헬라어 문장 검색 - ΧενοπήΜινορΩό1́11́

(크세노폰, Minor Works, Ἀγησίλαος, chapter 11)

βούλομαι δὲ καὶ ἐν κεφαλαίοισ ἐπανελθεῖν τὴν ἀρετὴν αὐτοῦ, ὡσ ἂν ὁ ἔπαινοσ εὐμνημονεστέρωσ ἔχῃ. Ἀγησίλαοσ ἱερὰ μὲν καὶ τὰ ἐν τοῖσ πολεμίοισ ἐσέβετο, ἡγούμενοσ τοὺσ θεοὺσ οὐχ ἧττον ἐν τῇ πολεμίᾳ χρῆναι ἢ ἐν τῇ φιλίᾳ συμμάχουσ ποιεῖσθαι· ἱκέτασ δὲ θεῶν οὐδὲ ἐχθροὺσ ἐβιάζετο, νομίζων ἄλογον εἶναι τοὺσ μὲν ἐξ ἱερῶν κλέπτοντασ ἱεροσύλουσ καλεῖν, τοὺσ δὲ βωμῶν ἱκέτασ ἀποσπῶντασ εὐσεβεῖσ ἡγεῖσθαι. ἐκεῖνόσ γε μὴν ὑμνῶν οὔποτ’ ἔληγεν ὡσ τοὺσ θεοὺσ οἰοίτο οὐδὲν ἧττον ὁσίοισ ἔργοισ ἢ ἁγνοῖσ ἱεροῖσ ἥδεσθαι.

ἀλλὰ μὴν καὶ ὁπότε εὐτυχοίη, οὐκ ἀνθρώπων ὑπερεφρόνει, ἀλλὰ θεοῖσ χάριν ᾔδει. καὶ θαρρῶν πλείονα ἔθυεν ἢ ὀκνῶν ηὔχετο. εἴθιστο δὲ φοβούμενοσ μὲν ἱλαρὸσ φαίνεσθαι, εὐτυχῶν δὲ πρᾷοσ εἶναι. τῶν γε μὴν φίλων οὐ τοὺσ δυνατωτάτουσ ἀλλὰ τοὺσ προθυμοτάτουσ μάλιστα ἠσπάζετο.

ἐμίσει οὐκ εἴ τισ κακῶσ πάσχων ἠμύνετο, ἀλλ’ εἴ τισ εὐεργετούμενοσ ἀχάριστοσ φαίνοιτο. ἔχαιρε δὲ τοὺσ μὲν αἰσχροκερδεῖσ πένητασ ὁρῶν, τοὺσ δὲ δικαίουσ πλουσίουσ ποιῶν, βουλόμενοσ τὴν δικαιοσύνην τῆσ ἀδικίασ κερδαλεωτέραν καθιστάναι. ἤσκει δὲ ἐξομιλεῖν μὲν παντοδαποῖσ, χρῆσθαι δὲ τοῖσ ἀγαθοῖσ.

ὁπότε δὲ ψεγόντων ἢ ἐπαινούντων τινὰσ ἀκούοι, οὐχ ἧττον ᾤετο καταμανθάνειν <τοὺσ> τῶν λεγόντων τρόπουσ ἢ περὶ ὧν λέγοιεν. καὶ τοὺσ μὲν ὑπὸ φίλων ἐξαπατωμένουσ οὐκ ἔψεγε, τοὺσ δὲ ὑπὸ πολεμίων πάμπαν κατεμέμφετο, καὶ τὸ μὲν ἀπιστοῦντασ ἐξαπατᾶν σοφὸν ἔκρινε, τὸ δὲ πιστεύοντασ ἀνόσιον. ἐπαινούμενοσ δὲ ἔχαιρεν ὑπὸ τῶν καὶ ψέγειν ἐθελόντων τὰ μὴ ἀρεστά, καὶ τῶν παρρησιαζομένων οὐδένα ἤχθραινε, τοὺσ δὲ κρυψίνουσ ὥσπερ ἐνέδρασ ἐφυλάττετο.

