Aristotle, Metaphysics, Book 13 17:

εἰ δὲ ταῦτα, πάλιν παρὰ τὰ τοῦ στερεοῦ τοῦ μαθηματικοῦ ἐπίπεδα καὶ γραμμὰσ καὶ στιγμὰσ ἕτερα κεχωρισμένα πρότερα γὰρ τῶν συγκειμένων ἐστὶ τὰ ἀσύνθετα· καὶ εἴπερ τῶν αἰσθητῶν πρότερα σώματα μὴ αἰσθητά, τῷ αὐτῷ λόγῳ καὶ τῶν ἐπιπέδων τῶν ἐν τοῖσ ἀκινήτοισ στερεοῖσ τὰ αὐτὰ καθ’ αὑτά, ὥστε ἕτερα ταῦτα ἐπίπεδα καὶ γραμμαὶ τῶν ἅμα τοῖσ στερεοῖσ τοῖσ κεχωρισμένοισ·