헬라어 문장 검색 - ΧενοπήΗελλενί6́3́

(크세노폰, Hellenica, Ἑλληνικῶν, chapter 3)

οἱ δὲ Ἀθηναῖοι, ἐκπεπτωκότασ μὲν ὁρῶντεσ ἐκ τῆσ Βοιωτίασ Πλαταιᾶσ, φίλουσ ὄντασ, καὶ καταπεφευγότασ πρὸσ αὑτούσ, ἱκετεύοντασ δὲ Θεσπιᾶσ μὴ σφᾶσ περιιδεῖν ἀπόλιδασ γενομένουσ, οὐκέτι ἐπῄνουν τοὺσ Θηβαίουσ, ἀλλὰ πολεμεῖν μὲν αὐτοῖσ τὰ μὲν ᾐσχύνοντο, τὰ δὲ ἀσυμφόρωσ ἔχειν ἐλογίζοντο· κοινωνεῖν γε μὴν αὐτοῖσ ὧν ἔπραττον οὐκέτι ἤθελον, ἐπεὶ ἑώρων στρατεύοντάσ τε αὐτοὺσ ἐπὶ φίλουσ ἀρχαίουσ τῇ πόλει Φωκέασ, καὶ πόλεισ πιστάσ τ’ ἐν τῷ πρὸσ τὸν βάρβαρον πολέμῳ καὶ φίλασ ἑαυτοῖσ ἀφανίζοντασ. ἐκ τούτων δὲ ψηφισάμενοσ ὁ δῆμοσ εἰρήνην ποιεῖσθαι, πρῶτον μὲν εἰσ Θήβασ πρέσβεισ ἔπεμψε παρακαλοῦντασ ἀκολουθεῖν, εἰ βούλοιντο, εἰσ Λακεδαίμονα περὶ εἰρήνησ·

ἔπειτα δὲ ἐξέπεμψαν καὶ αὐτοὶ πρέσβεισ. ἦν δὲ τῶν αἱρεθέντων Καλλίασ Ἰππονίκου, Αὐτοκλῆσ Στρομβιχίδου, Δημόστρατοσ Ἀριστοφῶντοσ, Ἀριστοκλῆσ, Κηφισόδοτοσ, Μελάνωποσ, Λύκαιθοσ. ἐπεὶ δὲ προσῆλθον ἐπὶ τοὺσ ἐκκλήτουσ τε τῶν Λακεδαιμονίων καὶ τοὺσ συμμάχουσ·

<καὶ> Καλλίστρατοσ δὲ ὁ δημηγόροσ παρῆν· ὑποσχόμενοσ γὰρ Ἰφικράτει, εἰ αὐτὸν ἀφείη, ἢ χρήματα πέμψειν τῷ ναυτικῷ ἢ εἰρήνην ποιήσειν, οὕτωσ Ἀθήνησί τε ἦν καὶ ἔπραττε περὶ εἰρήνησ· ἐπεὶ δὲ κατέστησαν ἐπὶ τοὺσ ἐκκλήτουσ τε τῶν Λακεδαιμονίων καὶ τοὺσ συμμάχουσ, πρῶτοσ ἔλεξεν αὐτῶν Καλλίασ ὁ δᾳδοῦχοσ. ἦν δ’ οὗτοσ οἱο͂σ μηδὲν ἧττον ἥδεσθαι ὑφ’ αὑτοῦ ἢ ὑπ’ ἄλλων ἐπαινούμενοσ· καὶ τότε δὴ ἤρξατο ὧδέ πωσ. ὦ ἄνδρεσ Λακεδαιμόνιοι, τὴν μὲν προξενίαν ὑμῶν οὐκ ἐγὼ μόνοσ, ἀλλὰ καὶ πατρὸσ πατὴρ πατρῴαν ἔχων παρεδίδου τῷ γένει.

