헬라어 문장 검색 - ΧενοπήΜινορΩό6́01́

(크세노폰, Minor Works, Κυνηγετικός, chapter 1)

τὸ μὲν εὑρ́ημα θεῶν, Ἀπόλλωνοσ καὶ Ἀρτέμιδοσ, ἄγραι καὶ κύνεσ· ἔδοσαν δὲ καὶ ἐτίμησαν τούτῳ Χείρωνα διὰ δικαιότητα. ὁ δὲ λαβὼν ἐχάρη τῷ δώρῳ καὶ ἐχρῆτο·

καὶ ἐγένοντο αὐτῷ μαθηταὶ κυνηγεσίων τε καὶ ἑτέρων καλῶν Κέφαλοσ, Ἀσκληπιόσ, Μειλανίων, Μέστωρ, Ἀμφιάραοσ, Πηλεύσ, Τελαμών, Μελέαγροσ, Θησεύσ, Ἱππόλυτοσ, Παλαμήδησ, Μενεσθεύσ, Ὀδυσσεύσ, Διομήδησ, Κάστωρ, Πολυδεύκησ, Μαχάων, Ποδαλείριοσ, Ἀντίλοχοσ, Αἰνείασ, Ἀχιλλεύσ, ὧν κατὰ χρόνον ἕκαστοσ ὑπὸ θεῶν ἐτιμήθη. θαυμαζέτω δὲ μηδεὶσ ὅτι οἱ πολλοὶ αὐτῶν ἀρέσκοντεσ θεοῖσ ὅμωσ ἐτελεύτησαν·

τοῦτο μὲν γὰρ ἡ φύσισ· ἀλλ’ οἱ ἔπαινοι αὐτῶν μεγάλοι ἐγένοντο· μηδὲ ὅτι οὐχ αἱ αὐταὶ ἡλικίαι πᾶσι τούτοισ· ὁ γὰρ Χείρωνοσ βίοσ πᾶσιν ἐξήρκει. Ζεῦσ γὰρ καὶ Χείρων ἀδελφοὶ πατρὸσ μὲν τοῦ αὐτοῦ, μητρὸσ δὲ ὁ μὲν Ῥέασ, ὁ δὲ Ναί̈δοσ νύμφησ· ὥστε ἐγεγόνει μὲν Χείρων πρότεροσ τούτων, ἐτελεύτησε δὲ ὕστεροσ, ἐπεὶ Ἀχιλλέα ἐπαίδευσεν.

ἐκ δὲ τῆσ ἐπιμελείασ τῆσ ἐκ τῶν κυνῶν καὶ κυνηγεσίων καὶ <ἐκ> τῆσ ἄλλησ παιδείασ πολὺ διενεγκόντεσ τὰ κατὰ τὴν ἀρετὴν ἐθαυμάσθησαν.

Κέφαλοσ μὲν καὶ ὑπὸ θεᾶσ ἡρπάσθη, Ἀσκληπιὸσ δὲ <καὶ> μειζόνων ἔτυχεν, ἀνιστάναι μὲν τεθνεῶτασ, νοσοῦντασ δὲ ἰᾶσθαι·

διὰ δὲ ταῦτα θεὸσ ὣσ παρ’ ἀνθρώποισ ἀείμνηστον κλέοσ ἔχει. Μειλανίων δὲ τοσοῦτον ὑπερέσχε φιλοπονίᾳ, ὥστε ὧν αὐτῷ ἀντερασταὶ ἐγένοντο οἱ τότε ἄριστοι τῶν τότε μεγίστων γάμων μόνοσ ἔτυχεν Ἀταλάντησ.

Νέστοροσ δὲ προδιελήλυθεν ἡ ἀρετὴ τῶν Ἑλλήνων τὰσ ἀκοάσ, ὥστε εἰδόσιν ἂν λέγοιμι. Ἀμφιάραοσ δὲ ὅτ’ ἐπὶ Θήβασ ἐστράτευσε, πλεῖστον κτησάμενοσ ἔπαινον ἔτυχε παρὰ θεῶν ἀείζωσ τιμᾶσθαι.

Πηλεὺσ δ’ ἐπιθυμίαν παρέσχε καὶ θεοῖσ δοῦναι τε Θέτιν αὐτῷ καὶ τὸν γάμον παρὰ Χείρωνι ὑμνῆσαι. Τελαμὼν δὲ τοσοῦτοσ ἐγένετο, ὥστ’ ἐκ μὲν πόλεωσ τῆσ μεγίστησ ἣν αὐτὸσ ἐβούλετο γῆμαι Περίβοιαν τὴν Ἀλκάθου·

ὅτε δὲ ὁ πρῶτοσ τῶν Ἑλλήνων ἐδίδου τἀριστεῖα Ἡρακλῆσ ὁ Διόσ, ἑλὼν Τροίαν, Ἡσιόνην αὐτῷ ἔδωκεν. Μελέαγροσ δὲ τὰσ μὲν τιμὰσ ἃσ ἔλαβε φανεραί·

πατρὸσ δ’ ἐν γήρᾳ ἐπιλανθανομένου τῆσ θεοῦ οὐχ ὑπὸ τῆσ αὑτοῦ αἰτίασ ἐδυστύχησε. Θησεὺσ δὲ τοὺσ μὲν τῆσ Ἑλλάδοσ ἐχθροὺσ πάσησ μόνοσ ἀπώλεσε· τὴν δ’ αὑτοῦ πατρίδα πολὺ μείζω ποιήσασ ἔτι καὶ νῦν θαυμάζεται. Ἱππόλυτοσ δὲ ὑπὸ μὲν τῆσ Ἀρτέμιδοσ ἐτιμᾶτο καὶ ἐν λόγοισ συνῆν, σωφροσύνῃ δὲ καὶ ὁσιότητι μακαρισθεὶσ ἐτελεύτησε.

