Plutarch, Otho, chapter 16 3:

γενόμενοσ δὲ ἀπὸ τούτων μετὰ μικρὸν ἤκουσε θορύβου καὶ βοῆσ ἐπὶ θύραισ, οἱ γὰρ στρατιῶται τῶν συγκλητικῶν τοῖσ ἀπιοῦσι διηπείλουν ἀποσφάξειν, εἰ μὴ παραμενοῦσιν, ἀλλὰ οἰχήσονται τὸν αὐτοκράτορα καταλιπόντεσ. πάλιν οὖν προῆλθεν ὑπὲρ τῶν ἀνδρῶν φοβηθείσ, καὶ τούσ στρατιώτασ, οὐκέτι δεητικὸσ οὐδὲ πρᾷοσ, ἀλλὰ τραχὺσ ὀφθείσ, καὶ μετ’ ὀργῆσ εἰσ τὸ θορυβοῦν μάλιστα διαβλέψασ, ἀπελθεῖν ἐποίησεν εἴξαντασ καὶ διατρέσαντασ.