βούλομαι δὲ καὶ τοῦτο ὑμῖν δηλῶσαι, ὡσ ἔχουσα ἡ πόλισ διατελεῖ πρὸσ ἡμᾶσ. ἐκείνη γάρ, ὅταν μὲν πόλεμοσ ᾖ, στρατηγοὺσ ἡμᾶσ αἱρεῖται, ὅταν δὲ ἡσυχίασ ἐπιθυμήσῃ, εἰρηνοποιοὺσ ἡμᾶσ ἐκπέμπει. κἀγὼ πρόσθεν δὶσ ἤδη ἦλθον περὶ πολέμου καταλύσεωσ, καὶ ἐν ἀμφοτέραισ ταῖσ πρεσβείαισ διεπραξάμην καὶ ὑμῖν καὶ ἡμῖν εἰρήνην· νῦν δὲ τρίτον ἥκω, καὶ ἡγοῦμαι πολὺ δικαιότατα νῦν ἂν διαλλαγῆσ τυχεῖν. ὁρῶ γὰρ οὐκ ἄλλα μὲν ὑμῖν, ἄλλα δὲ ἡμῖν δοκοῦντα, ἀλλ’ ὑμᾶσ τε ἀχθομένουσ καὶ ἡμᾶσ τῇ Πλαταιῶν καὶ Θεσπιῶν ἀναιρέσει.

πῶσ οὖν οὐκ εἰκὸσ τὰ αὐτὰ γιγνώσκοντασ φίλουσ μᾶλλον ἀλλήλοισ ἢ πολεμίουσ εἶναι; καὶ σωφρόνων μὲν δήπου ἐστὶ μηδὲ εἰ μικρὰ τὰ διαφέροντα εἰή πόλεμον ἀναιρεῖσθαι· εἰ δὲ δὴ καὶ ὁμογνωμονοῖμεν, οὐκ ἂν πάνυ τῶν θαυμαστῶν εἰή μὴ εἰρήνην ποιεῖσθαι; δίκαιον μὲν οὖν ἦν μηδὲ ὅπλα ἐπιφέρειν ἀλλήλοισ ἡμᾶσ, ἐπεὶ λέγεται μὲν Τριπτόλεμοσ ὁ ἡμέτεροσ πρόγονοσ τὰ Δήμητροσ καὶ Κόρησ ἄρρητα ἱερὰ πρώτοισ ξένοισ δεῖξαι Ἡρακλεῖ τε τῷ ὑμετέρῳ ἀρχηγέτῃ καὶ Διοσκούροιν τοῖν ὑμετέροιν πολίταιν, καὶ τοῦ Δήμητροσ δὲ καρποῦ εἰσ πρώτην τὴν Πελοπόννησον σπέρμα δωρήσασθαι.

πῶσ οὖν δίκαιον ἢ ὑμᾶσ, παρ’ ὧν ἐλάβετε σπέρματα, τὸν τούτων ποτὲ καρπὸν ἐλθεῖν δῃώσοντασ, ἡμᾶσ τε, οἷσ ἐδώκαμεν, μὴ οὐχὶ βούλεσθαι ὡσ πλείστην τούτοισ ἀφθονίαν τροφῆσ γενέσθαι; εἰ δὲ ἄρα ἐκ θεῶν πεπρωμένον ἐστὶ πολέμουσ ἐν ἀνθρώποισ γίγνεσθαι, ἡμᾶσ δὲ χρὴ ἄρχεσθαι μὲν αὐτοῦ ὡσ σχολαίτατα, ὅταν δὲ γένηται, καταλύεσθαι ᾗ δυνατὸν τάχιστα. μετὰ τοῦτον Αὐτοκλῆσ, μάλα δοκῶν ἐπιστρεφὴσ εἶναι ῥήτωρ, ὧδε ἠγόρευεν·

Ἄνδρεσ Λακεδαιμόνιοι, ὅτι μὲν ἃ μέλλω λέγειν οὐ πρὸσ χάριν ὑμῖν ῥηθήσεται οὐκ ἀγνοῶ· ἀλλὰ δοκεῖ μοι, οἵτινεσ βούλονται, ἣν ἂν ποιήσωνται φιλίαν, ταύτην ὡσ πλεῖστον χρόνον διαμένειν, διδακτέον εἶναι ἀλλήλουσ τὰ αἴτια τῶν πολέμων. ὑμεῖσ δὲ ἀεὶ μέν φατε· αὐτονόμουσ τὰσ πόλεισ χρὴ εἶναι, αὐτοὶ δ’ ἐστὲ μάλιστα ἐμποδὼν τῇ αὐτονομίᾳ. συντίθεσθε μὲν γὰρ πρὸσ τὰσ συμμαχίδασ πόλεισ τοῦτο πρῶτον, ἀκολουθεῖν ὅποι ἂν ὑμεῖσ ἡγῆσθε. καίτοι τί τοῦτο αὐτονομίᾳ προσήκει;

