헬라어 문장 검색 - ΧενοπήΜινορΩό5́07́

(크세노폰, Minor Works, Περὶ Ἱππικῆς, chapter 7)

ὅταν γε μὴν παραδέξηται τὸν ἵππον ὡσ ἀναβησόμενοσ, νῦν αὖ γράψομεν ὅσα ποιῶν ὁ ἱππεὺσ καὶ ἑαυτῷ καὶ τῷ ἵππῳ ὠφελιμώτατοσ ἂν ἐν τῇ ἱππικῇ εἰή. πρῶτον μὲν τοίνυν τὸν ῥυταγωγέα χρὴ ἐκ τῆσ ὑποχαλινιδίασ ἢ ἐκ τοῦ ψαλίου ἠρτημένον εὐτρεπῆ εἰσ τὴν ἀριστερὰν χεῖρα λαβεῖν, καὶ οὕτω χαλαρὸν ὡσ μήτ’ ἂν ἀνιὼν τῶν τριχῶν παρὰ τὰ ὦτα λαβόμενοσ μέλλῃ ἀναβήσεσθαι μήτ’ ἂν ἀπὸ δόρατοσ ἀναπηδᾷ, σπᾶν τὸν ἵππον. τῇ δεξιᾷ δὲ τὰσ ἡνίασ παρὰ τὴν ἀκρωμίαν λαμβανέτω ὁμοῦ τῇ χαίτῃ, ὅπωσ μηδὲ καθ’ ἕνα τρόπον ἀναβαίνων σπάσῃ τῷ χαλινῷ τὸ στόμα τοῦ ἵππου. ἐπειδὰν δὲ ἀνακουφίσῃ ἑαυτὸν εἰσ τὴν ἀνάβασιν, τῇ μὲν ἀριστερᾷ ἀνιμάτω τὸ σῶμα, τὴν δὲ δεξιὰν ἐκτείνων συνεπαιρέτω ἑαυτόν οὕτω γὰρ ἀναβαίνων οὐδὲ ὄπισθεν αἰσχρὰν θέαν παρέξει συγκεκαμμένῳ τῷ σκέλει, καὶ μηδὲ τὸ γόνυ ἐπὶ τὴν ῥάχιν τοῦ τιθέτω ἵππου, ἀλλ’ ὑπερβησάτω ἐπὶ τὰσ δεξιὰσ πλευρὰσ τὴν κνήμην.

ὅταν δὲ περιενέγκῃ τὸν πόδα, τότε καὶ τὼ γλουτὼ καθέτω ἐπὶ τὸν ἵππον. ἢν δὲ τύχῃ ὁ ἱππεὺσ τῇ μὲν ἀριστερᾷ ἄγων τὸν ἵππον, τῇ δὲ δεξιᾷ τὸ δόρυ ἔχων, ἀγαθὸν μὲν ἡμῖν δοκεῖ εἶναι τὸ καὶ ἐκ τῶν δεξιῶν μελετῆσαι ἀναπηδᾶν.

μαθεῖν δ’ οὐδὲν δεῖ ἄλλο ἢ ἃ μὲν τότε τοῖσ δεξιοῖσ τοῦ σώματοσ ἐποίει τοῖσ ἀριστεροῖσ ποιεῖν, ἃ δὲ τότε τοῖσ ἀριστεροῖσ τοῖσ δεξιοῖσ. τούτου δ’ ἕνεκεν καὶ ταύτην ἐπαινοῦμεν τὴν ἀνάβασιν, ὅτι ἅμα τε ἀναβεβηκὼσ ἂν εἰή καὶ κατεσκευασμένοσ πάντα, εἴ τι δέοι ἐξαίφνησ πρὸσ πολεμίουσ ἀγωνίζεσθαι.

ἐπειδάν γε μὴν καθέζηται ἐάν τε ἐπὶ ψιλοῦ ἐάν τε ἐπὶ τοῦ ἐφιππίου, οὐ τὴν ὥσπερ ἐπὶ τοῦ δίφρου ἕδραν ἐπαινοῦμεν, ἀλλὰ τὴν ὥσπερ εἰ ὀρθὸσ ἂν διαβεβηκὼσ εἰή τοῖν σκελοῖν.

