Plato, Euthydemus, Protagoras, Gorgias, Meno, Πρωταγόρας 320:

λέγοντοσ οὖν ἐμοῦ ταῦτα καὶ τοιαῦτα ἄλλα οὐδὲν ἀπεσάφει ὁ Πρωταγόρασ ὁπότερα ποιήσοι. εἶπεν οὖν ὁ Ἀλκιβιάδησ πρὸσ τὸν Καλλίαν βλέψασ, ὦ Καλλία, δοκεῖ σοι, ἔφη, καὶ νῦν καλῶσ Πρωταγόρασ ποιεῖν, οὐκ ἐθέλων εἴτε δώσει λόγον εἴτε μὴ διασαφεῖν; ἐμοὶ γὰρ οὐ δοκεῖ· ἀλλ’ ἤτοι διαλεγέσθω ἢ εἰπέτω ὅτι οὐκ ἐθέλει διαλέγεσθαι, ἵνα τούτῳ μὲν ταῦτα συνειδῶμεν, Σωκράτησ δὲ ἄλλῳ τῳ διαλέγηται ἢ ἄλλοσ ὅστισ ἂν βούληται ἄλλῳ.