματίου καὶ Μυσίασ ἐστὶν ἱερὸν Ἀρτέμιδοσ. τὸ δὲ ἄγαλμα τῆσ Αἰδοῦσ τριάκοντά που στάδια ἀπέχον τῆσ πόλεωσ Ἰκαρίου μὲν ἀνάθημα εἶναι, ποιηθῆναι δὲ ἐπὶ λόγῳ φασὶ τοιῷδε.

ὅτ’ ἔδωκεν Ὀδυσσεῖ Πηνελόπην γυναῖκα Ἰκάριοσ, ἐπειρᾶτο μὲν κατοικίσαι καὶ αὐτὸν Ὀδυσσέα ἐν Λακεδαίμονι, διαμαρτάνων δὲ ἐκείνου δεύτερα τὴν θυγατέρα ἱκέτευε καταμεῖναι καὶ ἐξορμωμένησ ἐσ Ἰθάκην ἐπακολουθῶν τῷ ἁρ́ματι ἐδεῖτο. Ὀδυσσεὺσ δὲ τέωσ μὲν ἠνείχετο, τέλοσ δὲ ἐκέλευε Πηνελόπην συνακολουθεῖν ἑκοῦσαν ἢ τὸν πατέρα ἑλομένην ἀναχωρεῖν ἐσ Λακεδαίμονα.

καὶ τὴν ἀποκρίνασθαί φασιν οὐδέν· ἐγκαλυψαμένησ δὲ πρὸσ τὸ ἐρώτημα, Ἰκάριοσ τὴν μὲν ἅτε δὴ συνιεὶσ ὡσ βούλεται ἀπιέναι μετὰ Ὀδυσσέωσ ἀφίησιν, ἄγαλμα δὲ ἀνέθηκεν Αἰδοῦσ· ἐνταῦθα γὰρ τῆσ ὁδοῦ προήκουσαν ἤδη τὴν Πηνελόπην λέγουσιν ἐγκαλύψασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 20

(파우사니아스, Description of Greece, Λακωνικά, chapter 20)

상위

목록

SEARCH

MENU NAVIGATION