헬라어 문장 검색 - Αππιαν́ΤηεΞιϝί1́01́

(아피아노스, The Civil Wars, book 1, PROOIMION)

Ῥωμαίοισ ὁ δῆμοσ καὶ ἡ βουλὴ πολλάκισ ἐσ ἀλλήλουσ περί τε νόμων θέσεωσ καὶ χρεῶν ἀποκοπῆσ ἢ γῆσ διαδατουμένησ ἢ ἐν ἀρχαιρεσίαισ ἐστασίασαν· οὐ μήν τι χειρῶν ἔργον ἔμφυλον ἦν, ἀλλὰ διαφοραὶ μόναι καὶ ἔριδεσ ἔννομοι, καὶ τάδε μετὰ πολλῆσ αἰδοῦσ εἴκοντεσ ἀλλήλοισ διετίθεντο. ὁ δὲ δῆμόσ ποτε καὶ στρατευόμενοσ ἐσ τοιάνδε ἔριν ἐμπεσὼν οὐκ ἐχρήσατο τοῖσ ὅπλοισ παροῦσιν, ἀλλ’ ἐσ τὸ ὄροσ ἐκδραμών, τὸ ἀπὸ τοῦδε κλῃζόμενον ἱερόν, οὐδὲν οὐδὲ τότε χειρῶν ἔργον, ἀλλ’ ἀρχὴν ἑαυτοῦ προστάτιν ἀπέφηνε καὶ ἐκάλεσε δημαρχίαν ἐσ κώλυσιν μάλιστα τῶν ὑπάτων ἀπὸ τῆσ βουλῆσ αἱρουμένων μὴ ἐντελὲσ αὐτοῖσ ἐπὶ τῇ πολιτείᾳ τὸ κράτοσ εἶναι. ὅθεν δὴ καὶ μάλιστα δυσμενέστερον ἔτι καὶ φιλονεικότερον ἐσ ἀλλήλασ αἱ ἀρχαὶ διετίθεντο ἀπὸ τοῦδε, καὶ ἡ βουλὴ καὶ ὁ δῆμοσ ἐσ αὐτὰσ ἐμερίζετο ὡσ ἐν ταῖσ τῶνδε πλεονεξίαισ ἑκάτεροι τῶν ἑτέρων ἐπικρατοῦντεσ. Μάρκιόσ τε ὁ Κοριολανὸσ ἐν ταῖσδε ταῖσ ἔρισιν ἐξελαθεὶσ παρὰ δίκην ἐσ Οὐολούσκουσ ἔφυγέ τε καὶ πόλεμον ἐπήγαγε τῇ πατρίδι. Καὶ τοῦτο μόνον ἄν τισ εὑρ́οι τῶν πάλαι στάσεων ἔργον ἔνοπλον, καὶ τοῦθ’ ὑπ’ αὐτομόλου γενόμενον, ξίφοσ δὲ οὐδέν πω παρενεχθὲν ἐσ ἐκκλησίαν οὐδὲ φόνον ἔμφυλον, πρίν γε Τιβέριοσ Γράκχοσ δημαρχῶν καὶ νόμουσ ἐσφέρων πρῶτοσ ὅδε ἐν στάσει ἀπώλετο καὶ ἐπ’ αὐτῷ πολλοὶ κατὰ τὸ Καπιτώλιον εἱλούμενοι περὶ τὸν νεὼν ἀνῃρέθησαν.

