헬라어 문장 검색 - ΧενοπήΜινορΩό5́01́

(크세노폰, Minor Works, Περὶ Ἱππικῆς, chapter 1)

ἐπειδὴ διὰ τὸ συμβῆναι ἡμῖν πολὺν χρόνον ἱππεύειν οἰόμεθα ἔμπειροι ἱππικῆσ γεγενῆσθαι, βουλόμεθα καὶ τοῖσ νεωτέροισ τῶν φίλων δηλῶσαι ᾗ ἂν νομίζομεν αὐτοὺσ ὀρθότατα ἵπποισ προσφέρεσθαι. συνέγραψε μὲν οὖν καὶ Σίμων περὶ ἱππικῆσ, ὃσ καὶ τὸν κατὰ τὸ Ἐλευσίνιον Ἀθήνησιν ἵππον χαλκοῦν ἀνέθηκε καὶ ἐν τῷ βάθρῳ τὰ ἑαυτοῦ ἔργα ἐξετύπωσεν· ἡμεῖσ γε μέντοι ὅσοισ συνετύχομεν ταὐτὰ γνόντεσ ἐκείνῳ, οὐκ ἐξαλείφομεν ἐκ τῶν ἡμετέρων, ἀλλὰ πολὺ ἥδιον παραδώσομεν αὐτὰ τοῖσ φίλοισ, νομίζοντεσ ἀξιοπιστότερα εἶναι ὅτι κἀκεῖνοσ κατὰ ταὐτὰ ἡμῖν ἔγνω ἱππικὸσ ὤν· καὶ ὅσα δὴ παρέλιπεν ἡμεῖσ πειρασόμεθα δηλῶσαι. πρῶτον δὲ γράψομεν ὡσ ἄν τισ ἥκιστα ἐξαπατῷτο ἐν ἱππωνίᾳ.

τοῦ μὲν τοίνυν ἔτι ἀδαμάστου πώλου δῆλον ὅτι τὸ σῶμα δεῖ δοκιμάζειν· τῆσ γὰρ ψυχῆσ οὐ πάνυ σαφῆ τεκμήρια παρέχεται ὁ μήπω ἀναβαινόμενοσ. τοῦ γε μὴν σώματοσ πρῶτόν φαμεν χρῆναι τοὺσ πόδασ σκοπεῖν.

ὥσπερ γὰρ οἰκίασ οὐδὲν ὄφελοσ ἂν εἰή, εἰ τὰ ἄνω πάνυ καλὰ ἔχοι μὴ ὑποκειμένων οἱών δεῖ θεμελίων, οὕτω καὶ ἵππου πολεμιστηρίου οὐδὲν ἂν ὄφελοσ εἰή, οὐδ’ εἰ τἆλλα πάντα ἀγαθὰ ἔχοι, κακόπουσ δ’ εἰή· οὐδενὶ γὰρ ἂν δύναιτο τῶν ἀγαθῶν χρῆσθαι. πόδασ δ’ ἄν τισ δοκιμάζοι πρῶτον μὲν τοὺσ ὄνυχασ σκοπῶν·

οἱ γὰρ παχεῖσ πολὺ τῶν λεπτῶν διαφέρουσιν εἰσ εὐποδίαν· ἔπειτα οὐδὲ τοῦτο δεῖ λανθάνειν, πότερον αἱ ὁπλαί εἰσιν ὑψηλαὶ ἢ ταπειναὶ καὶ ἔμπροσθεν καὶ ὄπισθεν ἢ χαμηλαί. αἱ μὲν γὰρ ὑψηλαὶ πόρρω ἀπὸ τοῦ δαπέδου ἔχουσι τὴν χελιδόνα καλουμένην, αἱ δὲ ταπειναὶ ὁμοίωσ βαίνουσι τῷ τε ἰσχυροτάτῳ καὶ τῷ μαλακωτάτῳ τοῦ ποδόσ, ὥσπερ οἱ βλαισοὶ τῶν ἀνθρώπων· καὶ τῷ ψόφῳ δὲ ἔφη Σίμων δήλουσ εἶναι τοὺσ εὔποδασ, καλῶσ λέγων· ὥσπερ γὰρ κύμβαλον ψοφεῖ πρὸσ τὸ δάπεδον ἡ κοίλη ὁπλή. ἐπεὶ δὲ ἠρξάμεθα ἐντεῦθεν, ταύτῃ καὶ ἀναβησόμεθα πρὸσ τὸ ἄλλο σῶμα.

