Xenophon, Minor Works, Κυνηγετικός, chapter 2

(크세노폰, Minor Works, Κυνηγετικός, chapter 2)

πρῶτον μὲν οὖν χρὴ ἐλθεῖν ἐπὶ τὸ ἐπιτήδευμα τὸ τῶν κυνηγεσίων τὸν ἤδη ἐκ παιδὸσ ἀλλάττοντα τὴν ἡλικίαν, εἶτα δὲ καὶ ἐπὶ τὰ ἄλλα παιδεύματα, τὸν μὲν ἔχοντα σκεψάμενον τὴν οὐσίαν, ᾧ μὲν ἔστιν ἱκανή, ἀξίωσ τῆσ αὑτοῦ ὡφελείασ, ᾧ δὲ μὴ ἔστιν, ἀλλ’ οὖν τήν γε προθυμίαν παρεχέσθω μηδὲν ἐλλείπων τῆσ ἑαυτοῦ δυνάμεωσ. ὅσα δὲ καὶ οἱᾶ δεῖ παρεσκευασμένον ἐλθεῖν ἐπ’ αὐτὸ φράσω καὶ αὐτὰ καὶ τὴν ἐπιστήμην ἑκάστου, ἵνα προειδὼσ ἐγχειρῇ τῷ ἔργῳ.

καὶ μηδεὶσ αὐτὰ φαῦλα νομισάτω εἶναι· ἄνευ γὰρ δὴ τούτων οὐκ ἂν εἰή πρᾶξισ. χρὴ δὲ τὸν μὲν ἀρκυωρὸν εἶναι ἐπιθυμοῦντα τοῦ ἔργου καὶ τὴν φωνὴν Ἕλληνα, τὴν δὲ ἡλικίαν περὶ ἔτη εἴκοσι, τὸ δὲ εἶδοσ ἐλαφρόν, ἰσχυρόν, ψυχὴν δὲ ἱκανόν, ἵνα τῶν πόνων τούτοισ κρατῶν χαίρῃ τῷ ἔργῳ·

τὰσ δὲ ἄρκυσ Φασιανοῦ ἢ Καρχηδονίου λεπτοῦ λίνου καὶ τὰ ἐνόδια καὶ τὰ δίκτυα.

ἔστωσαν δὲ αἱ μὲν ἄρκυσ ἐννεάλινοι <ἐκ τριῶν τόνων, ἕκαστοσ δὲ τόνοσ ἐκ τριῶν λίνων>, τὸ δὲ μέγεθοσ πεντεσπίθαμοι, διπάλαστοι δὲ τοὺσ βρόχουσ, περικείσθωσαν δὲ τοὺσ περιδρόμουσ ἀναμμάτουσ, ἵνα εὔτροχοι ὦσι, τὰ δ’ ἐνόδια δωδεκάλινα, <τὰ δὲ δίκτυα ἑκκαιδεκάλινα>, τὸ δὲ μέγεθοσ τὰ μὲν ἐνόδια διώρυγα, τριώρυγα, τετρώρυγα, πεντώρυγα, τὰ δὲ δίκτυα δεκώρυγα, εἰκοσώρυγα, τριακοντώρυγα· ἐὰν δὲ ᾖ μείζω, δυσμεταχείριστα ἔσται·

ἀμφότερα δὲ τριακονθάμματα, καὶ τῶν βρόχων τὸ διάστημα ἴσον ταῖσ ἄρκυσιν. ἐν δὲ τοῖσ ἀκρωλενίοισ τὰ μὲν ἐνόδια ἐχέτω μαστούσ, τὰ δὲ δίκτυα δακτυλίουσ, τοὺσ δὲ περιδρόμουσ ἀπὸ στροφείων.

αἱ δὲ σχαλίδεσ αἱ μὲν τῶν ἀρκύων τὸ μῆκοσ δέκα παλαιστῶν, ἔστωσαν δὲ καὶ ἐλάττουσ·

αἱ μὲν ἄνισοι αὐτῶν ἐν τοῖσ ἑτεροκλινέσι τῶν χωρίων, ἵνα ἴσα τὰ ὕψη ἐξαίρωσιν, ἐν δὲ τοῖσ ὁμαλέσιν αἱ ἴσαι· αὗται δ’ εὐπερίσπαστοι τὰ ἄκρα καὶ αὗται λεῖαι· αἱ δὲ τῶν ἐνοδίων τῶν ἀρκύων διπλάσιαι, αἱ δὲ τῶν δικτύων τὸ μὲν μέγεθοσ πεντεσπίθαμοι, δίκρα ἔχουσαι μικρά, τὰ ἐντμήματα μὴ βαθέα· εὐπαγεῖσ δὲ πᾶσαι καὶ μὴ ἀσύμμετροι τὰ πάχη πρὸσ τὰ μήκη. τῷ δὲ πλήθει τῶν σχαλίδων οἱο͂́ν τ’ ἐστὶ χρῆσθαι πρὸσ τὰ δίκτυα πολλῷ καὶ ὀλίγῳ·

ἐλάττονι μέν, ἂν σφόδρα τείνηται ἐν τῇ στάσει, πλέονι δ’, ἂν ἡσυχῇ. ἔστω δὲ καὶ ἐν ὅτῳ ἔσονται αἱ ἄρκυσ καὶ τὰ ἐνόδια καὶ <τὰ> δίκτυα κυνοῦχοσ μόσχειοσ, καὶ τὰ δρέπανα, ἵνα ᾖ τῆσ ὕλησ τέμνοντα φράττειν τὰ δεόμενα.

일치하는 문장이 없습니다.

SEARCH

MENU NAVIGATION