헬라어 문장 검색 - ΧενοπήΜινορΩό6́03́

(크세노폰, Minor Works, Κυνηγετικός, chapter 3)

τὰ δὲ γένη τῶν κυνῶν διττά, αἱ μὲν καστόριαι, αἱ δὲ ἀλωπεκίδεσ. ἔχουσι δ’ αἱ μὲν καστόριαι τὴν ἐπωνυμίαν ταύτην ὅτι Κάστωρ ἡσθεὶσ τῷ ἔργῳ μάλιστα αὐτὰσ διεφύλαξεν· αἱ δ’ ἀλωπεκίδεσ διότι ἐκ κυνῶν τε καὶ ἀλωπέκων ἐγένοντο· ἐν πολλῷ δὲ χρόνῳ συγκέκραται αὐτῶν ἡ φύσισ. χείρουσ δὲ καὶ πλείουσ αἱ τοιαίδε, μικραί, γρυπαί, χαροποί, μυωποί, ἄμορφοι, σκληραί, ἀσθενεῖσ, ψιλαί, ὑψηλαί, ἀσύμμετροι, ἄψυχοι, ἄρρινεσ, οὐκ εὔποδεσ.

αἱ μὲν οὖν μικραὶ πολλάκισ ἀποστεροῦνται τῆσ ἐργασίασ διὰ τὸ μικρόν·

αἱ δὲ ἄποδεσ οὐδ’ ἂν ὦσιν εὔψυχοι τοὺσ πόνουσ δύνανται ἀνέχεσθαι, ἀλλ’ ἀπαγορεύουσι διὰ τὸ ἄλγοσ τῶν ποδῶν. αἱ δὲ γρυπαὶ ἄστομοι καὶ διὰ τοῦτο οὐ κατέχουσι τὸν λαγῶ· <αἱ> χαροποὶ δὲ καὶ μυωποὶ χείρω τὰ ὄμματα ἔχουσιν· <αἱ> ἄμορφοι δὲ καὶ αἰσχραὶ ὁρᾶσθαι· αἱ δὲ σκληραὶ τὰ εἴδη χαλεπῶσ ἀπὸ τῶν κυνηγεσίων ἀπαλλάττουσι· πονεῖν δὲ ἀδύνατοι αἱ ἀσθενεῖσ καὶ αἱ ψιλαί· αἱ δὲ ὑψηλαὶ καὶ αἱ ἀσύμμετροι ἀσύντακτα ἔχουσαι τὰ σώματα βαρέωσ διαφοιτῶσιν· αἱ ἄψυχοι δὲ καὶ λείπουσι τὰ ἔργα καὶ ἀφίστανται <καὶ ὑποφεύγουσι> τὸν ἥλιον ὑπὸ τὰσ σκιὰσ καὶ κατακλίνονται· αἱ δὲ ἄρρινεσ μόλισ καὶ ὀλιγάκισ αἰσθάνονται τοῦ λαγῶ· εἰσὶ δὲ καὶ τῆσ ἰχνεύσεωσ πολλοὶ τρόποι ἐκ τῶν αὐτῶν κυνῶν·

αἱ μὲν γὰρ ἐπειδὰν λάβωσι τὰ ἴχνη, πορεύονται ἀσήμωσ ὥστε μὴ γιγνώσκεσθαι ὅτι ἰχνεύουσιν, αἱ δὲ τὰ ὦτα μόνον διακινοῦσι, τὴν δὲ οὐρὰν ἡσυχῇ ἔχουσιν, αἱ δὲ τὰ ὦτα μὲν ἀκίνητα ἔχουσιν, ἄκραν δὲ τὴν οὐρὰν σείουσιν. ἄλλαι δὲ συνάγουσι τὰ ὦτα καὶ ἐπισκυθρωπάσασαι διὰ τοῦ ἴχνουσ, σχάσασαι τὴν οὐρὰν καὶ φράξασαι διατρέχουσι·

πολλαὶ δὲ τούτων μὲν οὐδὲν ποιοῦσι, μανικῶσ δὲ περιφερόμεναι ὑλακτοῦσι περὶ τὰ ἴχνη, ὅτε δὲ εἰσπίπτουσιν εἰσ αὐτά, ἀφρόνωσ καταπατοῦσαι τὰσ αἰσθήσεισ. εἰσὶ δὲ αἳ κύκλοισ πολλοῖσ χρώμεναι καὶ πλάνοισ, ὑπολαμβάνουσαι ἐκ τοῦ πρόσω τὰ ἴχνη παραλείπουσι τὸν λαγῶ, ὁσάκισ δ’ ἐπιτρέχουσι τὰ ἴχνη, εἰκάζουσι, προορώμεναι δὲ τὸν λαγῶ τρέμουσι καὶ οὐκ ἐπέρχονται πρὶν <ἂν> ἴδωσιν ὑποκινοῦντα.

