헬라어 문장 검색 - ΧενοπήΜινορΩό6́13́

(크세노폰, Minor Works, Κυνηγετικός, chapter 13)

θαυμάζω δὲ τῶν σοφιστῶν καλουμένων ὅτι φασὶ μὲν ἐπ’ ἀρετὴν ἄγειν οἱ πολλοὶ τοὺσ νέουσ, ἄγουσι δ’ ἐπὶ τοὐναντίον· οὔτε γὰρ ἂν ἄνδρα που ἑωράκαμεν ὅντιν’ οἱ νῦν σοφισταὶ ἀγαθὸν ἐποίησαν, οὔτε γράμματα παρέχονται ἐξ ὧν χρὴ ἀγαθοὺσ γίγνεσθαι, ἀλλὰ περὶ μὲν τῶν ματαίων πολλὰ αὐτοῖσ γέγραπται, ἀφ’ ὧν τοῖσ νέοισ αἱ μὲν ἡδοναὶ κεναί, ἀρετὴ δ’ οὐκ ἔνι· διατρίβειν δ’ ἄλλωσ παρέχει τοῖσ ἐλπίσασί τι ἐξ αὐτῶν μαθήσεσθαι μάτην καὶ ἑτέρων κωλύει χρησίμων καὶ διδάσκει κακά.

μέμφομαι οὖν αὐτοῖσ τὰ μὲν μεγάλα μειζόνωσ·

περὶ δὲ ὧν γράφουσιν, ὅτι τὰ μὲν ῥήματα αὐτοῖσ ἐζήτηται, γνῶμαι δὲ ὀρθῶσ ἔχουσαι, αἷσ ἂν παιδεύοιντο οἱ νεώτεροι ἐπ’ ἀρετήν, οὐδαμοῦ. ἐγὼ δὲ ἰδιώτησ μέν εἰμι, οἶδα δὲ ὅτι κράτιστον μέν ἐστι παρὰ τῆσ αὑτοῦ φύσεωσ τὸ ἀγαθὸν διδάσκεσθαι, δεύτερον δὲ παρὰ τῶν ἀληθῶσ ἀγαθόν τι ἐπισταμένων μᾶλλον ἢ ὑπὸ τῶν ἐξαπατᾶν τέχνην ἐχόντων.

ἴσωσ οὖν τοῖσ μὲν ὀνόμασιν οὐ σεσοφισμένωσ λέγω·

οὐδὲ γὰρ ζητῶ τοῦτο· ὧν δὲ δέονται εἰσ ἀρετὴν οἱ καλῶσ πεπαιδευμένοι ὀρθῶσ ἐγνωσμένα ζητῶ λέγειν· ὀνόματα μὲν γὰρ οὐκ ἂν παιδεύσειε, γνῶμαι δέ, εἰ καλῶσ ἔχοιεν. ψέγουσι δὲ καὶ ἄλλοι πολλοὶ τοὺσ νῦν σοφιστὰσ καὶ οὐ τοὺσ φιλοσόφουσ, ὅτι ἐν τοῖσ ὀνόμασι σοφίζονται, οὐκ ἐν τοῖσ νοήμασιν.

οὐ λανθάνει δέ με ὅτι <τὰ μὴ> καλῶσ καὶ ἑξῆσ γεγραμμένα φήσει τισ ἴσωσ τῶν τοιούτων οὐ καλῶσ οὐδ’ ἑξῆσ γεγράφθαι· ῥᾴδιον γὰρ ἔσται αὐτοῖσ <τὸ> ταχὺ μὴ ὀρθῶσ μέμψασθαι· καίτοι γέγραπταί γε οὕτωσ, ἵνα ὀρθῶσ ἔχῃ, καὶ μὴ σοφιστικοὺσ ποιῇ ἀλλὰ σοφοὺσ καὶ ἀγαθούσ·

οὐ γὰρ δοκεῖν αὐτὰ βούλομαι μᾶλλον ἢ εἶναι χρήσιμα, ἵνα ἀνεξέλεγκτα ᾖ εἰσ ἀεί. οἱ σοφισταὶ δ’ ἐπὶ τῷ ἐξαπατᾶν λέγουσι καὶ γράφουσιν ἐπὶ τῷ ἑαυτῶν κέρδει, καὶ οὐδένα οὐδὲν ὠφελοῦσιν·

οὐδὲ γὰρ σοφὸσ αὐτῶν ἐγένετο οὐδεὶσ οὐδ’ ἔστιν, ἀλλὰ καὶ ἀρκεῖ ἑκάστῳ σοφιστὴν κληθῆναι, ὅ ἐστιν ὄνειδοσ παρά γε εὖ φρονοῦσι. τὰ μὲν οὖν τῶν σοφιστῶν παραγγέλματα παραινῶ φυλάττεσθαι, τὰ δὲ τῶν φιλοσόφων ἐνθυμήματα μὴ ἀτιμάζειν·

οἱ μὲν γὰρ σοφισταὶ πλουσίουσ καὶ νέουσ θηρῶνται, οἱ δὲ φιλόσοφοι πᾶσι κοινοὶ καὶ φίλοι· τύχασ δὲ ἀνδρῶν οὔτε τιμῶσιν οὔτε ἀτιμάζουσι. μὴ ζηλοῦν δὲ μηδὲ τοὺσ ἐπὶ τὰσ πλεονεξίασ εἰκῇ ἰόντασ, μήτ’ ἐπὶ τὰσ ἰδίασ μήτ’ ἐπὶ τὰσ δημοσίασ, ἐνθυμηθέντα ὅτι οἱ μὲν ἄριστοι αὐτῶν γιγνώσκονται μὲν ἐπὶ τὰ βελτίω ἐπίπονοι δέ εἰσιν, οἱ δὲ κακοὶ πάσχουσί τε κακῶσ καὶ γιγνώσκονται ἐπὶ τὰ χείρω.