ποιεῖσθε δὲ πολεμίουσ οὐκ ἀνακοινούμενοι τοῖσ συμμάχοισ, καὶ ἐπὶ τούτουσ ἡγεῖσθε· ὥστε πολλάκισ ἐπὶ τοὺσ εὐμενεστάτουσ ἀναγκάζονται στρατεύειν οἱ λεγόμενοι αὐτόνομοι εἶναι. ἔτι δὲ τὸ πάντων ἐναντιώτατον αὐτονομίᾳ, καθίστατε ἔνθα μὲν δεκαρχίασ, ἔνθα δὲ τριακονταρχίασ· καὶ τούτων τῶν ἀρχόντων ἐπιμελεῖσθε οὐχ ὅπωσ νομίμωσ ἄρχωσιν, ἀλλ’ ὅπωσ δύνωνται βίᾳ κατέχειν τὰσ πόλεισ. ὥστ’ ἐοίκατε τυραννίσι μᾶλλον ἢ πολιτείαισ ἡδόμενοι. καὶ ὅτε μὲν βασιλεὺσ προσέταττεν αὐτονόμουσ τὰσ πόλεισ εἶναι, μάλα γιγνώσκοντεσ ἐφαίνεσθε ὅτι εἰ μὴ ἐάσοιεν οἱ Θηβαῖοι ἑκάστην τῶν πόλεων ἄρχειν τε ἑαυτῆσ καὶ οἷσ ἂν βούληται νόμοισ χρῆσθαι, οὐ ποιήσουσι κατὰ τὰ βασιλέωσ γράμματα·

ἐπεὶ δὲ παρελάβετε τὴν Καδμείαν, οὐδ’ αὐτοῖσ Θηβαίοισ ἐπετρέπετε αὐτονόμουσ εἶναι. δεῖ δὲ τοὺσ μέλλοντασ φίλουσ ἔσεσθαι οὐ παρὰ τῶν ἄλλων μὲν ἀξιοῦν τῶν δικαίων τυγχάνειν, αὐτοὺσ δὲ ὅπωσ ἂν πλεῖστα δύνωνται πλεονεκτοῦντασ φαίνεσθαι. ταῦτα εἰπὼν σιωπὴν μὲν παρὰ πάντων ἐποίησεν, ἡδομένουσ δὲ τοὺσ ἀχθομένουσ τοῖσ Λακεδαιμονίοισ ἐποίησε.

μετὰ τοῦτον Καλλίστρατοσ ἔλεξεν· Ἀλλ’ ὅπωσ μέν, ὦ ἄνδρεσ Λακεδαιμόνιοι, οὐκ ἐγγεγένηται ἁμαρτήματα καὶ ἀφ’ ἡμῶν καὶ ἀφ’ ὑμῶν ἐγὼ μὲν οὐκ ἂν ἔχειν μοι δοκῶ εἰπεῖν· οὐ μέντοι οὕτω γιγνώσκω ὡσ τοῖσ ἁμαρτάνουσιν οὐδέποτε ἔτι χρηστέον· ὁρῶ γὰρ τῶν ἀνθρώπων οὐδένα ἀναμάρτητον διατελοῦντα. δοκοῦσι δέ μοι καὶ εὐπορώτεροι ἐνίοτε γίγνεσθαι ἅνθρωποι ἁμαρτάνοντεσ, ἄλλωσ τε καὶ ἐὰν κολασθῶσιν ὑπὸ τῶν ἁμαρτημάτων, ὡσ ἡμεῖσ. καὶ ὑμῖν δὲ ἔγωγε ὁρῶ διὰ τὰ ἀγνωμόνωσ πραχθέντα ἔστιν ὅτε πολλὰ ἀντίτυπα γιγνόμενα·