τοῖν τε γὰρ μηροῖν οὕτωσ ἂν ἔχοιτο μᾶλλον τοῦ ἵππου, καὶ ὀρθὸσ ὢν ἐρρωμενεστέρωσ ἂν δύναιτο καὶ ἀκοντίσαι καὶ πατάξαι ἀπὸ τοῦ ἵππου, εἰ δέοι. χρὴ δὲ καὶ χαλαρὰν ἀπὸ τοῦ γόνατοσ ἀφεῖσθαι τὴν κνήμην σὺν τῷ ποδί.

σκληρὸν μὲν γὰρ ἔχων τὸ σκέλοσ εἰ προσκόψειέ τῳ, προσκεκλασμένοσ ἂν εἰή· ὑγρὰ δὲ οὖσα ἡ κνήμη, εἴ τι καὶ προσπίπτοι αὐτῇ, ὑπείκοι ἂν καὶ τὸν μηρὸν οὐδὲν μετακινοίη. δεῖ δὲ τὸν ἱππέα καὶ τὸ ἄνωθεν τῶν ἑαυτοῦ ἰσχίων σῶμα ὡσ ὑγρότατον ἐθίζειν εἶναι.

οὕτω γὰρ ἂν πονεῖν τε ἔτι μᾶλλον δύναιτο καὶ εἰ ἕλκοι τισ αὐτὸν ἢ ὠθοίη ἧττον ἂν σφάλλοιτο. ἐπειδάν γε μὴν καθέζηται, πρῶτον μὲν ἠρεμεῖν δεῖ διδάσκειν τὸν ἵππον, ἑώσ ἂν καὶ ὑποσπάσηται, ἤν τι δέηται, καὶ ἡνίασ ἰσώσηται καὶ δόρυ λάβῃ ὡσ ἂν εὐφορώτατον εἰή·

ἔπειτα δὲ ἐχέτω τὸν ἀριστερὸν βραχίονα πρὸσ ταῖσ πλευραῖσ· οὕτω γὰρ εὐσταλέστατόσ τε ὁ ἱππεὺσ ἔσται καὶ ἡ χεὶρ ἐγκρατεστάτη. ἡνίασ γε μὴν ἐπαινοῦμεν ὁποῖαι ἴσαι τέ εἰσι καὶ μὴ ἀσθενεῖσ μηδὲ ὀλισθηραὶ μηδὲ παχεῖαι, ἵνα καὶ τὸ δόρυ ὅταν δέῃ δέχεσθαι ἡ χεὶρ δύνηται.

ὅταν δὲ προχωρεῖν σημήνῃ τῷ ἵππῳ, βάδην μὲν ἀρχέσθω·

τοῦτο γὰρ ἀταρακτότατον. ἡνιοχείτω δέ, ἢν μὲν κυφαγωγότεροσ ᾖ ὁ ἵπποσ, ἀνωτέρω ταῖσ χερσίν, ἢν δὲ μᾶλλον ἀνακεκυφώσ, κατωτέρω· οὕτω γὰρ ἂν μάλιστα κοσμοίη τὸ σχῆμα. μετὰ δὲ ταῦτα τὸν αὐτοφυᾶ διατροχάζων διαχαλῴη τ’ ἂν ἀλυπότατα τὸ σῶμα καὶ εἰσ τὸ ἐπιρραβδοφορεῖν ἥδιστ’ ἂν ἀφικνοῖτο.

ἐπείπερ δὲ καὶ ἀπὸ τῶν ἀριστερῶν ἄρχεσθαι εὐδοκιμώτερον, ὧδ’ ἂν μάλιστα ἀπὸ τούτων ἄρχοιτο, εἰ διατροχάζοντοσ μέν, ὁπότε ἐμβαίνοι τῷ δεξιῷ, τότε σημαίνοι τῷ ἵππῳ τὸ ἐπιρραβδοφορεῖν. τὸ γὰρ ἀριστερὸν μέλλων αἴρειν ἐκ τούτου ἂν ἄρχοιτο, καὶ ὁπότε ἐπὶ τὰ εὐώνυμα ἀναστρέφοι, τότε καὶ τῆσ ἐπισκελίσεωσ ἄρχοιτο.