τούσ γε μὴν διαβόλουσ μᾶλλον ἢ τοὺσ κλέπτασ ἐμίσει, μείζω ζημίαν ἡγούμενοσ φίλων ἢ χρημάτων στερίσκεσθαι. καὶ τὰσ μὲν τῶν ἰδιωτῶν ἁμαρτίασ πρᾴωσ ἔφερε, τὰσ δὲ τῶν ἀρχόντων μεγάλασ ἦγε, κρίνων τοὺσ μὲν ὀλίγα, τοὺσ δὲ πολλὰ κακῶσ διατιθέναι.

τῇ δὲ βασιλείᾳ προσήκειν ἐνόμιζεν οὐ ῥᾳδιουργίαν ἀλλὰ καλοκἀγαθίαν. καὶ τοῦ μὲν σώματοσ εἰκόνα στήσασθαι ἀπέσχετο, πολλῶν αὐτῷ τοῦτο δωρεῖσθαι θελόντων, τῆσ δὲ ψυχῆσ οὐδέποτε ἐπαύετο μνημεῖα διαπονούμενοσ, ἡγούμενοσ τὸ μὲν ἀνδριαντοποιῶν, τὸ δὲ αὑτοῦ ἔργον εἶναι, καὶ τὸ μὲν πλουσίων, τὸ δὲ τῶν ἀγαθῶν.

χρήμασί γε μὴν οὐ μόνον δικαίωσ ἀλλὰ καὶ ἐλευθερίωσ ἐχρῆτο, τῷ μὲν δικαίῳ ἀρκεῖν ἡγούμενοσ τὸ ἐὰν τὰ ἀλλότρια, τῷ δὲ ἐλευθερίῳ καὶ τῶν ἑαυτοῦ προσωφελητέον εἶναι.

αἰεὶ δὲ δεισιδαίμων ἦν, νομίζων τοὺσ μὲν καλῶσ ζῶντασ οὔπω εὐδαίμονασ, τοὺσ δὲ εὐκλεῶσ τετελευτηκότασ ἤδη μακαρίουσ. μείζω δὲ συμφορὰν ἔκρινε τὸ γιγνώσκοντα ἢ ἀγνοοῦντα ἀμελεῖν τῶν ἀγαθῶν.

δόξησ δὲ οὐδεμιᾶσ ἤρα ἧσ οὐκ ἐξεπόνει τὰ ἴδια. μετ’ ὀλίγων δέ μοι ἐδόκει ἀνθρώπων οὐ καρτερίαν τὴν ἀρετὴν ἀλλ’ εὐπάθειαν νομίζειν· ἐπαινούμενοσ γοῦν ἔχαιρε μᾶλλον ἢ χρήματα κτώμενοσ. ἀλλὰ μὴν ἀνδρείαν γε τὸ πλέον μετ’ εὐβουλίασ ἢ μετὰ κινδύνων ἐπεδείκνυτο, καὶ σοφίαν ἔργῳ μᾶλλον ἢ λόγοισ ἤσκει. πρᾳότατόσ γε μὴν φίλοισ ὢν ἐχθροῖσ φοβερώτατοσ ἦν·

καὶ πόνοισ μάλιστα ἀντέχων ἑταίροισ ἥδιστα ὑπεῖκε, καλῶν ἔργων μᾶλλον ἢ τῶν καλῶν σωμάτων ἐπιθυμῶν. ἔν γε μὴν ταῖσ εὐπραξίαισ σωφρονεῖν ἐπιστάμενοσ ἐν τοῖσ δεινοῖσ εὐθαρσὴσ ἐδύνατο εἶναι. καὶ τὸ εὔχαρι οὐ σκώμμασιν ἀλλὰ τρόπῳ ἐπετήδευε, καὶ τῷ μεγαλόφρονι οὐ σὺν ὕβρει ἀλλὰ σὺν γνώμῃ ἐχρῆτο·

