헬라어 문장 검색 - ΧενοπήΜινορΩό1́05́

(크세노폰, Minor Works, Ἀγησίλαος, chapter 5)

ἀλλὰ μὴν καὶ ὅσαι γε ἡδοναὶ πολλῶν κρατοῦσιν ἀνθρώπων, ποίασ οἶδέ τισ Ἀγησίλαον ἡττηθέντα; ὃσ μέθησ μὲν ἀποσχέσθαι ὁμοίωσ ᾤετο χρῆναι καὶ λαιμαργίασ, σίτων δ’ ὑπὲρ καιρὸν ὁμοίωσ ὡσ καὶ ἁμαρτίασ. διμοιρίαν γε μὴν λαμβάνων ἐν ταῖσ θοίναισ οὐχ ὅπωσ ἀμφοτέραισ ἐχρῆτο, ἀλλὰ διαπέμπων οὐδετέραν αὑτῷ κατέλειπε, νομίζων βασιλεῖ τοῦτο διπλασιασθῆναι οὐχὶ πλησμονῆσ ἕνεκα, ἀλλ’ ὅπωσ ἔχοι καὶ τούτῳ τιμᾶν εἴ τινα βούλοιτο. οὐ μὴν ὕπνῳ γε δεσπότῃ ἀλλ’ ἀρχομένῳ ὑπὸ τῶν πράξεων ἐχρῆτο, καὶ εὐνήν γε εἰ μὴ τῶν συνόντων φαυλοτάτην ἔχοι, αἰδούμενοσ οὐκ ἄδηλοσ ἦν·

ἡγεῖτο γὰρ ἄρχοντι προσήκειν οὐ μαλακίᾳ ἀλλὰ καρτερίᾳ τῶν ἰδιωτῶν περιεῖναι. τάδε μέντοι πλεονεκτῶν οὐκ ᾐσχύνετο, ἐν μὲν τῷ θέρει τοῦ ἡλίου, ἐν δὲ τῷ χειμῶνι τοῦ ψύχουσ·

καὶ μὴν εἴ ποτε μοχθῆσαι στρατιᾷ συμβαίη, ἑκὼν ἐπόνει παρὰ τοὺσ ἄλλουσ, νομίζων πάντα τὰ τοιαῦτα παραμυθίαν εἶναι τοῖσ στρατιώταισ. ὡσ δὲ συνελόντι εἰπεῖν, Ἀγησίλαοσ πονῶν μὲν ἠγάλλετο, ῥᾳστώνην δὲ πάμπαν οὐ προσίετο. περί γε μὴν ἀφροδισίων ἐγκρατείασ αὐτοῦ ἆρ’ οὐχὶ εἰ μή του ἄλλου ἀλλὰ θαύματοσ ἕνεκα ἄξιον μνησθῆναι;

τὸ μὲν γὰρ ὧν μὴ ἐπεθύμησεν ἀπέχεσθαι ἀνθρώπινον ἄν τισ φαίη εἶναι· τὸ δὲ Μεγαβάτου τοῦ Σπιθριδάτου παιδὸσ ἐρασθέντα ὥσπερ ἂν τοῦ καλλίστου ἡ σφοδροτάτη φύσισ ἐρασθείη, ἔπειτα, ἡνίκα ἐπιχωρίου ὄντοσ τοῖσ Πέρσαισ φιλεῖν οὓσ ἂν τιμῶσιν ἐπεχείρησε καὶ ὁ Μεγαβάτησ φιλῆσαι τὸν Ἀγησίλαον, διαμάχεσθαι ἀνὰ κράτοσ τὸ μὴ φιληθῆναι, ἆρ’ οὐ τοῦτό γε ἤδη τὸ σωφρόνημα καὶ δαιμόνιον; ἐπεὶ δὲ ὥσπερ ἀτιμασθῆναι νομίσασ ὁ Μεγαβάτησ τοῦ λοιποῦ οὐκέτι φιλεῖν ἐπειρᾶτο, προσφέρει τινὶ λόγον τῶν ἑταίρων ὁ Ἀγησίλαοσ πείθειν τὸν Μεγαβάτην πάλιν τιμᾶν αὐτόν.

ἐρομένου δὲ τοῦ ἑταίρου, ἢν πεισθῇ ὁ Μεγαβάτησ, εἰ φιλήσει, ἐνταῦθα διασιωπήσασ ὁ Ἀγησίλαοσ εἶπεν· οὐ τὼ σιώ, οὐδ’ εἰ μέλλοιμί γε αὐτίκα μάλα κάλλιστόσ τε καὶ ἰσχυρότατοσ καὶ τάχιστοσ ἀνθρώπων ἔσεσθαι· μάχεσθαί γε μέντοι πάλιν τὴν αὐτὴν μάχην ὄμνυμι πάντασ θεοὺσ ἦ μὴν μᾶλλον βούλεσθαι ἢ πάντα μοι ὅσα ὁρῶ χρυσᾶ γενέσθαι. καὶ ὅ τι μὲν δὴ ὑπολαμβάνουσί τινεσ ταῦτα οὐκ ἀγνοῶ·

ἐγὼ μέντοι δοκῶ εἰδέναι ὅτι πολὺ πλέονεσ τῶν πολεμίων ἢ τῶν τοιούτων δύνανται κρατεῖν. ἀλλὰ ταῦτα μὲν ὀλίγων εἰδότων πολλοῖσ ἔξεστιν ἀπιστεῖν· τὰ δὲ πάντεσ ἐπιστάμεθα ὅτι ἥκιστα μὲν οἱ ἐπιφανέστατοι τῶν ἀνθρώπων λανθάνουσιν ὅ τι ἂν ποιῶσιν· Ἀγησίλαον δέ τι πράξαντα μὲν τοιοῦτον οὔτε ἰδὼν πώποτε οὐδεὶσ ἀνήγγειλεν οὔτε εἰκάζων πιστὰ ἂν ἔδοξε λέγειν. καὶ γὰρ εἰσ οἰκίαν μὲν οὐδεμίαν ἰδίᾳ ἐν ἀποδημίᾳ κατήγετο, ἀεὶ δὲ <ἦν> ἢ ἐν ἱερῷ, ἔνθα δὴ ἀδύνατον τὰ τοιαῦτα πράττειν, ἢ ἐν φανερῷ, μάρτυρασ τοὺσ πάντων ὀφθαλμοὺσ τῆσ σωφροσύνησ ποιούμενοσ.

εἰ δ’ ἐγὼ ταῦτα ψεύδομαι ἀντία τῆσ Ἑλλάδοσ ἐπισταμένησ ἐκεῖνον μὲν οὐδὲν ἐπαινῶ, ἐμαυτὸν δὲ ψέγω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἀγησίλαος, chapter 5

(크세노폰, Minor Works, Ἀγησίλαος, chapter 5)

상위

목록

SEARCH

MENU NAVIGATION