καὶ γὰρ πέφυκεν ὁ ἵπποσ εἰσ μὲν τὰ δεξιὰ στρεφόμενοσ τοῖσ δεξιοῖσ ἀφηγεῖσθαι, εἰσ εὐώνυμα δὲ τοῖσ ἀριστεροῖσ. ἱππασίαν δ’ ἐπαινοῦμεν τὴν πέδην καλουμένην·

ἐπ’ ἀμφοτέρασ γὰρ τὰσ γνάθουσ στρέφεσθαι ἐθίζει. καὶ τὸ μεταβάλλεσθαι δὲ τὴν ἱππασίαν ἀγαθόν, ἵνα ἀμφότεραι αἱ γνάθοι καθ’ ἑκάτερον τῆσ ἱππασίασ ἰσάζωνται. ἐπαινοῦμεν δὲ καὶ τὴν ἑτερομήκη πέδην μᾶλλον τῆσ κυκλοτεροῦσ.

ἥδιον μὲν γὰρ οὕτωσ ἂν στρέφοιτο ὁ ἵπποσ ἤδη πλήρησ ὢν τοῦ εὐθέοσ, καὶ τό τε ὀρθοδρομεῖν καὶ τὸ ἀποκάμπτειν ἅμα μελετῴη ἄν. δεῖ δὲ καὶ ὑπολαμβάνειν ἐν ταῖσ στροφαῖσ·

οὐ γὰρ ῥᾴδιον τῷ ἵππῳ οὐδ’ ἀσφαλὲσ ἐν τῷ τάχει ὄντα κάμπτειν ἐν μικρῷ, ἄλλωσ τε κἂν ἀπόκροτον ἢ ὀλισθηρὸν ᾖ τὸ χωρίον. ὅταν γε μὴν ὑπολαμβάνῃ, ὡσ ἥκιστα μὲν χρὴ τὸν ἵππον πλαγιοῦν τῷ χαλινῷ, ὡσ ἥκιστα δ’ αὐτὸν πλαγιοῦσθαι·

εἰ δὲ μή, εὖ χρὴ εἰδέναι ὅτι μικρὰ πρόφασισ ἀρκέσει κεῖσθαι καὶ αὐτὸν καὶ τὸν ἵππον. ἐπειδάν γε μὴν ἐκ τῆσ στροφῆσ εἰσ τὸ εὐθὺ βλέπῃ ὁ ἵπποσ, ἐν τούτῳ πρὸσ τὸ θᾶττον αὐτὸν ὁρμάτω.

δῆλον γὰρ ὅτι καὶ ἐν τοῖσ πολέμοισ αἱ στροφαί εἰσι τοῦ διώκειν ἢ τοῦ ἀποχωρεῖν ἕνεκα. ἀγαθὸν οὖν τὸ στραφέντα ταχύνειν μελετᾶν. ὅταν δὲ ἱκανῶσ ἤδη δοκῇ τὸ γυμνάσιον τῷ ἵππῳ ἔχειν, ἀγαθὸν καὶ διαναπαύσαντα ὁρμῆσαι αὖθισ ἐξαίφνησ εἰσ τὸ τάχιστον, καὶ ἀφ’ ἵππων μέντοι, μὴ πρὸσ ἵππουσ·

καὶ ἐκ τοῦ ταχέοσ αὖ ὡσ ἐγγυτάτω ἠρεμίζειν, καὶ ἐκ τοῦ ἑστάναι δὲ στρέψαντα δεῖ πάλιν ὁρμᾶν· πρόδηλον γὰρ ὅτι ἔσται ποτὲ ὅτε ἑκατέρου τούτων δεήσει· ὅταν γε μὴν καταβαίνειν ἤδη καιρὸσ ᾖ, μήτε ἐν ἵπποισ ποτὲ καταβαίνειν μήτε παρὰ σύστασιν ἀνθρώπων μήτ’ ἔξω τῆσ ἱππασίασ, ἀλλ’ ὅπουπερ καὶ πονεῖν ἀναγκάζεται ὁ ἵπποσ, ἐνταῦθα καὶ τῆσ ῥᾳστώνησ τυγχανέτω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Περὶ Ἱππικῆς, chapter 7

(크세노폰, Minor Works, Περὶ Ἱππικῆς, chapter 7)

상위

목록

SEARCH

MENU NAVIGATION