헬라어 문장 검색 - ΧενοπήΜινορΩό5́08́

(크세노폰, Minor Works, Περὶ Ἱππικῆς, chapter 8)

ἐπείπερ δὲ ἔστιν ὅπου τρέχειν δεήσει τὸν ἵππον καὶ πρανῆ καὶ ὄρθια καὶ πλάγια, ἔστι δ’ ὅπου διαπηδᾶν, ἔστι δ’ ὅπου καὶ ἐκπηδᾶν, ἔνθα δὲ καθάλλεσθαι, καὶ ταῦτα πάντα διδάσκειν τε δεῖ καὶ μελετᾶν καὶ αὑτὸν καὶ τὸν ἵππον. οὕτω γὰρ ἂν σωτήριοί τε εἰε͂ν ἀλλήλοισ καὶ καθόλου χρησιμώτεροι ἂν δοκοῖεν εἶναι. εἰ δέ τισ διλογεῖν ἡμᾶσ οἰέται, ὅτι περὶ τῶν αὐτῶν λέγομεν νῦν τε καὶ πρόσθεν, οὐ διλογία ταῦτ’ ἐστίν.

ὅτε μὲν γὰρ ἐωνεῖτο, πειρᾶσθαι ἐκελεύομεν εἰ δύναιτο ὁ ἵπποσ ταῦτα ποιεῖν· νῦν δὲ διδάσκειν φαμὲν χρῆναι τὸν ἑαυτοῦ καὶ γράψομεν ὡσ δεῖ διδάσκειν. τὸν μὲν γὰρ παντάπασιν ἄπειρον τοῦ διαπηδᾶν λαβόντα δεῖ τοῦ ἀγωγέωσ καταβεβλημένου προδιαβῆναι αὐτὸν τὴν τάφρον, ἔπειτα δὲ ἐντείνειν δεῖ τῷ ἀγωγεῖ ὡσ διάλληται.

ἢν δὲ μὴ ἐθέλῃ, ἔχων τισ μάστιγα ἢ ῥάβδον ἐμβαλέτω ὡσ ἰσχυρότατα·

καὶ οὕτωσ ὑπεραλεῖται οὐ τὸ μέτρον, ἀλλὰ πολὺ πλέον τοῦ καιρίου· καὶ τὸ λοιπὸν οὐδὲν δεήσει παίειν, ἀλλ’ ἢν μόνον ἴδῃ ὄπισθέν τινα ἐπελθόντα, ἁλεῖται. ἐπειδὰν δὲ οὕτω διαπηδᾶν ἐθισθῇ, καὶ ἀναβεβηκὼσ ἐπαγέτω τὸ μὲν πρῶτον μικράσ, ἔπειτα δὲ καὶ μείζουσ.

ὅταν δὲ μέλλῃ πηδᾶν, παισάτω αὐτὸν τῷ μύωπι. ὡσαύτωσ δὲ καὶ τὸ ἀναπηδᾶν καὶ τὸ καταπηδᾶν διδάσκειν παίσαντα τῷ μύωπι. ἁθρόῳ γὰρ τῷ σώματι ταῦτα πάντα ποιῶν καὶ ἑαυτῷ ὁ ἵπποσ καὶ τῷ ἀναβάτῃ ἀσφαλέστερον ποιήσει μᾶλλον ἢ ἂν ἐκλείπῃ τὰ ὄπισθεν ἢ διαπηδῶν ἢ ἀνορούων ἢ καθαλλόμενοσ. εἴσ γε μὴν τὸ κάταντεσ πρῶτον χρὴ ἐν μαλακῷ χωρίῳ διδάσκειν, καὶ τελευτῶν, ἐπειδὰν τοῦτο ἐθισθῇ, πολὺ ἥδιον τὸ πρανὲσ τοῦ ὀρθίου δραμεῖται.

ἃ δὲ φοβοῦνταί τινεσ μὴ ἀπορρηγνύωνται τοὺσ ὤμουσ κατὰ τὰ πρανῆ ἐλαυνόμενοι, θαρρούντων μαθόντεσ ὅτι Πέρσαι καὶ Ὀδρύσαι ἅπαντεσ τὰ κατάντη ἁμιλλώμενοι οὐδὲν ἧττον τῶν Ἑλλήνων ὑγιεῖσ τοὺσ ἵππουσ ἔχουσι. παρήσομεν δὲ οὐδὲ ὅπωσ τὸν ἀναβάτην ὑπηρετεῖν δεῖ πρὸσ ἕκαστα τούτων.

χρὴ γὰρ ὁρμῶντοσ μὲν ἐξαίφνησ τοῦ ἵππου προνεύειν· ἧττον γὰρ ἂν καὶ ὑποδύοι ὁ ἵπποσ καὶ ἀναβάλλοι τὸν ἀναβάτην· ἐν μικρῷ δὲ ἀναλαμβανομένου ἀναπίπτειν· ἧττον γὰρ ἂν αὐτὸσ κόπτοιτο. τάφρον δὲ διαλλομένου καὶ πρὸσ ὄρθιον ἱεμένου καλὸν χαίτησ ἐπιλαμβάνεσθαι, ὡσ μὴ ὁ ἵπποσ τῷ τε χωρίῳ ἅμα καὶ τῷ χαλινῷ βαρύνηται.

