헬라어 문장 검색 - Παυσαν́Δεσξριπ́3́05́

(파우사니아스, Description of Greece, Λακωνικά, chapter 5)

Πλείσταρχοσ μὲν οὖν ὁ Λεωνίδου νεωστὶ τὴν βασιλείαν παρειληφὼσ ἐτελεύτησε, Πλειστοάναξ δὲ ἔσχε τὴν ἀρχὴν ὁ Παυσανίου τοῦ Πλαταιᾶσιν ἡγησαμένου· Πλειστοάνακτοσ δὲ ἐγένετο Παυσανίασ. οὗτοσ ἐσ τὴν Ἀττικὴν ἀφίκετο ὁ Παυσανίασ Θρασυβούλῳ καὶ Ἀθηναίοισ πολέμιοσ τῷ λόγῳ, τοῖσ δὲ ἄρχειν ἐπιτραπεῖσιν ὑπὸ Λυσάνδρου καταστησόμενοσ τὴν τυραννίδα ἐν βεβαίῳ. καὶ μάχῃ μὲν ἐνίκησεν Ἀθηναίων τοὺσ ἔχοντασ τὸν Πειραιᾶ, μετὰ δὲ τὴν μάχην αὐτίκα οἱ τὸν στρατὸν ἀπάγειν οἴκαδε ἤρεσε μηδὲ ἀνοσίων ἀνδρῶν τυραννίδα αὔξοντα ἐπισπάσασθαι τῇ Σπάρτῃ τὸ αἴσχιστον <τῶν> ὀνειδῶν. ὡσ δὲ ἐπανῆλθεν ἐξ Ἀθηνῶν μαχεσάμενοσ ἄπρακτον μάχην, ὑπάγουσιν αὐτὸν ἐσ κρίσιν οἱ ἐχθροί.

βασιλεῖ δὲ τῷ Λακεδαιμονίων δικαστήριον ἐκάθιζον οἵ τε ὀνομαζόμενοι γέροντεσ, ὀκτὼ καὶ εἴκοσιν ὄντεσ ἀριθμόν, καὶ ἡ τῶν ἐφόρων ἀρχή, σὺν δὲ αὐτοῖσ καὶ ὁ τῆσ οἰκίασ βασιλεὺσ τῆσ ἑτέρασ. τέσσαρεσ μὲν δὴ καὶ δέκα τῶν γερόντων, ἐπὶ δὲ αὐτοῖσ Ἆγισ ὁ τῆσ ἑτέρασ οἰκίασ βασιλεύσ, ἀδικεῖν τὸν Παυσανίαν κατέγνωσαν· τὸ δὲ ἄλλο ἀπέγνω δικαστήριον.

μετὰ δὲ οὐ πολὺν χρόνον Λακεδαιμονίων συλλεγόντων ἐπὶ Θήβασ στρατιάν ‐ αἰτία δὲ ἥτισ ἐγένετο προσέσται τῷ ἐσ Ἀγησίλαον λόγῳ ‐ , τότε δὲ Λύσανδροσ μὲν ἐσ τὴν Φωκίδα ἀφικόμενοσ καὶ ἀναλαβὼν πανδημεὶ τοὺσ Φωκέασ οὐδένα ἔτι ἐπισχὼν χρόνον ἔσ τε Βοιωτίαν ἐληλύθει καὶ προσβολὰσ ἐποιεῖτο ἐσ τὸ Ἁλιαρτίων τεῖχοσ οὐκ ἐθελόντων ἀπὸ Θηβαίων ἀφίστασθαι. ἐσεληλύθεσαν δὲ ἤδη καὶ Θηβαίων καὶ Ἀθηναίων τινὲσ κρύφα ἐσ τὴν πόλιν, ὧν ἐπεξελθόντων καὶ πρὸ τοῦ τείχουσ ταξαμένων ἄλλοι τε ἐνταῦθα Λακεδαιμονίων καὶ Λύσανδροσ ἔπεσε.

Παυσανίασ δὲ ὑστέρησε μὲν τοῦ ἀγῶνοσ παρὰ Τεγεατῶν καὶ ἐξ Ἀρκαδίασ τῆσ ἄλλησ ἀθροίζων δύναμιν·

ὡσ δὲ ἐσ τὴν Βοιωτίαν ἀφίκετο, ἐπυνθάνετό τε τήν τε ἧτταν τῶν ὁμοῦ Λυσάνδρῳ καὶ αὐτοῦ Λυσάνδρου τὴν τελευτήν, ἐπῆγε δὲ ὅμωσ ἐπὶ τὰσ Θήβασ τὸν στρατὸν καὶ διενοεῖτο ὡσ μάχησ ἄρξων. ἐνταῦθα οἵ τε Θηβαῖοι τὰ ἐναντία ἐτάσσοντο καὶ Θρασύβουλοσ ἀπέχειν οὐ πολὺ ἀπηγγέλλετο ἄγων τοὺσ Ἀθηναίουσ· ἀνέμενε δὲ ἄρξαι Λακεδαιμονίουσ μάχησ, ἄρξασι δὲ αὐτὸσ ἤδη κατὰ νώτου σφίσιν ἔμελλεν ἐπικείσεσθαι. ἔδεισεν οὖν ὁ Παυσανίασ διπλοῦ στρατιωτικοῦ πολεμίων ἀνδρῶν μεταξὺ ἀποληφθῆναι, καὶ οὕτω σπονδάσ τε πρὸσ τοὺσ Θηβαίουσ ἐποιήσατο καὶ τοὺσ ὑπὸ τῷ Ἁλιαρτίων τείχει πεσόντασ ἀνείλετο.

