헬라어 문장 검색 - ΧενοπήΜινορΩό5́03́

(크세노폰, Minor Works, Περὶ Ἱππικῆς, chapter 3)

ὅταν γε μὴν ἱππαζόμενον ὠνῆταί τισ, ὑπομνήματα γράψομεν ἃ δεῖ καταμανθάνειν τὸν μέλλοντα μὴ ἐξαπατᾶσθαι ἐν ἱππωνίᾳ. πρῶτον μὲν τοίνυν μὴ λαθέτω αὐτὸν τίσ <ἡ> ἡλικία· ὁ γὰρ μηκέτι ἔχων γνώμονασ οὔτ’ ἐλπίσιν εὐφραίνει οὔτε ὁμοίωσ εὐαπάλλακτοσ γίγνεται. ὁπότε δὲ ἡ νεότησ σαφήσ, δεῖ αὖ μὴ λαθεῖν πῶσ μὲν εἰσ τὸ στόμα δέχεται τὸν χαλινόν, πῶσ δὲ περὶ τὰ ὦτα τὴν κορυφαίαν.

ταῦτα δ’ ἥκιστ’ ἂν λανθάνοι, εἰ ὁρῶντοσ μὲν τοῦ ὠνουμένου ἐμβάλλοιτο ὁ χαλινόσ, ὁρῶντοσ δ’ ἐξαιροῖτο. ἔπειτα δὲ προσέχειν δεῖ τὸν νοῦν πῶσ ἐπὶ τὸν νῶτον δέχεται τὸν ἀναβάτην.

πολλοὶ γὰρ ἵπποι χαλεπῶσ προσίενται ἃ πρόδηλα αὐτοῖσ ἐστιν ὅτι προσέμενοι πονεῖν ἀναγκασθήσονται. σκεπτέον δὲ καὶ τόδε, εἰ ἀναβαθεὶσ ἐθέλει ἀφ’ ἵππων ἀποχωρεῖν ἢ εἰ παρ’ ἑστηκότασ ἱππεύων μὴ ἐκφέρει πρὸσ τούτουσ.

εἰσὶ δὲ οἳ διὰ κακὴν ἀγωγὴν καὶ πρὸσ τὰσ οἴκαδε ἀφόδουσ φεύγουσιν ἐκ τῶν ἱππασιῶν. τούσ γε μὴν ἑτερογνάθουσ μηνύει μὲν καὶ ἡ πέδη καλουμένη ἱππασία, πολὺ δὲ μᾶλλον καὶ τὸ μεταβάλλεσθαι τὴν ἱππασίαν.

πολλοὶ γὰρ οὐκ ἐγχειροῦσιν ἐκφέρειν, ἢν μὴ ἅμα συμβῇ ἥ τε ἄδικοσ γνάθοσ καὶ ἡ πρὸσ οἶκον ἐκφορά. δεῖ γε μὴν εἰδέναι καὶ εἰ ἀφεθεὶσ εἰσ τάχοσ ἀναλαμβάνεται ἐν βραχεῖ καὶ εἰ ἀποστρέφεσθαι ἐθέλει. ἀγαθὸν δὲ μὴ ἄπειρον εἶναι εἰ καὶ πληγῇ ἐγερθεὶσ ἐθέλει ὁμοίωσ πείθεσθαι.

ἄχρηστον μὲν γὰρ δήπου καὶ οἰκέτησ καὶ στράτευμα ἀπειθέσ· ἵπποσ δὲ ἀπειθὴσ οὐ μόνον ἄχρηστοσ, ἀλλὰ πολλάκισ καὶ ὅσαπερ προδότησ διαπράττεται. ἐπεὶ δὲ πολεμιστήριον ἵππον ὑπεθέμεθα ὠνεῖσθαι, ληπτέον πεῖραν ἁπάντων ὅσωνπερ καὶ ὁ πόλεμοσ πεῖραν λαμβάνει.