εἴσ γε μὴν τὸ πρανὲσ καὶ ἑαυτὸν ὑπτιώτερον ποιητέον καὶ τοῦ ἵππου ἀντιληπτέον τῷ χαλινῷ, ὡσ μὴ προπετῶσ εἰσ τὸ κάταντεσ μήτε αὐτὸσ μήτε ὁ ἵπποσ φέρηται. ὀρθῶσ δ’ ἔχει καὶ τὸ ἄλλοτε μὲν ἐν ἄλλοισ τόποισ, ἄλλοτε δὲ μακράσ, ἄλλοτε δὲ βραχείασ τὰσ ἱππασίασ ποιεῖσθαι.

ἀμισέστερα γὰρ καὶ ταῦτα τῷ ἵππῳ τοῦ ἀεὶ ἐν τοῖσ αὐτοῖσ τόποισ καὶ ὁμοίασ τὰσ ἱππασίασ ποιεῖσθαι. ἐπεὶ δὲ δεῖ ἐν παντοίοισ τε χωρίοισ τὸν ἱππέα ἀνὰ κράτοσ ἐλαύνοντα ἔποχον εἶναι καὶ ἀπὸ τοῦ ἵππου τοῖσ ὅπλοισ καλῶσ δύνασθαι χρῆσθαι, ὅπου μέν ἐστι χωρία ἐπιτήδεια καὶ θηρία, ἄμεμπτοσ ἡ ἐν θήραισ μελέτη τῆσ ἱππικῆσ·

ὅπου δὲ ταῦτα μὴ ὑπάρχει, ἀγαθὴ ἄσκησισ καὶ ἢν δύο ἱππότα συνθεμένω ὁ μὲν φεύγῃ ἐπὶ τοῦ ἵππου παντοῖα χωρία καὶ τὸ δόρυ εἰσ τοὔπισθεν μεταβαλόμενοσ ὑποχωρῇ, ὁ δὲ διώκῃ ἐσφαιρωμένα τε ἔχων ἀκόντια καὶ δόρυ ὡσαύτωσ πεπραγματευμένον, καὶ ὅπου μὲν ἂν εἰσ ἀκόντιον ἀφικνῆται, ἀκοντίζῃ τὸν φεύγοντα τοῖσ σφαιρωτοῖσ, ὅπου δ’ ἂν εἰσ δόρατοσ πληγήν, τῷ δόρατι παίῃ τὸν ἁλισκόμενον. ἀγαθὸν δὲ κἄν ποτε συμπέσωσιν, ἑλκύσαντα ἐφ’ ἑαυτὸν τὸν πολέμιον ἐξαίφνησ ἀπῶσαι·

τοῦτο γὰρ καταβλητικόν. ὀρθῶσ δὲ ἔχει καὶ τῷ ἑλκομένῳ ἐπελαύνειν τὸν ἵππον· τοῦτο γὰρ ποιῶν ὁ ἑλκόμενοσ καταβάλοι ἂν μᾶλλον τὸν ἕλκοντα ἢ καταπέσοι. ἢν δέ ποτε καὶ στρατοπέδου ἀντικαθημένου ἀνθιππεύωσιν ἀλλήλοισ, καὶ διώκωσι μὲν μέχρι τῆσ πολεμίασ φάλαγγοσ τοὺσ ἀντίουσ, φεύγωσι δὲ μέχρι τῆσ φιλίασ, ἀγαθὸν καὶ ἐνταῦθα ἐπίστασθαι ὅτι ἑώσ μὲν ἂν παρὰ τοὺσ φίλουσ τισ ᾖ, καλὸν καὶ ἀσφαλὲσ τὸ ἐν πρώτοισ ἀναστρέψαντα ἀνὰ κράτοσ ἐπικεῖσθαι, ὅταν δ’ ἐγγὺσ τῶν ἐναντίων γίγνηται, ὑποχείριον τὸν ἵππον ἔχειν.

οὕτω γὰρ ἂν ὡσ τὸ εἰκὸσ μάλιστα δύναιτο βλάπτων τοὺσ ἐναντίουσ μὴ βλάπτεσθαι ὑπ’ αὐτῶν. ἀνθρώποισ μὲν οὖν ἄνθρωπον ἔδοσαν οἱ θεοὶ λόγῳ διδάσκειν ἃ δεῖ ποιεῖν, ἵππον δὲ δῆλον ὅτι λόγῳ μὲν οὐδὲν ἂν διδάξαισ·

ἢν δὲ ὅταν μὲν ποιήσῃ ὡσ ἂν βούλοιο, ἀντιχαρίσῃ τι αὐτῷ, ὅταν δὲ ἀπειθῇ, κολάζῃσ, οὕτω μάλιστ’ ἂν μάθοι τὸ δέον ὑπηρετεῖν. καὶ ἔστι μὲν τοῦτο ἐν βραχεῖ εἰπεῖν, δι’ ὅλησ δὲ τῆσ ἱππικῆσ παρακολουθεῖ.

καὶ γὰρ χαλινὸν μᾶλλον ἂν λαμβάνοι, εἰ ὁπότε δέξαιτο ἀγαθόν τι αὐτῷ ἀποβαίνοι· καὶ διαπηδῴη δ’ ἂν καὶ ἐξάλλοιτο καὶ τἆλλα πάντα ὑπηρετοίη ἄν, εἰ προσδοκῴη, ὁπότε τὰ σημαινόμενα πράξειε, ῥᾳστώνην τινά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Περὶ Ἱππικῆς, chapter 8

(크세노폰, Minor Works, Περὶ Ἱππικῆς, chapter 8)

상위

목록

SEARCH

MENU NAVIGATION