헬라어 문장 검색 - ΑριστοπήΕξξλεσί03́00́2́

(아리스토파네스, Ecclesiazusae, Episode 2:)

οὐδ’ ἄρ’ ἂν ἐγὼ λάβοιμι νῦν ἐλθών; πόθεν; οὐδ’ εἰ μὰ Δία τότ’ ἦλθεσ ὅτε τὸ δεύτερον ἁλεκτρυὼν ἐφθέγγετ’. οἴμοι δείλαιοσ. Ἀντίλοχ’ ἀποίμωξόν με τοῦ τριωβόλου τὸν ζῶντα μᾶλλον. τἀμὰ γὰρ διοίχεται. ἀτὰρ τί τὸ πρᾶγμ’ ἦν, ὅτι τοσοῦτον χρῆμ’ ὄχλου οὕτωσ ἐν ὡρ́ᾳ ξυνελέγη; τί δ’ ἄλλο γ’ ἢ ἔδοξε τοῖσ πρυτάνεσι περὶ σωτηρίασ γνώμασ καθεῖναι τῆσ πόλεωσ; κᾆτ’ εὐθέωσ πρῶτοσ Νεοκλείδησ ὁ γλάμων παρείρπυσεν. κἄπειθ’ ὁ δῆμοσ ἀναβοᾷ πόσον δοκεῖσ, οὐ δεινὰ τολμᾶν τουτονὶ δημηγορεῖν, καὶ ταῦτα περὶ σωτηρίασ προκειμένου, ὃσ αὐτὸσ αὑτῷ βλεφαρίδ’ οὐκ ἐσώσατο; ὁ δ’ ἀναβοήσασ καὶ περιβλέψασ ἔφη, τί δαί με χρῆν δρᾶν; σκόροδ’ ὁμοῦ τρίψαντ’ ὀπῷ τιθύμαλλον ἐμβαλόντα τοῦ Λακωνικοῦ σαυτοῦ παραλείφειν τὰ βλέφαρα τῆσ ἑσπέρασ, ἔγωγ’ ἂν εἶπον, εἰ παρὼν ἐτύγχανον. μετὰ τοῦτον Εὐαίων ὁ δεξιώτατοσ παρῆλθε γυμνόσ, ὡσ ἐδόκει τοῖσ πλείοσιν· αὐτόσ γε μέντοὔφασκεν ἱμάτιον ἔχειν· κἄπειτ’ ἔλεξε δημοτικωτάτουσ λόγουσ· ὁρᾶτε μέν με δεόμενον σωτηρίασ τετραστατήρου καὐτόν· ἀλλ’ ὅμωσ ἐρῶ ὡσ τὴν πόλιν καὶ τοὺσ πολίτασ σώσετε. ἢν γὰρ παρέχωσι τοῖσ δεομένοισ οἱ κναφῆσ χλαίνασ, ἐπειδὰν πρῶτον ἥλιοσ τραπῇ, πλευρῖτισ ἡμῶν οὐδέν’ ἂν λάβοι ποτέ. ὅσοισ δὲ κλίνη μή ’στι μηδὲ στρώματα, ἰέναι καθευδήσοντασ ἀπονενιμμένουσ ἐσ τῶν σκυλοδεψῶν· ἢν δ’ ἀποκλῄῃ θύρᾳ χειμῶνοσ ὄντοσ, τρεῖσ σισύρασ ὀφειλέτω. νὴ τὸν Διόνυσον χρηστά γ’· εἰ δ’ ἐκεῖνά γε προσέθηκεν, οὐδεὶσ ἀντεχειροτόνησεν ἄν, τοὺσ ἀλφιταμοιβοὺσ τοῖσ ἀπόροισ τρεῖσ χοίνικασ δεῖπνον παρέχειν ἅπασιν ἢ κλάειν μακρά, ἵνα τοῦτ’ ἀπέλαυσαν Ναυσικύδουσ τἀγαθόν. μετὰ τοῦτο τοίνυν εὐπρεπὴσ νεανίασ λευκόσ τισ ἀνεπήδησ’ ὅμοιοσ Νικίᾳ δημηγορήσων, κἀπεχείρησεν λέγειν ὡσ χρὴ παραδοῦναι ταῖσ γυναιξὶ τὴν πόλιν. εἶτ’ ἐθορύβησαν κἀνέκραγον ὡσ εὖ λέγοι, τὸ σκυτοτομικὸν πλῆθοσ, οἱ δ’ ἐκ τῶν ἀγρῶν ἀνεβορβόρυξαν. νοῦν γὰρ εἶχον νὴ Δία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Ecclesiazusae, Episode 2:

(아리스토파네스, Ecclesiazusae, Episode 2:)

상위

목록

SEARCH

MENU NAVIGATION