헬라어 문장 검색 - ΧενοπήΜινορΩό6́04́

(크세노폰, Minor Works, Κυνηγετικός, chapter 4)

πρῶτον μὲν οὖν χρὴ εἶναι μεγάλασ, εἶτα ἐχούσασ τὰσ κεφαλὰσ ἐλαφράσ, σιμάσ, ἀρθρώδεισ, ἰνώδη τὰ κάτωθεν τῶν μετώπων, ὄμματα μετέωρα, μέλανα, λαμπρά, μέτωπα πλατέα, τὰσ διακρίσεισ βαθείασ, ὦτα μικρά, λεπτά, ψιλὰ ὄπισθεν, τραχήλουσ μακρούσ, ὑγρούσ, περιφερεῖσ, στήθη πλατέα, μὴ ἄσαρκα ἀπὸ τῶν ὤμων, τὰσ ὠμοπλάτασ διεστώσασ μικρόν, σκέλη τὰ πρόσθια μικρά, ὀρθά, στρογγύλα, στιφρά, ὀρθοὺσ τοὺσ ἀγκῶνασ, πλευρὰσ μὴ ἐπὶ γῆν βαθείασ, ἀλλ’ εἰσ τὸ πλάγιον παρηκούσασ, ὀσφῦσ σαρκώδεισ, τὰ μεγέθη μεταξὺ μακρῶν <καὶ> βραχειῶν, μήτε ὑγρὰσ λίαν μήτε σκληράσ, λαγόνασ μεταξὺ μεγάλων <καὶ> μικρῶν, ἰσχία στρογγύλα, ὄπισθεν σαρκώδη, ἄνωθεν δὲ μὴ συνδεδεμένα, ἔνδοθεν δὲ προσεσταλμένα, τὰ κάτωθεν τῶν κενεώνων λαγαρὰ καὶ αὐτοὺσ τοὺσ κενεῶνασ, οὐρὰσ μακράσ, ὀρθάσ, λιγυράσ, μηριαίασ μὴ σκληράσ, ὑποκώλια μακρά, περιφερῆ, εὐπαγῆ, σκέλη πολὺ μείζω τὰ ὄπισθεν τῶν ἔμπροσθεν καὶ ἐπίρρικνα, πόδασ περιφερεῖσ. καὶ ἐὰν ὦσι τοιαῦται αἱ κύνεσ, ἔσονται ἰσχυραὶ τὰ εἴδη, ἐλαφραί, σύμμετροι, ποδώκεισ, καὶ ἀπὸ τῶν προσώπων φαιδραὶ καὶ εὔστομοι.

ἰχνευέτωσαν δὲ ἐκ τῶν τριμμῶν ταχὺ ἀπαλλαττόμεναι, τιθεῖσαι τὰσ κεφαλὰσ ἐπὶ γῆν λεχρίασ, ἐμμειδιῶσαι μὲν πρὸσ τὰ ἴχνη, ἐπικαταβάλλουσαι δὲ τὰ ὦτα·

καὶ τὰ μὲν ὄμματα πυκνὰ διακινοῦσαι, ταῖσ δὲ οὐραῖσ διασαίνουσαι κύκλουσ πολλοὺσ <ποιούμεναι> πρὸσ τὰσ εὐνὰσ προί̈τωσαν ὁμοῦ διὰ τοῦ ἴχνουσ ἅπασαι. ὅταν δὲ περὶ αὐτὸν ὦσι τὸν λαγῶ, δῆλον ποιείτωσαν τῷ κυνηγέτῃ θᾶττον φοιτῶσαι, μᾶλλον γνωρίζουσαι ἀπὸ τοῦ θυμοῦ, ἀπὸ τῆσ κεφαλῆσ, ἀπὸ τῶν ὀμμάτων, ἀπὸ τῆσ μεταλλάξεωσ τῶν σχημάτων καὶ ἀπὸ τῶν ἀναβλεμμάτων καὶ ἐμβλεμμάτων εἰσ τὴν ὕλην καὶ ἀναστρεμμάτων τῶν ἐπὶ τὰσ καθέδρασ τοῦ λαγῶ, καὶ ἀπὸ τῶν εἰσ τὸ πρόσθεν καὶ ὄπισθεν καὶ εἰσ τὸ πλάγιον διαρριμμάτων, καὶ ἀπὸ τοῦ ἀληθῶσ ἤδη αἰωρεῖσθαι τὴν ψυχὴν καὶ ὑπερχαίρειν ὅτι τοῦ λαγῶ ἐγγύσ εἰσι.

