헬라어 문장 검색 - Ηιπποξ́Οευϝρεσ́12́01́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 1.)

Τῶν ἀνθρώπων αἱ κεφαλαὶ οὐδὲν ὁμοίωσ σφίσιν αὐταῖσ, οὐδὲ αἱ Ῥαφαὶ τῆσ κεφαλῆσ πάντων κατὰ ταὐτὰ πεφύκασιν. Σκληρότητοσ μὲν οὖν καὶ μαλθακότητοσ καὶ κοιλότητοσ ὧδε ἔχει. Ἀλλ’ ὅστισ μὲν ἔχει ἐκ τοῦ ἔμπροσθεν τῆσ κεφαλῆσ προβολὴν ἡ̔ δὲ προβολή ἐστι τὸ τοῦ ὀστέου ἐξέχον στρογγύλον παρὰ τὸ ἄλλὀ, τουτέου εἰσὶν αἱ Ῥαφαὶ πεφυκυῖαι ἐν τῇ κεφαλῇ, ὡσ γράμμα τὸ ταῦ, Τ, γράφεται‧ τὴν μὲν γὰρ βραχυτέρην γραμμὴν ἔχει πρὸ τῆσ προβολῆσ ἐπικαρσίην πεφυκυῖαν‧ τὴν δ’ ἑτέρην γραμμὴν ἔχει διὰ μέσησ τῆσ κεφαλῆσ κατὰ μῆκοσ πεφυκυῖαν ἐσ τὸν τράχηλον αἰεί. Ὅστισ δ’ ὄπισθεν τῆσ κεφαλῆσ τὴν προβολὴν ἔχει, αἱ Ῥαφαὶ τουτέῳ πεφύκασι τἀναντία ἢ τῷ προτέρῳ‧ ἡ μὲν γὰρ βραχυτέρη γραμμὴ πρὸ τῆσ προβολῆσ πέφυκεν ἐπικαρσίη‧ ἡ δὲ μακροτέρη διὰ μέσησ τῇσ κεφαλῆσ πέφυκε κατὰ μῆκοσ ἐσ τὸ μέτωπον αἰεί. Ὅστισ δὲ ἀμφοτέρωθεν τῆσ κεφαλῆσ προβολὴν ἔχει, ἐκ τε τοῦ ἔμπροσθεν καὶ ἐκ τοῦ ὄπισθεν, τουτέῳ αἱ Ῥαφαί εἰσιν ὁμοίωσ πεφυκυῖαι ὡσ γράμμα τὸ ἦτα, , γράφεται‧ πεφύκασι δὲ τῶν γραμμέων αἱ μὲν μακραὶ, πρὸ τῆσ προβολῆσ ἑκατέρησ ἐπικάρσιαι πεφυκυῖαι‧ ἡ δὲ βραχείη διὰ μέσησ τῆσ κεφαλῆσ κατὰ μῆκοσ πρὸσ ἑκατέρην τελευτῶσα τὴν μακρὴν γραμμήν. Ὅστισ δὲ μηδ’ ἑτέρωθι μηδεμίαν προβολὴν ἔχει, οὗτοσ ἔχει τὰσ Ῥαφὰσ τῆσ κεφαλῆσ, ὡσ γράμμα τὸ χῖ, Χ, γράφεται‧ πεφύκασι δὲ αἱ γραμμαὶ, ἡ μὲν ἑτέρη ἐπικαρσίη πρὸσ τὸν κρόταφον ἀφίκουσα‧ ἡ δὲ ἑτέρη, κατὰ μῆκοσ διὰ μέσησ τῆσ κεφαλῆσ. Δίπλοον δ’ ἐστὶ τὸ ὀστέον κατὰ μέσην τὴν κεφαλήν‧ σκληρότατον δὲ καὶ πυκνότατον αὐτέου πέφυκεν τό τε ἀνώτατον, ᾗ ἡ ὁμοχροίη τοῦ ὀστέου ἡ ὑπὸ τῇ σαρκὶ, καὶ τὸ κατώτατον τὸ πρὸσ τῇ μήνιγγι, ᾗ ἡ ὁμοχροίη τοῦ ὀστέου ἡ κάτω‧ ἀποχωρέον δὲ ἀπὸ τοῦ ἀνωτάτου ὀστέου καὶ τοῦ κατωτάτου, ἀπὸ τῶν σκληροτάτων καὶ πυκνοτάτων ἐπὶ τὸ μαλθακώτερον καὶ ἧσσον πυκνὸν καὶ ἐπικοιλότερον ἐσ τὴν διπλόην αἰεί. Ἡ δὲ διπλόη κοιλότατον καὶ μαλθακώτατον καὶ μάλιστα σηραγγῶδέσ ἐστιν. Ἔστι δὲ καὶ πᾶν τὸ ὀστέον τῆσ κεφαλῆσ, πλὴν κάρτα ὀλίγου τοῦ τε ἀνωτάτου καὶ τοῦ κατωτάτου, σπόγγῳ ὅμοιον‧ καὶ ἔχει τὸ ὀστέον ἐν ἑωυτῷ ὁκοῖα σαρκία πολλὰ καὶ ὑγρὰ, καὶ εἴ τισ αὐτὰ διατρίβοι τοῖσι δακτύλοισιν, αἷμα ἂν διαγίγνοιτο ἐξ αὐτέων. Ἔνι δ’ ἐν τῷ ὀστέῳ καὶ φλέβια λεπτότερα καὶ κοιλότερα, αἵματοσ πλέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 1.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 1.)

상위

목록

SEARCH

MENU NAVIGATION