헬라어 문장 검색 - ΧενοπήΜινορΩό5́05́

(크세노폰, Minor Works, Περὶ Ἱππικῆς, chapter 5)

ἱππικοῦ δὲ ἀνδρὸσ ἡμῖν δοκεῖ εἶναι καὶ τὸν ἱπποκόμον πεπαιδευκέναι ἃ δεῖ περὶ τὸν ἵππον πράττειν. πρῶτον μὲν τοίνυν τῆσ ἐπιφατνιδίασ φορβειᾶσ ἐπίστασθαι αὐτὸν δεῖ μήποτε τὸ ἅμμα ποιεῖσθαι ἔνθαπερ ἡ κορυφαία περιτίθεται. πολλάκισ γὰρ κνῶν ὁ ἵπποσ ἐπὶ τῇ φάτνῃ τὴν κεφαλήν, εἰ μὴ ἀσινὴσ ἡ φορβειὰ περὶ τὰ ὦτα ἔσται, πολλάκισ ἂν ἕλκη ποιοίη. ἑλκουμένων γε μὴν τούτων ἀνάγκη τὸν ἵππον καὶ περὶ τὸ χαλινοῦσθαι καὶ περὶ τὸ ψήχεσθαι δυσκολώτερον εἶναι. ἀγαθὸν δὲ καὶ τὸ τετάχθαι τῷ ἱπποκόμῳ καθ’ ἡμέραν τὴν κόπρον καὶ τὰ ὑποστρώματα τοῦ ἵππου ἐκφέρειν εἰσ ἓν χωρίον.

τοῦτο γὰρ ποιῶν αὐτόσ τ’ ἂν ῥᾷστα ἀπαλλάττοι καὶ ἅμα τὸν ἵππον ὠφελοίη. εἰδέναι δὲ χρὴ τὸν ἱπποκόμον καὶ τὸν κημὸν περιτιθέναι τῷ ἵππῳ, καὶ ὅταν ἐπὶ ψῆξιν καὶ ὅταν ἐπὶ καλίστραν ἐξάγῃ.

καὶ ἀεὶ δὲ ὅποι ἂν ἀχαλίνωτον ἄγῃ κημοῦν δεῖ. ὁ γὰρ κημὸσ ἀναπνεῖν μὲν οὐ κωλύει, δάκνειν δὲ οὐκ ἐᾷ· καὶ τὸ ἐπιβουλεύειν δὲ περικείμενοσ μᾶλλον ἐξαιρεῖ τῶν ἵππων· καὶ μὴν δεσμεύειν τὸν ἵππον ἄνωθεν τῆσ κεφαλῆσ δεῖ·

πάντα γὰρ ὁπόσα ἂν δύσκολ’ ᾖ περὶ τὸ πρόσωπον ὁ ἵπποσ ἐκνεύειν πέφυκεν ἄνω· ἐκνεύων γε μὴν οὕτω δεδεμένοσ χαλᾷ μᾶλλον ἢ διασπᾷ τὰ δεσμά. ἐπειδὰν δὲ ψήχῃ, ἄρχεσθαι μὲν ἀπὸ τῆσ κεφαλῆσ καὶ τῆσ χαίτησ·

μὴ γὰρ καθαρῶν τῶν ἄνω ὄντων μάταιον τὰ κάτω καθαίρειν. ἔπειτα δὲ κατὰ μὲν τὸ ἄλλο σῶμα πᾶσι τοῖσ τῆσ καθάρσεωσ ὀργάνοισ ἀνιστάντα δεῖ τὴν τρίχα σοβεῖν τὴν κόνιν κατὰ φύσιν τῆσ τριχόσ· τῶν δ’ ἐν τῇ ῥάχει τριχῶν ἄλλῳ μὲν ὀργάνῳ οὐδενὶ δεῖ ἅπτεσθαι, ταῖσ δὲ χερσὶ τρίβειν καὶ ἁπαλύνειν ᾗπερ φύσει κέκλινται· ἥκιστα γὰρ ἂν βλάπτοι τὴν ἕδραν τοῦ ἵππου. ὕδατι δὲ καταπλύνειν τὴν κεφαλὴν χρή·