δεῖ τοίνυν καὶ τὰ ἀνωτέρω μὲν τῶν ὁπλῶν, κατωτέρω δὲ τῶν κυνηπόδων ὀστᾶ μήτε ἄγαν ὀρθὰ εἶναι ὥσπερ αἰγόσ· ἀντιτυπώτερα γὰρ ὄντα κόπτει τε τὸν ἀναβάτην καὶ παραπίμπραται μᾶλλον τὰ τοιαῦτα σκέλη· οὐδὲ μὴν ἄγαν ταπεινὰ τὰ ὀστᾶ δεῖ εἶναι· ψιλοῖντο γὰρ ἂν καὶ ἑλκοῖντο οἱ κυνήποδεσ εἴτ’ ἐν βώλοισ εἴτ’ ἐν λίθοισ ἐλαύνοιτο ὁ ἵπποσ. τῶν γε μὴν κνημῶν τὰ ὀστᾶ παχέα χρὴ εἶναι·

ταῦτα γάρ ἐστι στήριγγεσ τοῦ σώματοσ· οὐ μέντοι φλεψί γε οὐδὲ σαρξὶ παχέα· εἰ δὲ μή, ὅταν ἐν σκληροῖσ ἐλαύνηται, ἀνάγκη αἵματοσ ταῦτα πληροῦσθαι καὶ κρισσοὺσ γίγνεσθαι, καὶ παχύνεσθαι μὲν τὰ σκέλη, ἀφίστασθαι δὲ τὸ δέρμα. χαλῶντοσ δὲ τούτου πολλάκισ καὶ ἡ περόνη ἀποστᾶσα χωλὸν ἀπέδειξε τὸν ἵππον. τά γε μὴν γόνατα ἢν βαδίζων ὁ πῶλοσ ὑγρῶσ κάμπτῃ, εἰκάζοισ ἂν καὶ ἱππεύοντα ὑγρὰ ἕξειν τὰ σκέλη·

πάντεσ γὰρ προϊόντοσ τοῦ χρόνου ὑγροτέρωσ κάμπτουσιν ἐν τοῖσ γόνασι. τὰ δὲ ὑγρὰ δικαίωσ εὐδοκιμεῖ· ἀπταιστότερον γὰρ καὶ ἀκοπώτερον τὸν ἵππον τῶν σκληρῶν σκελῶν παρέχει. μηροί γε μέντοι οἱ ὑπὸ ταῖσ ὠμοπλάταισ ἢν παχεῖσ ὦσιν, ἰσχυρότεροί τε καὶ εὐπρεπέστεροι ὥσπερ ἀνδρὸσ φαίνονται.

καὶ μὴν στέρνα πλατύτερα ὄντα καὶ πρὸσ κάλλοσ καὶ πρὸσ ἰσχὺν καὶ πρὸσ τὸ μὴ ἐπαλλὰξ ἀλλὰ διὰ πολλοῦ τὰ σκέλη φέρειν εὐφυέστερα. ἀπό γε μὴν τοῦ στέρνου ὁ μὲν αὐχὴν αὐτοῦ μὴ ὥσπερ κάπρου προπετὴσ πεφύκοι, ἀλλ’ ὥσπερ ἀλεκτρυόνοσ ὀρθὸσ πρὸσ τὴν κορυφὴν ἥκοι, λαγαρὸσ δὲ εἰή τὰ κατὰ τὴν συγκαμπήν, ἡ δὲ κεφαλὴ ὀστώδησ οὖσα μικρὰν σιαγόνα ἔχοι.

οὕτωσ ὁ μὲν τράχηλοσ πρὸ τοῦ ἀναβάτου ἂν εἰή, τὸ δὲ ὄμμα <τὰ> πρὸ τῶν ποδῶν ὁρῴη. καὶ βιάζεσθαι δὲ ἥκιστ’ ἂν δύναιτο ὁ τοιοῦτον σχῆμα ἔχων καὶ εἰ πάνυ θυμοειδὴσ εἰή· οὐ γὰρ ἐγκάμπτοντεσ ἀλλ’ ἐκτείνοντεσ τὸν τράχηλον καὶ τὴν κεφαλὴν βιάζεσθαι οἱ ἵπποι ἐπιχειροῦσι. σκοπεῖν δὲ χρὴ καὶ εἰ ἀμφότεραι μαλακαὶ αἱ γνάθοι ἢ σκληρὰ ἡ ἑτέρα.

ἑτερόγναθοι γὰρ ὡσ τὰ πολλὰ οἱ μὴ ὁμοίασ τὰσ γνάθουσ ἔχοντεσ γίγνονται. καὶ μὴν τὸ ἐξόφθαλμον εἶναι ἐγρηγορὸσ μᾶλλον φαίνεται τοῦ κοιλοφθάλμου, καὶ ἐπὶ πλέον δ’ ἂν ὁ τοιοῦτοσ ὁρῴη. καὶ μυκτῆρέσ γε οἱ ἀναπεπταμένοι τῶν συμπεπτωκότων εὐπνοώτεροί τε ἅμα εἰσὶ καὶ γοργότερον τὸν ἵππον ἀποδεικνύουσι.

καὶ γὰρ ὅταν ὀργίζηται ἵπποσ ἵππῳ ἢ ἐν ἱππασίᾳ θυμῶται, εὐρύνει μᾶλλον τοὺσ μυκτῆρασ. καὶ μὴν κορυφὴ μὲν μείζων, ὦτα δὲ μικρότερα ἱππωδεστέραν τὴν κεφαλὴν ἀποφαίνει.

