헬라어 문장 검색 - Ηιπποξ́Οευϝρεσ́06́30́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 30.)

Γνάθοσ δὲ ὀλίγοισι τελέωσ ἐξήρθρησεν‧ ὀστέον τε γὰρ τὸ ἀπὸ τῆσ ἄνω γνάθου πεφυκὸσ ὑπεζύγωται πρὸσ τῷ ὑπὸ τὸ οὖσ ὀστέῳ προσπεφυκότι, ὅπερ ἀποκλείει τὰσ κεφαλὰσ τῆσ κάτω γνάθου, τῆσ μὲν ἀνωτέρω ἐὸν, τῆσ δὲ κατωτέρω τῶν κεφαλέων. Τὰ δὲ ἄκρεα τῆσ κάτω γνάθου, τὸ μὲν διὰ τὸ μῆκοσ οὐκ εὐπαρείσδυτον, τὸ δ’ αὖ κορωνόν τε καὶ ὑπερέχον ὑπὲρ τοῦ ζυγώματοσ‧ ἅμα τε ἀπ’ ἀμφοτέρων τῶν ἀκρέων τούτων νευρώδεεσ τένοντεσ πεφύκασιν, ἐξ ὧν ἐξήρτηνται οἱ μύεσ οἱ κροταφῖται καὶ μασσητῆρεσ καλεόμενοι‧ διὰ τοῦτο δὲ καλέονται, καὶ διὰ τοῦτο κινέονται, ὅτι ἐντεῦθεν ἐξήρτηνται‧ ἐν γὰρ τῇ ἐδωδ, καὶ ἐν τῇ διαλέκτῳ, καὶ ἐν τῇ ἄλλῃ χρήσει τοῦ στόματοσ, ἡ μὲν ἄνω γνάθοσ ἀτρεμέει‧ ξυνήρτηται γὰρ τῇ κεφαλῇ. καὶ οὐ διήρθρωται‧ ἡ δὲ κάω γνάθοσ κινέεται‧ ἀπήρθρωται γὰρ ἀπὸ τῆσ ἄνω γνάθου, καὶ ἀπὸ τῆσ κεφαλῆσ. Διότι μὲν οὖν ἐν σπασμοῖσι καὶ τετάνοισι πρῶτον τοῦτο τὸ ἄρθρον ἐπισημαίνει συντεταμένον, καὶ διότι πληγαὶ καίριοι καὶ καροῦσαι αἱ κροταφίτιδεσ γίνονται, ἐν ἄλλῳ λόγῳ εἰρήσεται. Περὶ δὲ τοῦ μὴ κάρτα ἐξαρθρέειν τάδε τὰ αἴτια‧ αἴτιον δὲ καὶ τόδε, ὅτι οὐ μάλα καταλαμβάνουσι τοιαῦται ἀνάγκαι βρωμάτων, ὥστε τὸν ἄνθρωπον χανέειν μέζον ἢ ὅσον δύναται‧ ἐκπέσοι δ’ ἂν ἀπ’ οὐδενὸσ ἄλλου σχήματοσ, ἢ ἀπὸ τοῦ μέγα χανόντα παραγαγεῖν τὴν γένυν ἐπὶ θάτερα. Προσξυμβάλλεται μέντοι καὶ τόδε πρὸσ τὸ ἐκπίπτειν‧ ὁκόσα γὰρ νεῦρα καὶ ὁκόσοι μύεσ παρὰ τὰ ἄρθρα εἰσὶν, ἢ ἀπὸ ἄρθρων ἀφ’ ὧν ξυνδέδενται, τούτων ὅσα ἐν τῇ χρήσει πλειστάκισ διακινέεται, ταῦτα καὶ ἐσ τὰσ κατατάσιασ δυνατώτατα ἐπιδιδόναι, ὥσπερ καὶ τὰ δέρματα τὰ εὐδεψητότατα πλείστην ἐπίδοσιν ἔχει. Περὶ οὗ οὖν ὁ λόγοσ, ἐκπίπτει μὲν γνάθοσ ὀλιγάκισ‧ σχᾶται μέντοι πολλάκισ ἐν χάσμῃσιν, ὥσπερ καὶ ἄλλαι πολλαὶ μυῶν παραλλαγαὶ και νεύρων τούτο ποιέουσιν. Δῆλον μὲν οὖν ἐκ τῶνδε μάλιστά ἐστιν, ὅταν ἐκπεπτώκῃ‧ προί̈σχει γὰρ ἡ κάτω γνάθοσ ἐσ τοὔμπροσθεν, καὶ παρῆκται τἀναντία τοῦ ὀλισθήματοσ, καὶ τοῦ ὀστέου τὸ κορωνὸν ὀγκηρότερον φαίνεται παρὰ τὴν ἄνω γνάθον, καὶ χαλεπῶσ ξυμβάλλουσι τὰσ κάτω γνάθουσ. Τούτοισι δὲ ἐμβολὴ πρόδηλοσ, ἥτισ γίνοιτ’ ἂν ἁρμόζουσα‧ χρὴ γὰρ τὸν μέν τινα κατέχειν τὴν κεφαλὴν τοῦ τετρωμένου, τὸν δὲ περιλαβόντα τὴν κάτω γνάθον καὶ ἔσωθεν καὶ ἔξωθεν τοῖσι δακτύλοισι κατὰ τὸ γένειον, χάσκοντοσ τοῦ ἀνθρώπου ὅσον μετρίωσ δύναται, πρῶτον μὲν διακινέειν τὴν κάτω γνάθον χρόνον τινὰ, τῇ καὶ τῇ παράγοντα τῇ χειρὶ, καὶ αὐτὸν τὸν ἄνθρωπον κελεύειν χαλαρὴν τὴν γνάθον ἔχειν, καὶ ξυμπαράγειν, καὶ ξυνδιδόναι ὡσ μάλιστα‧ ἔπειτα ἐξαπίνησ σχάσαι, τρισὶ σχήμασιν ὁμοῦ προσέχοντα τὸν νόον‧ δεῖ μὲν γὰρ παράγεσθαι ἐκ τῆσ διαστροφῆσ ἐσ τὴν φύσιν, δεῖ δὲ ἐσ τοὐπίσω ἀπωσθῆναι τὴν γνάθον τὴν κάτω, δεῖ δὲ ἑπόμενον τούτοισι ξυμβάλλειν τὰσ γνάθουσ, καὶ μὴ χάσκειν. Ἐμβολὴ μὲν οὖν αὕτη, καὶ οὐκ ἂν γένοιτο ἀπ’ ἄλλων σχημάτων. Ιἠτρείη δὲ βραχείη ἀρκέει‧ σπλῆνα προστιθέντα κεκηρωμένον χαλαρῷ ἐπιδέσμῳ ἐπιδεῖν. Ἀσφαλέστερον δὲ χειρίζειν ἐστὶν ὕπτιον κατακλίναντα τὸν ἄνθρωπον, ἐρείσαντα τὴν κεφαλὴν αὐτοῦ ἐπὶ σκυτίνου ὑποκεφαλαίου ὡσ πληρεστάτου, ἵνα ὡσ ἥκιστα ὑπείκῃ‧ προσκατέχειν δέ τινα χρὴ τὴν κεφαλὴν τοῦ τετρωμένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 30.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 30.)

상위

목록

SEARCH

MENU NAVIGATION