Xenophon, Hellenica, Ἑλληνικῶν Ε, chapter 1 46:

ἐν δὲ τῷ πολέμῳ μᾶλλον ἀντιρρόπωσ τοῖσ ἐναντίοισ πράττοντεσ οἱ Λακεδαιμόνιοι πολὺ ἐπικυδέστεροι ἐγένοντο ἐκ τῆσ ἐπ’ Ἀνταλκίδου εἰρήνησ καλουμένησ. προστάται γὰρ γενόμενοι τῆσ ὑπὸ βασιλέωσ καταπεμφθείσησ εἰρήνησ καὶ τὴν αὐτονομίαν ταῖσ πόλεσι πράττοντεσ, προσέλαβον μὲν σύμμαχον Κόρινθον, αὐτονόμουσ δὲ ἀπὸ τῶν Θηβαίων τὰσ Βοιωτίδασ πόλεισ ἐποίησαν, οὗπερ πάλαι ἐπεθύμουν, ἔπαυσαν δὲ καὶ Ἀργείουσ Κόρινθον σφετεριζομένουσ, φρουρὰν φήναντεσ ἐπ’ αὐτούσ, εἰ μὴ ἐξίοιεν ἐκ Κορίνθου.