헬라어 문장 검색 - Ηιπποξ́Ηιπποξρ́1́20́0́

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xx.)

Λέγουσι δέ τινεσ ἰητροὶ καὶ σοφισταί, ὡσ οὐκ εἰή δυνατὸν ἰητρικὴν εἰδέναι ὅστισ μὴ οἶδεν ὅ τί ἐστιν ἄνθρωποσ. ἀλλὰ τοῦτο δεῖ καταμαθεῖν τὸν μέλλοντα ὀρθῶσ θεραπεύσειν τοὺσ ἀνθρώπουσ. τείνει δὲ αὐτοῖσ ὁ λόγοσ ἐσ φιλοσοφίην, καθάπερ Ἐμπεδοκλῆσ ἢ ἄλλοι οἳ περὶ φύσιοσ γεγράφασιν ἐξ ἀρχῆσ ὅ τί ἐστιν ἄνθρωποσ, καὶ ὅπωσ ἐγένετο πρῶτον καὶ ὁπόθεν συνεπάγη. ἐγὼ δὲ τοῦτο μέν, ὅσα τινὶ εἴρηται ἢ σοφιστῇ ἢ ἰητρῷ ἢ γέγραπται περὶ φύσιοσ, ἧσσον νομίζω τῇ ἰητρικῇ τέχνῃ προσήκειν ἢ τῇ γραφικῇ. νομίζω δὲ περὶ φύσιοσ γνῶναί τι σαφὲσ οὐδαμόθεν ἄλλοθεν εἶναι ἢ ἐξ ἰητρικῆσ· τοῦτο δὲ οἱο͂́ν τε καταμαθεῖν, ὅταν αὐτήν τισ τὴν ἰητρικὴν ὀρθῶσ περιλάβῃ· μέχρι δὲ τούτου πολλοῦ μοι δοκεῖ δεῖν· λέγω δὲ ταύτην τὴν ἱστορίην εἰδέναι, ἄνθρωποσ τί ἐστιν καὶ δι’ οἱάσ αἰτίασ γίνεται καὶ τἄλλα ἀκριβέωσ. ἐπεὶ τοῦτό γέ μοι δοκεῖ ἀναγκαῖον εἶναι ἰητρῷ περὶ φύσιοσ εἰδέναι καὶ πάνυ σπουδάσαι ὡσ εἴσεται, εἴπερ τι μέλλει τῶν δεόντων ποιήσειν, ὅ τί τέ ἐστιν ἄνθρωποσ πρὸσ τὰ ἐσθιόμενά τε καὶ πινόμενα καὶ ὅ τι πρὸσ τὰ ἄλλα ἐπιτηδεύματα, καὶ ὅ τι ἀφ’ ἑκάστου ἑκάστῳ συμβήσεται, καὶ μὴ ἁπλῶσ οὕτωσ· πονηρόν ἐστιν βρῶμα τυρόσ. πόνον γὰρ παρέχει τῷ πληρωθέντι αὐτοῦ, ἀλλὰ τίνα τε πόνον καὶ διὰ τί καὶ τίνι τῶν ἐν τῷ ἀνθρώπῳ ἐνεόντων ἀνεπιτήδειον. ἔστι γὰρ καὶ ἄλλα πολλὰ βρώματα καὶ πόματα πονηρά, ἃ διατίθησι τὸν ἄνθρωπον οὐ τὸν αὐτὸν τρόπον. οὕτωσ οὖν μοι ἔστω οἱο͂ν· οἶνοσ ἄκρητοσ πολλὸσ ποθεὶσ διατίθησί πωσ τὸν ἄνθρωπον· καὶ πάντεσ ἂν οἱ εἰδότεσ τοῦτο γνοίησαν, ὅτι †αὕτη δύναμισ οἴνου καὶ αὐτὸσ αἴτιοσ· † καὶ οἷσί γε τῶν ἐν τῷ ἀνθρώπῳ τοῦτο δύναται μάλιστα, οἴδαμεν. τοιαύτην δὴ βούλομαι ἀληθείην καὶ περὶ τῶν ἄλλων φανῆναι. τυρὸσ γάρ, ἐπειδὴ τούτῳ σημείῳ ἐχρησάμην, οὐ πάντασ ἀνθρώπουσ ὁμοίωσ λυμαίνεται, ἀλλ’ εἰσὶν οἵτινεσ αὐτοῦ πληρούμενοι οὐδ’ ὁτιοῦν βλάπτονται, ἀλλὰ καὶ ἰσχύν, οἷσιν ἂν συμφέρῃ, θαυμασίωσ παρέχεται. εἰσὶ δ’ οἳ χαλεπῶσ ἀπαλλάσσουσι. διαφέρουσιν οὖν τούτων αἱ φύσιεσ. διαφέρουσιν δὲ κατὰ τοῦτο, ὅπερ ἐν τῷ σώματι ἔνεστι πολέμιον τυρῷ καὶ ὑπὸ τούτου ἐγείρεταί τε καὶ κινεῖται· οἷσ ὁ τοιοῦτοσ χυμὸσ τυγχάνει πλείων ἐνεὼν καὶ μᾶλλον ἐνδυναστεύων ἐν τῷ σώματι, τούτουσ μᾶλλον καὶ κακοπαθεῖν εἰκόσ. εἰ δὲ πάσῃ τῇ ἀνθρωπίνῃ φύσει ἦν κακόν, πάντασ ἂν ἐλυμήνατο. ταῦτα δὲ εἴ τισ εἰδείη, οὐκ ἂν πάσχοι τάδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xx.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xx.)

상위

목록

SEARCH

MENU NAVIGATION