καὶ οὐκ ἀνέσχον ἔτι αἱ στάσεισ ἐπὶ τῷδε τῷ μύσει, διαιρουμένων ἑκάστοτε σαφῶσ ἐπ’ ἀλλήλοισ καὶ ἐγχειρίδια πολλάκισ φερόντων κτιννυμένησ τέ τινοσ ἀρχῆσ ἐκ διαστήματοσ ἐν ἱεροῖσ ἢ ἐκκλησίαισ ἢ ἀγοραῖσ, δημάρχων ἢ στρατηγῶν ἢ ὑπάτων ἢ τῶν ἐσ ταῦτα παραγγελλόντων ἢ τῶν ἄλλωσ ἐπιφανῶν. ὕβρισ τε ἄκοσμοσ ἐπεῖχεν αἰεὶ δι’ ὀλίγου καὶ νόμων καὶ δίκησ αἰσχρὰ καταφρόνησισ. προιόντοσ δ’ ἐσ μέγα τοῦ κακοῦ, ἐπαναστάσεισ ἐπὶ τὴν πολιτείαν φανεραὶ καὶ στρατεῖαι μεγάλαι καὶ βίαιοι κατὰ τῆσ πατρίδοσ ἐγίγνοντο φυγάδων ἀνδρῶν ἢ καταδίκων ἢ περὶ ἀρχῆσ τινοσ ἢ στρατοπέδου φιλονικούντων ἐσ ἀλλήλουσ. δυναστεῖαί τε ἦσαν ἤδη κατὰ πολλὰ καὶ στασίαρχοι μοναρχικοί, οἱ μὲν οὐ μεθιέντεσ ἔτι τὰ πιστευθέντα σφίσιν ὑπὸ τοῦ δήμου στρατόπεδα, οἱ δὲ καὶ κατὰ σφᾶσ ἄνευ τοῦ κοινοῦ κατ’ ἀλλήλων ξενολογοῦντεσ. ὁπότεροι δ’ αὐτῶν τὴν πόλιν προλάβοιεν, τοῖσ ἑτέροισ ἦν ὁ ἀγὼν λόγῳ μὲν ἐπὶ τοὺσ ἀντιστασιώτασ, ἔργῳ δ’ ἐπὶ τὴν πατρίδα· ἐσέβαλλον γὰρ ὡσ ἐσ πολεμίαν, καὶ σφαγαὶ τῶν ἐν ποσὶν ἐγίγνοντο νηλεεῖσ καὶ ἄλλων ἐπὶ θανάτῳ προγραφαὶ καὶ φυγαὶ καὶ δημεύσεισ, ἐνίων δὲ καὶ βάσανοι πάμπαν ἐπαχθεῖσ. Ἔργον τε οὐδὲν ἀηδὲσ ἀπῆν, μέχρι τῶνδε τῶν στασιάρχων εἷσ ἔτει πεντηκοστῷ μάλιστα ἀπὸ Γράκχου, Κορνήλιοσ Σύλλασ, κακῷ τὸ κακὸν ἰώμενοσ μόναρχον αὑτὸν ἀπέφηνεν ἐπὶ πλεῖστον·

οὓσ δικτάτορασ ἐκάλουν τε καὶ ἐπὶ ταῖσ φοβερωτάταισ χρείαισ ἑξαμήνουσ τιθέμενοι ἐκ πολλοῦ διελελοίπεσαν. ὁ δὲ Σύλλασ βίᾳ μὲν καὶ ἀνάγκῃ, λόγῳ δ’ αἱρετόσ, ἐσ αἰεὶ δικτάτωρ γενόμενοσ ὅμωσ, ἐπεί τε ἐκορέσθη τῆσ δυναστείασ, πρῶτοσ ἀνδρῶν ὅδε μοι δοκεῖ θαρρῆσαι τυραννικὴν ἀρχὴν ἑκὼν ἀποθέσθαι καὶ ἐπειπεῖν, ὅτι καὶ τοῖσ μεμφομένοισ εὐθύνασ ὑφέξει, ἰδιώτησ τε ὁρώντων ἁπάντων ἐσ πολὺ βαδίσαι κατ’ ἀγορὰν καὶ ἐπανελθεῖν ἀπαθὴσ οἴκαδε. τυσοῦτον ἦν ἄρα τοῖσ ὁρῶσιν ἔτι τῆσ ἀρχῆσ αὐτοῦ δέοσ ἢ τῆσ ἀποθέσεωσ κατάπληξισ ἢ τῶν εὐθυνῶν τῆσ ἐπαγγελίασ αἰδὼσ ἢ ἄλλη φιλανθρωπία καὶ λογισμὸσ ἐπὶ συμφέροντι τὴν τυραννίδα γενέσθαι. Ὧδε μὲν ἐπὶ βραχὺ ἔληξαν αἱ στάσεισ ἐπὶ Σύλλα, καὶ κακῶν ἀντίδοσισ ἦν ὧν ὁ Σύλλασ εἰργάζετο· μετὰ δὲ Σύλλαν αὖθισ ὅμοια ἀνερριπίζετο, μέχρι Γάιοσ Καῖσαρ, αἱρετὴν ἀρχὴν ἐπὶ πολὺ δυναστεύων ἐν Γαλατίᾳ, τῆσ βουλῆσ αὐτὸν ἀποθέσθαι κελευούσησ αἰτιώμενοσ οὐ τὴν βουλήν, ἀλλὰ Πομπήιον, ἐχθρὸν ὄντα οἱ καὶ στρατοῦ περὶ τὴν Ἰταλίαν ἡγούμενον, ὡσ τῆσ ἀρχῆσ αὐτὸν ἐπιβουλεύοντα παραλύειν, προυτίθει προκλήσεισ ἢ ἄμφω τὰ στρατεύματα ἔχειν ἐσ τῆσ ἔχθρασ τὴν ἀφοβίαν ἢ καὶ Πομπήιον οὓσ ἔχοι μεθέντα ἰδιωτεύειν ὁμοίωσ ὑπὸ νόμοισ.