διωκέτωσαν δὲ ἐρρωμένωσ καὶ μὴ ἐπανιεῖσαι σὺν πολλῇ κλαγγῇ καὶ ὑλαγμῷ, συνεκπερῶσαι μετὰ τοῦ λαγῶ πάντῃ.

μεταθείτωσαν δὲ ταχὺ καὶ λαμπρῶσ, πυκνὰ μεταφερόμεναι καὶ ἐπανακλαγγάνουσαι δικαίωσ· πρὸσ δὲ τὸν κυνηγέτην μὴ ἐπανίτωσαν λιποῦσαι τὰ ἴχνη. μετὰ δὲ τοῦ εἴδουσ καὶ τοῦ ἔργου τούτου εὔψυχοι ἔστωσαν καὶ εὔρινεσ καὶ εὔποδεσ καὶ εὔτριχεσ.

εὔψυχοι μὲν οὖν ἔσονται, ἐὰν μὴ λείπωσι τὰ κυνηγέσια ὅταν ᾖ πνίγη· εὔρινεσ δέ, ἐὰν τοῦ λαγῶ ὀσφραίνωνται ἐν τόποισ ψιλοῖσ, ξηροῖσ, προσηλίοισ τοῦ ἄστρου ἐπιόντοσ· εὔποδεσ δέ, ἐὰν τῇ αὐτῇ ὡρ́ᾳ μὴ καταρρηγνύωνται αὐτῶν οἱ πόδεσ τὰ ὄρη θεουσῶν· εὔτριχεσ δέ, ἐὰν ἔχωσι λεπτὴν καὶ πυκνὴν καὶ μαλακὴν τὴν τρίχα. τὰ δὲ χρώματα οὐ χρὴ εἶναι τῶν κυνῶν οὔτε πυρρὰ οὔτε μέλανα οὔτε λευκὰ παντελῶσ·

ἔστι γὰρ οὐ γενναῖον τοῦτο, ἀλλ<ὰ τὸ> ἁπλοῦν καὶ θηριῶδεσ. αἱ μὲν οὖν πυρραὶ ἔχουσαι ἔστωσαν λευκὴν τρίχα ἐπανθοῦσαν περὶ τὰ μέτωπα καὶ αἱ μέλαιναι, αἱ δὲ λευκαὶ πυρράν·

ἐπὶ δὲ ταῖσ μηριαίαισ ἄκραισ τρίχασ ὀρθάσ, βαθείασ, καὶ ἐπὶ ταῖσ ὀσφύσι καὶ ταῖσ οὐραῖσ κάτω, ἄνωθεν δὲ μετρίασ. ἄγειν δὲ ἄμεινον τὰσ κύνασ <εἰσ> τὰ ὄρη πολλάκισ, τὰ δὲ ἔργα ἧττον·

τὰ μὲν γὰρ ὄρη οἱο͂́ν τ’ ἐστὶ καὶ ἰχνεύειν καὶ μεταθεῖν καθαρῶσ, τὰ δὲ ἔργα οὐδέτερα διὰ τοὺσ τριμμούσ. ἔστι δὲ καὶ ἄνευ τοῦ εὑρίσκειν τὸν λαγῶ ἀγαθὸν ἄγειν τὰσ κύνασ <εἰσ> τὰ τραχέα·

καὶ γὰρ εὔποδεσ γίγνονται καὶ τὰ σώματα διαπονοῦσαι ἐν τόποισ τοιούτοισ ὠφελοῦνται. ἀγέσθωσαν δὲ θέρουσ μὲν μέχρι μεσημβρίασ, χειμῶνοσ δὲ δι’ ἡμέρασ, μετοπώρου δ’ ἔξω μεσημβρίασ, ἐντὸσ δὲ ἑσπέρασ τὸ ἐάρ.

ταῦτα γὰρ μέτρια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Κυνηγετικός, chapter 4

(크세노폰, Minor Works, Κυνηγετικός, chapter 4)

상위

목록

SEARCH

MENU NAVIGATION