ὧν ἦν καὶ ἡ καταληφθεῖσα ἐν Θήβαισ Καδμεία· νῦν γοῦν, ὡσ ἐσπουδάσατε αὐτονόμουσ τὰσ πόλεισ γενέσθαι, πᾶσαι πάλιν, ἐπεὶ ἠδικήθησαν οἱ Θηβαῖοι, ἐπ’ ἐκείνοισ γεγένηνται. ὥστε πεπαιδευμένουσ ἡμᾶσ ὡσ τὸ πλεονεκτεῖν ἀκερδέσ ἐστι νῦν ἐλπίζω πάλιν μετρίουσ ἐν τῇ πρὸσ ἀλλήλουσ φιλίᾳ ἔσεσθαι. ἃ δὲ βουλόμενοί τινεσ ἀποτρέπειν τὴν εἰρήνην διαβάλλουσιν, ὡσ ἡμεῖσ οὐ φιλίασ δεόμενοι, ἀλλὰ φοβούμενοι μὴ Ἀνταλκίδασ ἔλθῃ ἔχων παρὰ βασιλέωσ χρήματα, διὰ τοῦθ’ ἥκομεν, ἐνθυμήθητε ὡσ φλυαροῦσι.

βασιλεὺσ μὲν γὰρ δήπου ἔγραψε πάσασ τὰσ ἐν τῇ Ἑλλάδι πόλεισ αὐτονόμουσ εἶναι· ἡμεῖσ δὲ ταὐτὰ ἐκείνῳ λέγοντέσ τε καὶ πράττοντεσ τί ἂν φοβοίμεθα βασιλέα; ἢ τοῦτο οἰέταί τισ, ὡσ ἐκεῖνοσ βούλεται χρήματα ἀναλώσασ ἄλλουσ μεγάλουσ ποιῆσαι μᾶλλον ἢ ἄνευ δαπάνησ ἃ ἔγνω ἄριστα εἶναι, ταῦτα ἑαυτῷ πεπρᾶχθαι; εἰε͂ν.

τί μὴν ἥκομεν; ὅτι μὲν οὖν οὐκ ἀποροῦντεσ, γνοίητε ἄν, εἰ μὲν βούλεσθε, πρὸσ τὰ κατὰ θάλατταν ἰδόντεσ, εἰ δὲ βούλεσθε, πρὸσ τὰ κατὰ γῆν ἐν τῷ παρόντι. τί μήν ἐστιν; εὔδηλον ὅτι εἰ τῶν συμμάχων τινὲσ οὐκ ἀρεστὰ πράττουσιν ἡμῖν ἢ ὑμῖν ἀρεστά. ἴσωσ δὲ καὶ βουλοίμεθ’ ἂν ὧν ἕνεκα περιεσώσατε ἡμᾶσ ἃ ὀρθῶσ ἔγνωμεν ὑμῖν ἐπιδεῖξαι. ἵνα δὲ καὶ τοῦ συμφόρου ἔτι ἐπιμνησθῶ, εἰσὶ μὲν δήπου πασῶν τῶν πόλεων αἱ μὲν τὰ ὑμέτερα, αἱ δὲ τὰ ἡμέτερα φρονοῦσαι, καὶ ἐν ἑκάστῃ πόλει οἱ μὲν λακωνίζουσιν, οἱ δὲ ἀττικίζουσιν.

εἰ οὖν ἡμεῖσ φίλοι γενοίμεθα, πόθεν ἂν εἰκότωσ χαλεπόν τι προσδοκήσαιμεν; καὶ γὰρ δὴ κατὰ γῆν μὲν τίσ ἂν ὑμῶν φίλων ὄντων ἱκανὸσ γένοιτο ἡμᾶσ λυπῆσαι; κατὰ θάλαττάν γε μὴν τίσ ἂν ὑμᾶσ βλάψαι τι ἡμῶν ὑμῖν ἐπιτηδείων ὄντων; ἀλλὰ μέντοι ὅτι μὲν πόλεμοι ἀεί ποτε γίγνονται καὶ ὅτι καταλύονται πάντεσ ἐπιστάμεθα, καὶ ὅτι ἡμεῖσ, ἂν μὴ νῦν, ἀλλ’ αὖθίσ ποτε εἰρήνησ ἐπιθυμήσομεν.