οὐ πείθων δ’ ἐσ οὐδέτερα ἐκ Γαλατίασ ἤλαυνεν ἐπὶ τὸν Πομπήιον ἐσ τὴν πατρίδα, ἐσβαλών τε ἐσ αὐτὴν καὶ διώκων ἐκφυγόντα περὶ Θεσσαλίαν ἐνίκησε μεγάλῃ μάχῃ λαμπρῶσ καὶ ἐδίωκεν ἐσ Αἴγυπτον ὑποφεύγοντα. ἀναιρεθέντοσ δὲ Πομπηίου πρὸσ ἀνδρῶν Αἰγυπτίων ἐπανῆλθεν ἐσ Ῥώμην, ἔστιν ἃ καὶ περὶ Αἴγυπτον ἐργασάμενόσ τε καὶ ἐπιμείνασ, μέχρι καταστήσαιτο αὐτῇ τοὺσ βασιλέασ. στασιώτην τε μέγιστον, ᾧ διὰ μεγαλουργίαν πολεμικὴν Μέγασ ἐπώνυμον ἦν, οὗτοσ δὴ μάλιστα πολέμου κράτει σαφῶσ καθελών, οὐδενὸσ αὐτῷ θαρροῦντοσ εἰσ οὐδὲν ἔτι ἀντειπεῖν, δεύτεροσ ἐπὶ Σύλλᾳ δικτάτωρ ἐσ τὸ διηνεκὲσ ᾑρέθη· καὶ στάσεισ αὖθισ κατεπαύοντο πᾶσαι, ἔστε καὶ τόνδε Βροῦτοσ καὶ Κάσσιοσ ζήλῳ τε τῆσ ἀρχῆσ τοῦ μεγέθουσ καὶ πόθῳ τῆσ πατρίου πολιτείασ ἐν τῷ βουλευτηρίῳ κατέκανον, δημοτικώτατον καὶ ἐμπειρότατον ἀρχῆσ γενόμενον. ὅ γέ τοι δῆμοσ αὐτὸν μάλιστα πάντων ἐπεπόθησε, καὶ τοὺσ σφαγέασ ἐζήτουν περιιόντεσ καὶ τὸ σῶμα ἔθαψαν ἐν ἀγορᾷ μέσῃ καὶ νεὼν ἐπῳκοδόμησαν τῇ πυρᾷ καὶ θύουσιν ὡσ θεῷ. Αἱ δὲ στάσεισ ἐπὶ τῷδε μάλιστα αὖθισ ἐπανελθοῦσαί τε καὶ αὐξηθεῖσαι δυνατώτατα ἐσ μέγα προῆλθον, καὶ φόνοι καὶ φυγαὶ καὶ ἐπὶ θανάτῳ προγραφαὶ βουλευτῶν τε καὶ τῶν καλουμένων ἱππέων, κατὰ πλῆθοσ ἀθρόωσ ἑκατέρων, ἐγίγνοντο, τοὺσ ἐχθροὺσ ἀλλήλοισ τῶν στασιωτῶν ἀντιπαρεχόντων καὶ ἐσ τοῦτο ἀμελούντων καὶ φίλων καὶ ἀδελφῶν·