ἔστι δὲ ταῦτα, τάφρουσ διαπηδᾶν, τειχία ὑπερβαίνειν, ἐπ’ ὄχθουσ ἀνορούειν, ἀπ’ ὄχθων καθάλλεσθαι· καὶ πρὸσ ἄναντεσ δὲ καὶ κατὰ πρανοῦσ καὶ πλάγια ἐλαύνοντα πεῖραν λαμβάνειν· πάντα γὰρ ταῦτα καὶ τὴν ψυχὴν εἰ καρτερὰ καὶ τὸ σῶμα εἰ ὑγιὲσ δοκιμάζει. οὐ μέντοι τὸν μὴ καλῶσ πάνυ ταῦτα ποιοῦντα ἀποδοκιμαστέον.

πολλοὶ γὰρ οὐ διὰ τὸ μὴ δύνασθαι, ἀλλὰ διὰ τὸ ἄπειροι εἶναι τούτων ἐλλείπονται. μαθόντεσ δὲ καὶ ἐθισθέντεσ καὶ μελετήσαντεσ καλῶσ ἂν ταῦτα πάντα ποιοῖεν, εἴ γ’ ἄλλωσ ὑγιεῖσ καὶ μὴ κακοὶ εἰε͂ν. τούσ γε μέντοι ὑπόπτασ φύσει φυλακτέον.

οἱ γὰρ ὑπέρφοβοι βλάπτειν μὲν τοὺσ πολεμίουσ ἀφ’ ἑαυτῶν οὐκ ἐῶσι, τὸν δὲ ἀναβάτην ἔσφηλάν τε πολλάκισ καὶ εἰσ τὰ χαλεπώτατα ἐνέβαλον. δεῖ δὲ καὶ εἴ τινα χαλεπότητα ἔχοι ὁ ἵπποσ καταμανθάνειν, εἴτε πρὸσ ἵππουσ εἴτε πρὸσ ἀνθρώπουσ, καὶ εἰ δυσγάργαλίσ γε εἰή·

πάντα γὰρ ταῦτα χαλεπὰ τοῖσ κεκτημένοισ γίγνεται. τὰσ δέ γε τῶν χαλινώσεων καὶ ἀναβάσεων ἀποκωλύσεισ καὶ τἆλλα δὴ νεύματα πολὺ ἂν ἔτι μᾶλλον καταμάθοι τισ, εἰ πεπονηκότοσ ἤδη τοῦ ἵππου πάλιν πειρῷτο ποιεῖν ταὐτὰ ὅσαπερ πρὶν ἄρξασθαι ἱππεύειν.

ὅσοι δ’ ἂν πεπονηκότεσ ἐθέλωσι πάλιν ὑποδύεσθαι πόνουσ ἱκανὰ τεκμήρια παρέχονται ταῦτα ψυχῆσ καρτερᾶσ. ὡσ δὲ συνελόντι εἰπεῖν, ὅστισ εὔπουσ μὲν εἰή, πρᾷοσ δέ, ἀρκούντωσ δὲ ποδώκησ, ἐθέλοι δὲ καὶ δύναιτο πόνουσ ὑποφέρειν, πείθοιτο δὲ μάλιστα, οὗτοσ ἂν εἰκότωσ ἀλυπότατόσ τ’ εἰή καὶ σωτηριώτατοσ τῷ ἀναβάτῃ ἐν τοῖσ πολεμικοῖσ.

οἱ δὲ ἢ διὰ βλακείαν ἐλάσεωσ πολλῆσ δεόμενοι ἢ διὰ τὸ ὑπέρθυμοι εἶναι πολλῆσ θωπείασ τε καὶ πραγματείασ ἀσχολίαν μὲν ταῖσ χερσὶ τοῦ ἀναβάτου παρέχουσιν, ἀθυμίαν δ’ ἐν τοῖσ κινδύνοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Περὶ Ἱππικῆς, chapter 3

(크세노폰, Minor Works, Περὶ Ἱππικῆς, chapter 3)

상위

목록

SEARCH

MENU NAVIGATION