Xenophon, Hellenica, Ἑλληνικῶν Ε, chapter 2 38:

ἔπειτα μέντοι ὁ Λεοντιάδησ ἐλθὼν εἰσ τοὺσ ἐκκλήτουσ ἔλεγε τοιάδε· Ἄνδρεσ Λακεδαιμόνιοι, ὡσ μὲν πολεμικῶσ εἶχον ὑμῖν οἱ Θηβαῖοι, πρὶν τὰ νῦν πεπραγμένα γενέσθαι, καὶ ὑμεῖσ ἐλέγετε· ἑωρᾶτε γὰρ ἀεὶ τούτουσ τοῖσ μὲν ὑμετέροισ δυσμενέσι φιλικῶσ ἔχοντασ, τοῖσ δ’ ὑμετέροισ φίλοισ ἐχθροὺσ ὄντασ. οὐκ ἐπὶ μὲν τὸν ἐν Πειραιεῖ δῆμον, πολεμιώτατον ὄντα ὑμῖν, οὐκ ἠθέλησαν συστρατεύειν, Φωκεῦσι δέ, ὅτι ὑμᾶσ εὐμενεῖσ ὄντασ ἑώρων, ἐπεστράτευον;