τοῦτο Λακεδαιμονίοισ μὲν ἐγένετο οὐ κατὰ γνώμην, ἐγὼ δὲ ἐπαινῶ τῶνδε ἕνεκα τὸ βούλευμα· γίνονται ἐν μέσῳ πολεμίων ἀποληφθεῖσι, τό τε ἐν Θερμοπύλαισ καὶ ἐν τῇ Σφακτηρίᾳ νήσῳ δεῖμα ἐποιήσατο μή σφισι καὶ αὐτὸσ τρίτου γένηται κακοῦ πρόφασισ.

τότε δὲ ἐν αἰτίᾳ ποιουμένων τῶν πολιτῶν τὴν βραδυτῆτα αὐτοῦ τὴν ἐσ Βοιωτίαν οὐχ ὑπέμεινεν ἐσελθεῖν ἐσ δικαστήριον, Τεγεᾶται δὲ αὐτὸν τῆσ Ἀθηνᾶσ ἱκέτην ἐδέξαντο τῆσ Ἀλέασ.

ἦν δὲ ἄρα τὸ ἱερὸν τοῦτο ἐκ παλαιοῦ Πελοποννησίοισ πᾶσιν αἰδέσιμον καὶ τοῖσ αὐτόθι ἱκετεύουσιν ἀσφάλειαν μάλιστα παρείχετο· ἐδήλωσαν δὲ οἵ τε Λακεδαιμόνιοι τὸν Παυσανίαν καὶ ἔτι πρότερον τούτου Λεωτυχίδην καὶ Ἀργεῖοι Χρυσίδα, καθεζομένουσ ἐνταῦθα ἱκέτασ, οὐδὲ ἀρχὴν ἐξαιτῆσαι θελήσαντεσ. Παυσανίου δὲ φυγόντοσ οἱ μὲν παῖδεσ Ἀγησίπολισ καὶ Κλεόμβροτοσ νέοι παντάπασιν ἔτι ἦσαν, Ἀριστόδημοσ δὲ ἐπετρόπευεν αὐτοὺσ γένουσ ἐγγύτατα ὤν·

καὶ τὸ ἐν Κορίνθῳ Λακεδαιμονίων κατόρθωμα Ἀριστοδήμου σφίσιν ἐγένετο ἡγουμένου. Ἀγησίπολισ δὲ ἐπεὶ τὴν βασιλείαν ἔσχεν αὐξηθείσ, Πελοποννησίων πρώτοισ ἐπολέμησεν Ἀργείοισ.

ὡσ δὲ ἐκ τῆσ Τεγεατῶν ἐσ τὴν Ἀργολίδα ἤγαγε τὸν στρατόν, πέμπουσι κήρυκα οἱ Ἀργεῖοι σπεισόμενον πρὸσ Ἀγησίπολίν σφισι πατρῴουσ δή τινασ σπονδὰσ ἐκ παλαιοῦ καθεστώσασ τοῖσ Δωριεῦσι πρὸσ ἀλλήλουσ. ὁ δὲ οὔτε τῷ κήρυκι ἐσπείσατο καὶ προϊὼν ὁμοῦ τῇ στρατιᾷ τὴν γῆν ἔφθειρεν· διοσημεῖαι παρείχοντο.

καὶ ὁ μὲν ὑπὸ τὸ τεῖχοσ κατεστρατοπεδεύετο ἤδη τὸ Ἀργείων καὶ οὐ παρίει σείων ὁ θεὸσ καί τινεσ καὶ ἀπώλοντο τῶν στρατιωτῶν κεραυνωθέντεσ, τοὺσ δὲ καὶ ἔκφρονασ ἐποίησαν αἱ βρονταί.

οὕτω μὲν δὴ ἐκ τῆσ Ἀργολίδοσ ἀνέζευξεν ἄκων, ἐπὶ δὲ Ὀλυνθίουσ ἐποιεῖτο αὖθισ στρατείαν. κρατοῦντα δὲ αὐτὸν τῷ πολέμῳ καὶ ᾑρηκότα τῶν τε ἄλλων πόλεων τῶν ἐν Χαλκιδεῦσι τὰσ πολλὰσ καὶ αὐτὴν ἐλπίζοντα αἱρήσειν τὴν Ὄλυνθον νόσοσ τε ἐξαίφνησ καὶ θάνατοσ ἐπέλαβεν ἀπ’ αὐτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 5

(파우사니아스, Description of Greece, Λακωνικά, chapter 5)

상위

목록

SEARCH

MENU NAVIGATION