Xenophon, Hellenica, Ἑλληνικῶν Β, chapter 4 25:

πρὸσ θεῶν πατρῴων καὶ μητρῴων καὶ συγγενείασ καὶ κηδεστίασ καὶ ἑταιρίασ, πάντων γὰρ τούτων πολλοὶ κοινωνοῦμεν ἀλλήλοισ, αἰδούμενοι καὶ θεοὺσ καὶ ἀνθρώπουσ παύσασθε ἁμαρτάνοντεσ εἰσ τὴν πατρίδα, καὶ μὴ πείθεσθε τοῖσ ἀνοσιωτάτοισ τριάκοντα, οἳ ἰδίων κερδέων ἕνεκα ὀλίγου δεῖν πλείουσ ἀπεκτόνασιν Ἀθηναίων ἐν ὀκτὼ μησὶν ἢ πάντεσ Πελοποννήσιοι δέκα ἔτη πολεμοῦντεσ.