τῶν γοῦν ὑπεραύχων καταφρονῶν τῶν μετρίων ταπεινότεροσ ἦν. καὶ γὰρ ἐκαλλωπίζετο τῇ μὲν ἀμφὶ τὸ σῶμα φαυλότητι, τῷ δ’ ἀμφὶ τὸ στράτευμα κόσμῳ <καὶ> τῷ μὲν αὐτὸσ ὡσ ἐλαχίστων δεῖσθαι, τῷ δὲ τοὺσ φίλουσ ὡσ πλεῖστα ὠφελεῖν. πρὸσ δὲ τούτοισ βαρύτατοσ μὲν ἀνταγωνιστὴσ ἦν, κουφότατοσ δὲ κρατήσασ·

ἐχθροῖσ μὲν δυσεξαπάτητοσ, φίλοισ δὲ εὐπαραπειστότατοσ. αἰεὶ δὲ τιθεὶσ τὰ τῶν φίλων ἀσφαλῶσ αἰεὶ ἀμαυροῦν τὰ τῶν πολεμίων ἔργον εἶχεν. ἐκεῖνον οἱ μὲν συγγενεῖσ φιλοκηδεμόνα ἐκάλουν, οἱ δὲ χρώμενοι ἀπροφάσιστον, οἱ δ’ ὑπουργήσαντέσ τι μνήμονα, οἱ δ’ ἀδικούμενοι ἐπίκουρον, οἵ γε μὴν συγκινδυνεύοντεσ μετὰ θεοὺσ σωτῆρα.

δοκεῖ δ’ ἔμοιγε καὶ τόδε μόνοσ ἀνθρώπων ἐπιδεῖξαι, ὅτι ἡ μὲν τοῦ σώματοσ ἰσχὺσ γηράσκει, ἡ δὲ τῆσ ψυχῆσ ῥώμη τῶν ἀγαθῶν ἀνδρῶν ἀγήρατόσ ἐστιν.

ἐκεῖνοσ γοῦν οὐκ ἀπεῖπε μεγάλην καὶ καλὴν ἐφιέμενοσ <δόξαν, ἔστε> τὸ σῶμα φέρειν ἐδύνατο τὴν τῆσ ψυχῆσ αὐτοῦ ῥώμην. τοιγαροῦν ποίασ οὐ νεότητοσ κρεῖττον τὸ ἐκείνου γῆρασ ἐφάνη;

τίσ μὲν γὰρ τοῖσ ἐχθροῖσ ἀκμάζων οὕτω φοβερὸσ ἦν ὡσ Ἀγησίλαοσ τὸ μήκιστον τοῦ αἰῶνοσ ἔχων; τίνοσ δ’ ἐκποδὼν γενομένου μᾶλλον ἥσθησαν οἱ πολέμιοι ἢ Ἀγησιλάου καίπερ γηραιοῦ τελευτήσαντοσ; τίσ δὲ συμμάχοισ θάρσοσ παρέσχεν ὅσον Ἀγησίλαοσ, καίπερ ἤδη πρὸσ τῷ στόματι τοῦ βίου ὤν; τίνα δὲ νέον οἱ φίλοι πλέον ἐπόθησαν ἢ Ἀγησίλαον γηραιὸν ἀποθανόντα; οὕτω δὲ τελέωσ ὁ ἀνὴρ τῇ πατρίδι ὠφέλιμοσ ὢν διεγένετο ὡσ καὶ τετελευτηκὼσ ἤδη ἔτι μεγαλείωσ ὠφελῶν τὴν πόλιν εἰσ τὴν ἀίδιον οἴκησιν κατηγάγετο, μνημεῖα μὲν τῆσ ἑαυτοῦ ἀρετῆσ ἀνὰ πᾶσαν τὴν γῆν κτησάμενοσ, τῆσ δὲ βασιλικῆσ ταφῆσ ἐν τῇ πατρίδι τυχών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἀγησίλαος, chapter 11

(크세노폰, Minor Works, Ἀγησίλαος, chapter 11)

상위

목록

SEARCH

MENU NAVIGATION