τί οὖν δεῖ ἐκεῖνον τὸν χρόνον ἀναμένειν, ἑώσ ἂν ὑπὸ πλήθουσ κακῶν ἀπείπωμεν, μᾶλλον ἢ οὐχ ὡσ τάχιστα πρίν τι ἀνήκεστον γενέσθαι τὴν εἰρήνην ποιήσασθαι; ἀλλὰ μὴν οὐδ’ ἐκείνουσ ἔγωγε ἐπαινῶ οἵτινεσ ἀγωνισταὶ γενόμενοι καὶ νενικηκότεσ ἤδη πολλάκισ καὶ δόξαν ἔχοντεσ οὕτω φιλονεικοῦσιν ὥστε οὐ πρότερον παύονται, πρὶν ἂν ἡττηθέντεσ τὴν ἄσκησιν καταλύσωσιν, οὐδέ γε τῶν κυβευτῶν οἵτινεσ αὖ ἐὰν ἕν τι ἐπιτύχωσι, περὶ διπλασίων κυβεύουσιν·

ὁρῶ γὰρ καὶ τῶν τοιούτων τοὺσ πλείουσ ἀπόρουσ παντάπασι γιγνομένουσ. ἃ χρὴ καὶ ἡμᾶσ ὁρῶντασ εἰσ μὲν τοιοῦτον ἀγῶνα μηδέποτε καταστῆναι, ὥστ’ ἢ πάντα λαβεῖν ἢ πάντ’ ἀποβαλεῖν, ἑώσ δὲ καὶ ἐρρώμεθα καὶ εὐτυχοῦμεν, φίλουσ ἀλλήλοισ γενέσθαι.

οὕτω γὰρ ἡμεῖσ τ’ ἂν δι’ ὑμᾶσ καὶ ὑμεῖσ δι’ ἡμᾶσ ἔτι μείζουσ ἢ τὸν παρελθόντα χρόνον ἐν τῇ Ἑλλάδι ἀναστρεφοίμεθα. δοξάντων δὲ τούτων καλῶσ εἰπεῖν, ἐψηφίσαντο καὶ οἱ Λακεδαιμόνιοι δέχεσθαι τὴν εἰρήνην, ἐφ’ ᾧ τούσ τε ἁρμοστὰσ ἐκ τῶν πόλεων ἐξάγειν, τά τε στρατόπεδα διαλύειν καὶ τὰ ναυτικὰ καὶ τὰ πεζικά, τάσ τε πόλεισ αὐτονόμουσ ἐᾶν.

εἰ δέ τισ παρὰ ταῦτα ποιοίη, τὸν μὲν βουλόμενον βοηθεῖν ταῖσ ἀδικουμέναισ πόλεσι, τῷ δὲ μὴ βουλομένῳ μὴ εἶναι ἔνορκον συμμαχεῖν τοῖσ ἀδικουμένοισ. ἐπὶ τούτοισ ὤμοσαν Λακεδαιμόνιοι μὲν ὑπὲρ αὑτῶν καὶ τῶν συμμάχων, Ἀθηναῖοι δὲ καὶ οἱ σύμμαχοι κατὰ πόλεισ ἕκαστοι.

ἀπογραψάμενοι δ’ ἐν ταῖσ ὀμωμοκυίαισ πόλεσι καὶ οἱ Θηβαῖοι, προσελθόντεσ πάλιν τῇ ὑστεραίᾳ οἱ πρέσβεισ αὐτῶν ἐκέλευον μεταγράφειν ἀντὶ Θηβαίων Βοιωτοὺσ ὀμωμοκότασ. ὁ δὲ Ἀγησίλαοσ ἀπεκρίνατο ὅτι μεταγράψει μὲν οὐδὲν ὧν τὸ πρῶτον ὤμοσάν τε καὶ ἀπεγράψαντο· εἰ μέντοι μὴ βούλοιντο ἐν ταῖσ σπονδαῖσ εἶναι, ἐξαλείφειν ἂν ἔφη, εἰ κελεύοιεν. οὕτω δὴ εἰρήνην τῶν ἄλλων πεποιημένων, πρὸσ δὲ Θηβαίουσ μόνουσ ἀντιλογίασ οὔσησ, οἱ μὲν Ἀθηναῖοι οὕτωσ εἶχον τὴν γνώμην ὡσ νῦν Θηβαίουσ τὸ λεγόμενον δὴ δεκατευθῆναι ἐλπὶσ εἰή, αὐτοὶ δὲ οἱ Θηβαῖοι παντελῶσ ἀθύμωσ ἔχοντεσ ἀπῆλθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν, chapter 3

(크세노폰, Hellenica, Ἑλληνικῶν, chapter 3)

상위

목록

SEARCH

MENU NAVIGATION