헬라어 문장 검색 - ΧενοπήΜινορΩό6́07́

(크세노폰, Minor Works, Κυνηγετικός, chapter 7)

σκυλακεύειν δὲ αὐτὰσ ἐπανιέντα τῶν πόνων τοῦ χειμῶνοσ, ἵνα ἔχουσαι τὴν ἡσυχίαν πρὸσ τὸ ἐάρ ἐπάγωνται τὴν φύσιν γενναίαν· ἡ γὰρ ὡρ́α πρὸσ τὰσ αὐξήσεισ τῶν κυνῶν κρατίστη αὕτη· εἰσὶ δὲ τέτταρεσ καὶ δέκα ἡμέραι ἐν αἷσ ἡ ἀνάγκη αὕτη ἔχει. ἄγειν δὲ καταπαυομένασ, ἵνα θᾶττον ἐγκύμονεσ γίγνωνται, πρὸσ κύνασ ἀγαθούσ·

ἐπειδὰν δὲ ὦσιν ἐπίφοροι, μὴ ἐξάγειν ἐπὶ κυνηγέσιον ἐνδελεχῶσ, ἀλλὰ διαλείπειν, ἵνα μὴ φιλοπονίᾳ διαφθείρωσι. κύουσι δ’ ἑξήκονθ’ ἡμέρασ. ἐπειδὰν δὲ γένηται τὰ σκυλάκια, ὑπὸ τῇ τεκούσῃ ἐᾶν καὶ μὴ ὑποβάλλειν ὑφ’ ἑτέραν κύνα·

αἱ γὰρ θεραπεῖαι αἱ ἀλλότριαι οὐκ εἰσὶν αὔξιμοι· τὸ δὲ τῶν μητέρων καὶ τὸ γάλα ἀγαθὸν καὶ τὸ πνεῦμα καὶ φίλαι αἱ περιβολαί. ἐπειδὰν δὲ πλανᾶται τὰ σκυλάκια ἤδη, διδόναι γάλα μέχρι ἐνιαυτοῦ καὶ οἷσ μέλλει τὸν ἅπαντα χρόνον βιώσεσθαι, ἄλλο δὲ μηδέν·

αἱ γὰρ βαρεῖαι πλησμοναὶ τῶν σκυλακίων διαστρέφουσι τὰ σκέλη, <τοῖσ> σώμασι νόσουσ ἐμποιοῦσι, καὶ τὰ ἐντὸσ ἄδικα γίγνεται. τὰ δ’ ὀνόματα αὐταῖσ τίθεσθαι βραχέα, ἵνα εὐανάκλητα ᾖ.

εἶναι δὲ χρὴ τοιάδε· Ψυχή, Θυμόσ, Πόρπαξ, Στύραξ, Λογχή, Λόχοσ, Φρουρά, Φύλαξ, Τάξισ, Ξίφων, Φόναξ, Φλέγων, Ἀλκή, Τεύχων, Ὑλεύσ, Μήδασ, Πόρθων, Σπέρχων, Ὀργή, Βρέμων, Ὕβρισ, Θάλλων, Ῥώμη, Ἀνθεύσ, Ἥβα, Γηθεύσ, Χαρά, Λεύσων, Αὐγώ, Πολεύσ, Βία, Στίχων, Σπουδή, Βρύασ, Οἰνάσ, Στέρροσ, Κραύγη, Καίνων, Τύρβασ, Σθένων, Αἰθήρ, Ἀκτίσ, Αἰχμή, Νόησ, Γνώμη, Στίβων, Ὁρμή. ἄγειν δὲ τὰσ σκύλακασ ἐπὶ τὸ κυνηγέσιον, τὰσ μὲν θηλείασ ὀκταμήνουσ, τοὺσ δὲ ἄρρενασ δεκαμήνουσ·

πρὸσ δὲ τὰ ἴχνη τὰ εὐναῖα μὴ λύειν, ἀλλ’ ἔχοντα ὑφημμένασ μακροῖσ ἱμᾶσιν ἀκολουθεῖν ταῖσ κυσὶν ἰχνευούσαισ, ἐῶντα αὐτὰσ διαθεῖν τὰ ἴχνη. καὶ ἐπειδὰν ὁ λαγῶσ εὑρίσκηται, ἐὰν μὲν καλαὶ ὦσι πρὸσ τὸν δρόμον τὰ εἴδη, μὴ ἀνιέναι εὐθύσ·

ἐπειδὰν δὲ προλάβῃ ὁ λαγῶσ τῷ δρόμῳ, ὥστε μὴ ἐφορᾶν ἔτι αὐτόν, τὰσ σκύλακασ ἱέναι. ἐὰν γὰρ ὁμόθεν καλὰσ τὰ εἴδη οὔσασ καὶ εὐψύχουσ πρὸσ τὸν δρόμον ἐπιλύῃ, ὁρῶσαι τὸν λαγῶ ἐντεινόμεναι ῥήγνυνται, οὔπω ἔχουσαι συνεστῶτα τὰ σώματα·

διαφυλάττειν οὖν δεῖ τοῦτο τὸν κυνηγέτην. ἐὰν δὲ αἰσχίουσ ὦσι <καὶ ἄψυχοι> πρὸσ τὸν δρόμον, οὐδὲν κωλύει ἱέναι·

εὐθὺσ γὰρ δὴ ἀνέλπιστοι οὖσαι τοῦ ἑλεῖν οὐ πείσονται τοῦτο. τὰ δὲ δρομαῖα, ἑώσ ἂν ἕλωσι τῷ ἴχνει, μεταθεῖν ἐᾶν· ἁλισκομένου δὲ τοῦ λαγῶ διδόναι αὐταῖσ ἀναρρηγνύναι. ἐπειδὰν δὲ μηκέτι θέλωσι προσμένειν τοῖσ ἴχνεσιν, ἀλλ’ ἀποσκεδαννύωνται, ἀναλαμβάνειν, ἑώσ ἂν ἐθισθῶσιν εὑρίσκειν προσθέουσαι τὸν λαγῶ, ἐπεὶ μὴ ἐν κόσμῳ ἀεὶ τοῦτον ζητοῦσαι τελευτῶσαι γίγνονται ἔκκυνοι, πονηρὸν μάθημα.

πρὸσ δὲ ταῖσ ἄρκυσι διδόναι τὰ σιτία αὐταῖσ, ἑώσ ἂν νέαι ὦσιν, ὅταν ἀναιρῶνται, ἵν’ ἐὰν πλανηθῶσιν ἐν τῷ κυνηγεσίῳ δι’ ἀπειρίαν, πρὸσ τοῦτο ἐπανιοῦσαι σῴζωνται.

ἀφεθήσονται δὲ τούτου, ὅταν ἤδη τῷ θηρίῳ ἔχωσι πολεμίωσ, ἐπιμέλειαν δὲ ποιήσονται τούτου μᾶλλον ἢ ἐκείνου φροντίζειν. χρὴ δὲ καὶ ὡσ τὰ πολλὰ δεομέναισ διδόναι τὰ ἐπιτήδεια ταῖσ κυσὶν αὐτόν·

ὅταν μὲν γὰρ <μὴ> ἐνδεεῖσ ὦσι, τούτου τὸν αἴτιον οὐκ ἴσασιν, ὅταν δὲ ἐπιθυμοῦσαι λάβωσι, τὸν διδόντα στέργουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Κυνηγετικός, chapter 7

(크세노폰, Minor Works, Κυνηγετικός, chapter 7)

상위

목록

SEARCH

MENU NAVIGATION