ἡ δ’ αὖ ὑψηλὴ ἀκρωμία τῷ τε ἀναβάτῃ ἀσφαλεστέραν τὴν ἕδραν καὶ τοῖσ ὤμοισ καὶ τῷ σώματι ἰσχυροτέραν τὴν πρόσφυσιν παρέχεται. <ῥάχισ γε μὴν> ἡ διπλῆ τῆσ ἁπλῆσ καὶ ἐγκαθῆσθαι μαλακωτέρα καὶ ἰδεῖν ἡδίων. καὶ πλευρὰ δὲ ἡ βαθυτέρα καὶ πρὸσ τὴν γαστέρα ὀγκωδεστέρα ἅμα εὐεδρότερόν τε καὶ ἰσχυρότερον καὶ εὐχιλότερον ὡσ ἐπὶ πολὺ τὸν ἵππον παρέχεται.

ὀσφῦσ γε μὴν ὅσῳ ἂν πλατυτέρα τε καὶ βραχυτέρα ᾖ, τοσούτῳ ῥᾷον μὲν ὁ ἵπποσ τὰ πρόσθεν αἴρεται, ῥᾷον δὲ τὰ ὄπισθεν προσάγεται· καὶ ὁ κενεὼν δὲ οὕτω μικρότατοσ φαίνεται, ὅσπερ μέγασ ὢν μέροσ μέν τι καὶ αἰσχύνει, μέροσ δέ τι καὶ ἀσθενέστερον καὶ δυσφορώτερον αὖ τὸν ἵππον παρέχεται. τά γε μὴν ἰσχία πλατέα μὲν εἶναι χρὴ καὶ εὔσαρκα, ἵνα ἀκόλουθα ᾖ ταῖσ πλευραῖσ καὶ τοῖσ στέρνοισ·

ἢν δὲ πάντα στερεὰ ᾖ, κουφότερα ἂν τὰ πρὸσ τὸν δρόμον εἰή καὶ ὀξύτερον μᾶλλον ἂν τὸν ἵππον παρέχοιτο. μηρούσ γε μὴν τοὺσ ὑπὸ τῇ οὐρᾷ ἢν ἅμα πλατείᾳ τῇ γραμμῇ διωρισμένουσ ἔχῃ, οὕτω καὶ τὰ ὄπισθεν σκέλη διὰ πολλοῦ ὑποθήσει.

τοῦτο δὲ ποιῶν ἅμα γοργοτέραν τε καὶ ἰσχυροτέραν ἕξει τὴν ὑπόβασίν τε καὶ ἱππασίαν καὶ ἅπαντα βελτίων ἔσται ἑαυτοῦ. τεκμήραιο δ’ ἂν καὶ ἀπ’ ἀνθρώπων· ὅταν γάρ τι ἀπὸ τῆσ γῆσ ἄρασθαι βούλωνται, διαβαίνοντεσ πάντεσ μᾶλλον ἢ συμβεβηκότεσ ἐπιχειροῦσιν αἴρεσθαι. τούσ γε μὴν ὄρχεισ δεῖ μὴ μεγάλουσ τὸν ἵππον ἔχειν, ὃ οὐκ ἔστι πώλου κατιδεῖν.

περί γε μὴν τῶν κάτωθεν, ἀστραγάλων ἢ κνημῶν καὶ κυνηπόδων καὶ ὁπλῶν, ταὐτὰ λέγομεν ἅπερ περὶ τῶν ἔμπροσθεν. γράψαι δὲ βούλομαι καὶ ἐξ ὧν ἂν περὶ μεγέθουσ ἥκιστα ἀποτυγχάνοι τισ.

ὅτου γὰρ ἂν ὦσιν αἱ κνῆμαι εὐθὺσ γιγνομένου ὑψηλόταται, οὗτοσ μέγιστοσ γίγνεται. προϊόντοσ γὰρ τοῦ χρόνου πάντων τῶν τετραπόδων αἱ μὲν κνῆμαι εἰσ μέγεθοσ οὐ μάλα αὔξονται, πρὸσ δὲ ταύτασ ὡσ ἂν συμμέτρωσ ἔχῃ συναύξεται καὶ τὸ ἄλλο σῶμα. εἶδοσ μὲν δὴ πώλου οὕτω δοκιμάζοντεσ μάλιστ’ ἂν ἡμῖν δοκοῦσι τυγχάνειν εὔποδοσ καὶ ἰσχυροῦ καὶ εὐσάρκου καὶ εὐσχήμονοσ καὶ εὐμεγέθουσ.

εἰ δέ τινεσ αὐξανόμενοι μεταβάλλουσιν, ὅμωσ οὕτω θαρρῶν τισ δοκιμάζοι ἄν· πολὺ γὰρ πλείονεσ εὔχρηστοι ἐξ αἰσχρῶν ἢ ἐκ τοιούτων αἰσχροὶ γίγνονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Περὶ Ἱππικῆς, chapter 1

(크세노폰, Minor Works, Περὶ Ἱππικῆς, chapter 1)

상위

목록

SEARCH

MENU NAVIGATION