ὀστώδησ γὰρ οὖσα, εἰ σιδήρῳ ἢ ξύλῳ καθαίροιτο, λυποῖ ἂν τὸν ἵππον. καὶ τὸ προκόμιον δὲ χρὴ βρέχειν· καὶ γὰρ αὗται εὐμήκεισ οὖσαι αἱ τρίχεσ ὁρᾶν μὲν οὐ κωλύουσι τὸν ἵππον, ἀποσοβοῦσι δὲ ἀπὸ τῶν ὀφθαλμῶν τὰ λυποῦντα. καὶ τοὺσ θεοὺσ δὲ οἰέσθαι χρὴ δεδωκέναι ταύτασ τὰσ τρίχασ ἵππῳ ἀντὶ τῶν μεγάλων ὤτων ἃ ὄνοισ τε καὶ ἡμιόνοισ ἔδοσαν ἀλεξητήρια πρὸ τῶν ὀμμάτων. καὶ οὐρὰν δὲ καὶ χαίτην πλύνειν χρή, ἐπείπερ αὔξειν δεῖ τὰσ τρίχασ, τὰσ μὲν ἐν τῇ οὐρᾷ, ὅπωσ ἐπὶ πλεῖστον ἐξικνούμενοσ ἀποσοβῆται ὁ ἵπποσ τὰ λυποῦντα, τὰσ δὲ ἐν τῷ τραχήλῳ, ὅπωσ τῷ ἀναβάτῃ ὡσ ἀφθονωτάτη ἀντίληψισ ᾖ.

δέδοται δὲ παρὰ θεῶν καὶ ἀγλαί̈ασ ἕνεκεν ἵππῳ χαίτη, καὶ προκόμιον δὲ καὶ οὐρά.

τεκμήριον δέ· αἱ γὰρ ἀγελαῖαι τῶν ἵππων οὐχ ὁμοίωσ ὑπομένουσι τοὺσ ὄνουσ ἐπὶ τῇ ὀχείᾳ ἑώσ ἂν κομῶσιν· οὗ ἕνεκα καὶ ἀποκείρουσι πρὸσ τὴν ὀχείαν τὰσ ἵππουσ ἅπαντεσ οἱ ὀνοβατοῦντεσ. τήν γε μὴν τῶν σκελῶν κατάπλυσιν ἀφαιροῦμεν·

ὠφελεῖ μὲν γὰρ οὐδέν, βλάπτει δὲ τὰσ ὁπλὰσ ἡ καθ’ ἑκάστην ἡμέραν βρέξισ. καὶ τὴν ὑπὸ γαστέρα δὲ ἄγαν κάθαρσιν μειοῦν χρή· αὕτη γὰρ λυπεῖ μὲν μάλιστα τὸν ἵππον, ὅσῳ δ’ ἂν καθαρώτερα ταῦτα γένηται, τοσούτῳ πλείω τὰ λυποῦντα ἁθροίζει ὑπὸ τὴν γαστέρα· ἢν δὲ καὶ πάνυ διαπονήσηταί τισ ταῦτα, οὐ φθάνει τ’ ἐξαγόμενοσ ὁ ἵπποσ καὶ εὐθὺσ ὅμοιόσ ἐστι τοῖσ ἀκαθάρτοισ.

ταῦτα μὲν οὖν ἐᾶν χρή· ἀρκεῖ δὲ καὶ ἡ τῶν σκελῶν ψῆξισ αὐταῖσ ταῖσ χερσὶ γιγνομένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Περὶ Ἱππικῆς, chapter 5

(크세노폰, Minor Works, Περὶ Ἱππικῆς, chapter 5)

상위

목록

SEARCH

MENU NAVIGATION