Diogenes Laertius, Lives of Eminent Philosophers, E, Kef. s'. HRAKLEIDHS 8:

αἰσθόμενοσ δ’ ὁ Διονύσιοσ ἐμήνυσεν αὐτῷ τὸ γεγονόσ· τοῦ δ’ ἀρνουμένου καὶ ἀπιστοῦντοσ ἐπέστειλεν ἰδεῖν τὴν παραστιχίδα· καὶ εἶχε Πάγκαλοσ. οὗτοσ δ’ ἦν ἐρώμενοσ Διονυσίου· ὡσ δ’ ἔτι ἀπιστῶν ἔλεγε κατὰ τὴν τύχην ἐνδέχεσθαι οὕτωσ ἔχειν, πάλιν ἀντεπέστειλεν ὁ Διονύσιοσ ὅτι "καὶ ταῦτα εὑρήσεισ· α. γέρων πίθηκοσ οὐχ ἁλίσκεται πάγῃ· β. ἁλίσκεται μέν, μετὰ χρόνον δ’ ἁλίσκεται. " καὶ πρὸσ τούτοισ· "Ἡρακλείδησ γράμματα οὐκ ἐπίσταται οὐδ’ ᾐσχύνθη. " Γεγόνασι δ’ Ἡρακλεῖδαι τεσσαρεσκαίδεκα· πρῶτοσ αὐτὸσ οὗτοσ· δεύτεροσ πολίτησ αὐτοῦ, πυρρίχασ καὶ φλυαρίασ συντεταγμένοσ·