τοσοῦτον ἐκράτει τῆσ ἐσ τὰ οἰκεῖα εὐνοίασ ἡ ἐσ τὰ ἀντίπαλα φιλονικία. προιόντεσ τε τὴν Ῥωμαίων ἀρχὴν ὡσ ἰδιωτικὸν σφῶν κτῆμα διενείμαντο ἐφ’ ἑαυτῶν τρεῖσ οἵδε ἄνδρεσ, Ἀντώνιόσ τε καὶ Λέπιδοσ καὶ ὅτῳ πρότερον μὲν Ὀκτάουιοσ ὄνομα ἦν, Καίσαρι δὲ πρὸσ γένουσ ὢν καὶ θετὸσ ἐν διαθήκαισ ὑπ’ αὐτοῦ γενόμενοσ Καῖσαρ ἐκ τοῦδε μετωνομάζετο. ἐπὶ δὲ τῇ διαιρέσει τῇδε μετὰ βραχὺ συμπεσόντεσ, ὡσ εἰκὸσ ἦν, ἐσ ἀλλήλουσ ὁ Καῖσαρ αὐτῶν συνέσει τε καὶ ἐμπειρίᾳ προύχων Λέπιδον μὲν πρότερον αὐτῶν ἣν ἐκεκλήρωτο Λιβύην, ἐπὶ δὲ τῷ Λεπίδῳ καὶ Ἀντώνιον πολέμῳ περὶ Ἄκτιον ἀφείλετο τὴν ἀπὸ Συρίασ ἐπὶ κόλπον τὸν Ιὄνιον ἀρχήν. ἐπί τε τούτοισ, μεγίστοισ δὴ φανεῖσι καὶ ἐσ ἔκπληξιν ἅπαντασ ἐμβαλοῦσιν, εἷλε καὶ Αἴγυπτον ἐπιπλεύσασ, ἣ χρονιωτάτη τε ἦν ἐσ τότε καὶ δυνατωτάτη μετὰ Ἀλέξανδρον ἀρχὴ καὶ μόνη Ῥωμαίοισ ἔλειπεν ἐσ τὰ νῦν ὄντα, ὥστε Σεβαστὸσ εὐθὺσ ἐπὶ τοῖσ ἔργοισ, ἔτι περιών, ὅδε πρῶτοσ ὀφθῆναί τε Ῥωμαίοισ καὶ κληθῆναι πρὸσ αὐτῶν, αὐτόσ τε ἑαυτόν, ὥσπερ Γάιοσ καὶ ἐσ τὸ δυνατώτερον ἔτι Γαϊού, ἄρχοντα ἀποφῆναι τῇ τε πατρίδι καὶ τοῖσ ὑπ’ αὐτὴν ἔθνεσιν ἅπασιν, οὐδὲν αἱρέσεωσ ἢ χειροτονίασ ἢ προσποιήματοσ ἔτι δεηθείσ. χρονίου δ’ αὐτῷ καὶ ἐγκρατοῦσ τῆσ ἀρχῆσ γενομένησ, ἐπιτυχὴσ ἐσ πάντα καὶ φοβερὸσ ὢν γένοσ ἀφ’ ἑαυτοῦ καὶ διαδοχὴν τὴν ἐπικρατοῦσαν ὁμοίωσ ἐπ’ ἐκείνῳ κατέλιπεν. Ὧδε μὲν ἐκ στάσεων ποικίλων ἡ πολιτεία Ῥωμαίοισ ἐσ ὁμόνοιαν καὶ μοναρχίαν περιέστη·

ταῦτα δ’ ὅπωσ ἐγένετο, συνέγραψα καὶ συνήγαγον, ἀξιοθαύμαστα ὄντα τοῖσ ἐθέλουσιν ἰδεῖν φιλοτιμίαν ἀνδρῶν ἄμετρον καὶ φιλαρχίαν δεινὴν καρτερίαν τε ἄτρυτον καὶ κακῶν ἰδέασ μυρίων, μάλιστα δ’, ὅτι μοι τῆσ Αἰγυπτίασ συγγραφῆσ τάδε προηγούμενα καὶ τελευτήσοντα εἰσ ἐκείνην ἀναγκαῖον ἦν προαναγράψασθαι· ὧδε γὰρ Αἴγυπτοσ ἐλήφθη, διὰ τήνδε τὴν στάσιν, Ἀντωνίῳ Κλεοπάτρασ συμμαχούσησ. διῄρηται δ’ αὐτῶν διὰ τὸ πλῆθοσ ἐνθάδε μέν, ὅσα ἐπὶ Κορνήλιον Σύλλαν ἀπὸ Σεμπρωνίου Γράκχου, ἑξῆσ δ’, ὅσα μέχρι Γαϊού Καίσαροσ τῆσ τελευτῆσ. αἱ δὲ λοιπαὶ τῶν ἐμφυλίων βίβλοι δεικνύουσιν, ὅσα οἱ τρεῖσ ἐσ ἀλλήλουσ τε καὶ Ῥωμαίουσ ἔδρασαν, μέχρι τὸ τελευταῖον δὴ τῶν στάσεων καὶ μέγιστον ἔργον, τὸ περὶ Ἄκτιον Καίσαρι πρὸσ Ἄντώνιον ὁμοῦ καὶ Κλεοπάτραν γενόμενον, ἀρχὴ καὶ τῆσ Αἰγυπτιακῆσ συγγραφῆσ ἔσται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, PROOIMION

(아피아노스, The Civil Wars, book 1, PROOIMION)

상위

목록

SEARCH

MENU NAVIGATION