τάσ τε γὰρ τῶν ἰδιωτῶν οὐσίασ ἀφαιρούμενοι καὶ τὰ τῆσ πόλεωσ εἰσ τὰσ κοινὰσ σωτηρίασ ἀνωφελέστεροί εἰσι τῶν ἰδιωτῶν, τά τε σώματα πρὸσ τὸν πόλεμον κάκιστα καὶ αἴσχιστα ἔχουσι πονεῖν οὐ δυνάμενοι.

οἱ δὲ κυνηγέται εἰσ τὸ κοινὸν τοῖσ πολίταισ καὶ τὰ σώματα καὶ τὰ κτήματα καλῶσ ἔχοντα παρέχουσιν. ἔρχονται δὲ οἱ μὲν ἐπὶ τὰ θηρία, οἱ δ’ ἐπὶ τοὺσ φίλουσ.

εἶθ’ οἱ μὲν ἐπὶ τοὺσ φίλουσ ἰόντεσ δύσκλειαν ἔχουσι παρὰ πᾶσιν, οἱ δὲ κυνηγέται ἐπὶ τὰ θηρία ἰόντεσ εὔκλειαν· ἑλόντεσ μὲν γὰρ πολέμια νικῶσι, μὴ ἑλόντεσ δὲ πρῶτον μὲν ὅτι πάσησ τῆσ πόλεωσ ἐχθροῖσ ἐπιχειροῦσιν ἔπαινον ἔχουσιν, ἔπειτα ὅτι οὔτ’ ἐπ’ ἀνδρὸσ βλάβῃ οὔτε φιλοκερδείᾳ ἔρχονται. ἔπειτα ἐξ αὐτοῦ τοῦ ἐπιχειρήματοσ βελτίουσ γίγνονται πρὸσ πολλὰ καὶ σοφώτεροι δι’ οὗ διδάξομεν.

ἐὰν γὰρ μὴ πόνοισ καὶ ἐνθυμήμασι καὶ ἐπιμελείαισ πολλαῖσ ὑπερβάλλωνται, οὐκ ἂν ἕλοιεν ἄγρασ. τὰ γὰρ ἀντίπαλα αὐτῶν ὑπὲρ τῆσ ψυχῆσ ἀγωνιζόμενα καὶ ἐν τῇ αὑτῶν οἰκήσει ἐν ἰσχύι πολλῇ ἐστιν·

ὥστε τῷ κυνηγέτῃ μάτην οἱ πόνοι γίγνονται, ἐὰν μὴ μείζονι φιλοπονίᾳ καὶ πολλῇ συνέσει κρατήσῃ αὐτῶν. οἱ μὲν οὖν κατὰ πόλιν βουλόμενοι πλεονεκτεῖν μελετῶσι νικᾶν φίλουσ, οἱ δὲ κυνηγέται κοινοὺσ ἐχθρούσ·

καὶ τοὺσ μὲν ἡ μελέτη αὕτη ποιεῖ πρὸσ τοὺσ ἄλλουσ πολεμίουσ ἀμείνουσ, τοὺσ δὲ πολὺ χείρουσ· καὶ τοῖσ μὲν ἡ ἄγρα μετὰ σωφροσύνησ, τοῖσ δὲ μετὰ αἰσχροῦ θράσουσ. κακοηθείασ δὲ καὶ αἰσχροκερδείασ οἱ μὲν δύνανται καταφρονεῖν, οἱ δ’ οὐ δύνανται·

φωνὴν δὲ οἱ μὲν εὐεπῆ ἱᾶσιν, οἱ δ’ αἰσχράν· πρὸσ δὲ τὰ θεῖα τοῖσ μὲν οὐδὲν ἐμποδὼν ἀσεβεῖν, οἱ δ’ εὐσεβέστατοι. λόγοι γὰρ παλαιοὶ κατέχουσιν ὡσ καὶ θεοὶ τούτῳ τῷ ἔργῳ χαίρουσι καὶ πράττοντεσ καὶ ὁρῶντεσ·

ὥστε ὑπάρχειν ἐνθυμουμένουσ τούτων θεοφιλεῖσ τ’ εἶναι καὶ εὐσεβεῖσ τοὺσ νέουσ τοὺσ ποιοῦντασ ἃ ἐγὼ παραινῶ, οἰομένουσ ὑπὸ θεῶν του ὁρᾶσθαι ταῦτα. οὗτοι δ’ ἂν εἰε͂ν καὶ τοκεῦσιν ἀγαθοὶ καὶ πάσῃ τῇ ἑαυτῶν πόλει καὶ ἑνὶ ἑκάστῳ τῶν φίλων καὶ πολιτῶν. οὐ μόνον δὲ ὅσοι ἄνδρεσ κυνηγεσίων ἠράσθησαν ἐγένοντο ἀγαθοί, ἀλλὰ καὶ αἱ γυναῖκεσ αἷσ ἔδωκεν ἡ θεὸσ ταῦτα Ἄρτεμισ, Ἀταλάντη καὶ Πρόκρισ καὶ ἥτισ ἄλλη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Κυνηγετικός, chapter 13

(크세노폰, Minor Works, Κυνηγετικός, chapter 13)

상위

목록

SEARCH

MENU NAVIGATION