Παλαμήδησ δὲ ἑώσ μὲν περιῆν πάντων τῶν ἐφ’ ἑαυτοῦ ὑπερέσχε σοφία. ἀποθανὼν δὲ ἀδίκωσ τοσαύτησ ἔτυχε τιμωρίασ ὑπὸ θεῶν, ὅσησ οὐδεὶσ ἄλλοσ ἀνθρώπων. ἐτελεύτησε δὲ οὐχ ὑφ’ ὧν οἰόνταί τινεσ· οὐ γὰρ ἂν ἦν ὁ μὲν σχεδόν τι ἄριστοσ, ὁ δὲ ὅμοιοσ ἀγαθοῖσ· κακοὶ δὲ ἔπραξαν τὸ ἔργον. Μενεσθεὺσ δὲ ἐκ τῆσ ἐπιμελείασ τῆσ ἐκ τῶν κυνηγεσίων τοσοῦτον ὑπερέβαλε φιλοπονίᾳ, ὥστε ὁμολογεῖται τοὺσ τῶν Ἑλλήνων πρώτουσ ὑστέρουσ εἶναι τὰ εἰσ τὸν πόλεμον ἐκείνου πλὴν Νέστοροσ·

καὶ οὗτοσ οὐ προέχειν λέγεται, ἀλλὰ ἐρίζειν. Ὀδυσσεὺσ δὲ καὶ Διομήδησ λαμπροὶ μὲν καὶ καθ’ ἓν ἕκαστον, τὸ δὲ ὅλον αἴτιοι τοῦ Τροίαν ἁλῶναι.

Κάστωρ δὲ καὶ Πολυδεύκησ ὅσα ἐπεδείξαντο ἐν τῇ Ἑλλάδι τῶν παρὰ Χείρωνοσ διὰ τὸ ἀξίωμα τὸ ἐκ τούτων ἀθάνατοί εἰσι. Μαχάων δὲ καὶ Ποδαλείριοσ παιδευθέντεσ τὰ αὐτὰ ἐγένοντο καὶ τέχνασ καὶ λόγουσ καὶ πολέμουσ ἀγαθοί.

Ἀντίλοχοσ δὲ τοῦ πατρὸσ ὑπεραποθανὼν τοσαύτησ ἔτυχεν εὐκλείασ, ὥστε μόνοσ φιλοπάτωρ παρὰ τοῖσ Ἕλλησιν ἀναγορευθῆναι. Αἰνείασ δὲ σώσασ μὲν τοὺσ πατρῴουσ καὶ μητρῴουσ θεούσ, σώσασ δὲ καὶ αὐτὸν τὸν πατέρα, δόξαν εὐσεβείασ ἐξηνέγκατο, ὥστε καὶ οἱ πολέμιοι μόνῳ ἐκείνῳ ὧν ἐκράτησαν ἐν Τροίᾳ ἔδοσαν μὴ συληθῆναι.

Ἀχιλλεὺσ δ’ ἐν ταύτῃ τῇ παιδείᾳ τραφεὶσ οὕτω καλὰ καὶ μεγάλα μνημεῖα παρέδωκεν, ὥστε οὔτε λέγων οὔτ’ ἀκούων περὶ ἐκείνου οὐδεὶσ ἀπαγορεύει.

οὗτοι δὲ τοιοῦτοι ἐγένοντο ἐκ τῆσ ἐπιμελείασ τῆσ παρὰ Χείρωνοσ, ἧσ οἱ μὲν ἀγαθοὶ ἔτι καὶ νῦν ἐρῶσιν, οἱ δὲ κακοὶ φθονοῦσιν, ὥστ’ ἐν μὲν τῇ Ἑλλάδι εἴ τῳ συμφοραὶ ἐγίγνοντο ἢ πόλει ἢ βασιλεῖ, ἐλύοντο <δι’> αὐτούσ·

εἰ δὲ πρὸσ τοὺσ βαρβάρουσ πάντασ πάσῃ τῇ Ἑλλάδι νεῖκοσ ἢ πόλεμοσ ἦν, διὰ τούτουσ οἱ Ἕλληνεσ ἐκράτουν, ὥστε ἀνίκητον τὴν Ἑλλάδα παρέχεσθαι. 6 ἐγὼ μὲν οὖν παραινῶ τοῖσ νέοισ μὴ καταφρονεῖν κυνηγεσίων μηδὲ τῆσ ἄλλησ παιδείασ·

ἐκ τούτων γὰρ γίγνονται τὰ εἰσ τὸν πόλεμον ἀγαθοὶ καὶ εἰσ τὰ ἄλλα ἐξ ὧν ἀνάγκη καλῶσ νοεῖν καὶ λέγειν καὶ πράττειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Κυνηγετικός, chapter 1

(크세노폰, Minor Works, Κυνηγετικός, chapter 1)

상위

목록

SEARCH

MENU NAVIGATION