ὅσαι δὲ τὰ τῶν ἄλλων κυνῶν εὑρήματα ἐν ταῖσ ἰχνείαισ καὶ μεταδρομαῖσ προθέουσαι θαμινὰ σκοποῦσιν, ἑαυταῖσ ἀπίστωσ ἔχουσι·

θρασεῖαι δ’ αἳ οὐκ ἐῶσι τῶν συνεργῶν τὰσ σοφωτέρασ εἰσ τὸ πρόσθεν προιέναι, ἀλλ’ ἀνείργουσι θορυβοῦσαι· αἱ δὲ ἀσπαζόμεναι τὰ ψευδῆ καὶ ὑπερλαμπρυνόμεναι ἐφ’ ὅτῳ ἂν τύχωσι προάγουσι συνειδυῖαι ἑαυταῖσ ὅτι ἐξαπατῶσιν· αἱ δ’ οὐκ εἰδυῖαι τὸ αὐτὸ ποιοῦσι ταύταισ· φαῦλαι δὲ αἳ οὐκ ἀπαλλαττόμεναι ἐκ τῶν τριμμῶν τὰ ὀρθὰ οὐ γιγνώσκουσιν. ὅσαι δὲ τῶν κυνῶν τὰ ἴχνη τὰ μὲν εὐναῖα ἀγνοοῦσι, τὰ δὲ δρομαῖα ταχὺ διατρέχουσιν, οὐκ εἰσὶ γνήσιαι·

διώκουσι δὲ αἱ μὲν ἀρχόμεναι σφόδρα, διὰ δὲ μαλακίαν ἀνιᾶσιν, αἱ δὲ ὑποθέουσιν, εἶτα ἁμαρτάνουσιν, ἕτεραι δὲ ἀνοήτωσ ἐμπίπτουσαι εἰσ τὰσ ὁδοὺσ ἁμαρτάνουσι, τὸ ἀνήκουστον πολὺ ἔχουσαι. πολλαὶ δὲ τὰ διώγματα ἀφιεῖσαι ἐπανέρχονται διὰ τὸ μισόθηρον, πολλαὶ δὲ διὰ τὸ φιλάνθρωπον·

αἱ δ’ ἐκ τῶν ἰχνῶν κεκλαγγυῖαι ἐξαπατᾶν πειρῶνται, ἀληθῆ τὰ ψευδῆ ποιούμεναι. εἰσὶ δὲ αἳ τοῦτο μὲν οὐ ποιοῦσι, μεταξὺ δὲ θέουσαι ἄν ποθεν ἀκούσωσι κραυγῆσ, καταλείπουσαι τὰ αὑτῶν ἔργα ἀπρονοήτωσ ἐπὶ τοῦτο φέρονται·

μεταθέουσι δὲ αἱ μὲν ἀσαφῶσ, αἱ δὲ πολὺ ὑπολαμβάνουσαι, δοξάζουσαι δὲ ἑτέρωσ· αἱ δὲ πεπλασμένωσ, φθονερῶσ δὲ ἄλλαι ἐκκυνοῦσι παρὰ τὸ ἴχνοσ διὰ τέλουσ συμπεριφερόμεναι. τὰ μὲν οὖν πλεῖστα τούτων φύσει ἔχουσι, τὰ δὲ ἠγμέναι ἀνεπιστημόνωσ δύσχρηστοί εἰσιν·

αἱ τοιαῦται μὲν οὖν κύνεσ ἀποτρέψειαν ἂν τοὺσ ἐπιθυμοῦντασ κυνηγεσίων. οἱάσ δὲ δεῖ εἶναι τοῦ αὐτοῦ γένουσ τά τε εἴδη καὶ τὰ ἄλλα φράσω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Κυνηγετικός, chapter 3

(크세노폰, Minor Works, Κυνηγετικός, chapter 3)

상위

목록

SEARCH

MENU NAVIGATION