Demosthenes, Speeches 11-20, Περὶ τοῦ Στεφάνου 259:

ἀλλ’, ὡσ ἐοίκεν, ἐκεῖνοσ ὁ καιρὸσ καὶ ἡ ἡμέρα ’κείνη οὐ μόνον εὔνουν καὶ πλούσιον ἄνδρ’ ἐκάλει, ἀλλὰ καὶ παρηκολουθηκότα τοῖσ πράγμασιν ἐξ ἀρχῆσ, καὶ συλλελογισμένον ὀρθῶσ τίνοσ εἵνεκα ταῦτ’ ἔπραττεν ὁ Φίλιπποσ καὶ τί βουλόμενοσ· ὁ γὰρ μὴ ταῦτ’ εἰδὼσ μηδ’ ἐξητακὼσ πόρρωθεν, οὔτ’ εἰ εὔνουσ ἦν οὔτ’ εἰ πλούσιοσ, οὐδὲν μᾶλλον ἔμελλ’ ὅ τι χρὴ ποιεῖν εἴσεσθαι οὐδ’ ὑμῖν ἕξειν συμβουλεύειν.