헬라어 문장 검색 - ΧενοπήΗελλενί1́6́

(크세노폰, Hellenica, Ἑλληνικῶν Α, chapter 6)

τῷ δ’ ἐπιόντι ἔτει, ᾧ ἥ τε σελήνη ἐξέλιπεν ἑσπέρασ καὶ ὁ παλαιὸσ τῆσ Ἀθηνᾶσ νεὼσ ἐν Ἀθήναισ ἐνεπρήσθη, Πιτύα μὲν ἐφορεύοντοσ, ἄρχοντοσ δὲ Καλλίου Ἀθήνησιν, οἱ Λακεδαιμόνιοι τῷ Λυσάνδρῳ παρεληλυθότοσ ἤδη τοῦ χρόνου καὶ τῷ πολέμῳ τεττάρων καὶ εἴκοσιν ἐτῶν ἔπεμψαν ἐπὶ τὰσ ναῦσ Καλλικρατίδαν. ὅτε δὲ παρεδίδου ὁ Λύσανδροσ τὰσ ναῦσ, ἔλεγε τῷ Καλλικρατίδᾳ ὅτι θαλαττοκράτωρ τε παραδιδοίη καὶ ναυμαχίᾳ νενικηκώσ.

ὁ δὲ αὐτὸν ἐκέλευσεν ἐξ Ἐφέσου ἐν ἀριστερᾷ Σάμου παραπλεύσαντα, οὗ ἦσαν αἱ τῶν Ἀθηναίων νῆεσ, ἐν Μιλήτῳ τὰσ ναῦσ παραδοῦναι, καὶ ὁμολογήσειν θαλαττοκρατεῖν. οὐ φαμένου δὲ τοῦ Λυσάνδρου πολυπραγμονεῖν ἄλλου ἄρχοντοσ, αὐτὸσ ὁ Καλλικρατίδασ πρὸσ αἷσ παρὰ Λυσάνδρου ἔλαβε ναυσὶ προσεπλήρωσεν ἐκ Χίου καὶ Ῥόδου καὶ ἄλλοθεν ἀπὸ τῶν συμμάχων πεντήκοντα ναῦσ.

ταύτασ δὲ πάσασ ἁθροίσασ, οὔσασ τετταράκοντα καὶ ἑκατόν, παρεσκευάζετο ὡσ ἀπαντησόμενοσ τοῖσ πολεμίοισ. καταμαθὼν δ’ ὑπὸ τῶν Λυσάνδρου φίλων καταστασιαζόμενοσ, οὐ μόνον ἀπροθύμωσ ὑπηρετούντων, ἀλλὰ καὶ διαθροούντων ἐν ταῖσ πόλεσιν ὅτι Λακεδαιμόνιοι μέγιστα παραπίπτοιεν ἐν τῷ διαλλάττειν τοὺσ ναυάρχουσ, πολλάκισ ἀνεπιτηδείων γιγνομένων καὶ ἄρτι συνιέντων τὰ ναυτικὰ καὶ ἀνθρώποισ ὡσ χρηστέον οὐ γιγνωσκόντων ἀπείρουσ θαλάττησ πέμποντεσ καὶ ἀγνῶτασ τοῖσ ἐκεῖ, κινδυνεύοιέν τι παθεῖν διὰ τοῦτο, ἐκ τούτου δὲ ὁ Καλλικρατίδασ συγκαλέσασ τοὺσ Λακεδαιμονίων ἐκεῖ παρόντασ ἔλεγεν αὐτοῖσ τοιάδε.

ἐμοὶ μὲν ἀρκεῖ οἴκοι μένειν, καὶ εἴτε Λύσανδροσ εἴτε ἄλλοσ τισ ἐμπειρότεροσ περὶ τὰ ναυτικὰ βούλεται εἶναι, οὐ κωλύω τὸ κατ’ ἐμέ·

ἐγὼ δ’ ὑπὸ τῆσ πόλεωσ ἐπὶ τὰσ ναῦσ πεμφθεὶσ οὐκ ἔχω τί ἄλλο ποιῶ ἢ τὰ κελευόμενα ὡσ ἂν δύνωμαι κράτιστα. ὑμεῖσ δὲ πρὸσ ἃ ἐγώ τε φιλοτιμοῦμαι καὶ ἡ πόλισ ἡμῶν αἰτιάζεται ἴστε γὰρ αὐτὰ ὥσπερ καὶ ἐγώ, συμβουλεύετε τὰ ἄριστα ὑμῖν δοκοῦντα εἶναι περὶ τοῦ ἐμὲ ἐνθάδε μένειν ἢ οἴκαδε ἀποπλεῖν ἐροῦντα τὰ καθεστῶτα ἐνθάδε. οὐδενὸσ δὲ τολμήσαντοσ ἄλλο τι εἰπεῖν ἢ τοῖσ οἴκοι πείθεσθαι ποιεῖν τε ἐφ’ ἃ ἥκει, ἐλθὼν παρὰ Κῦρον ᾔτει μισθὸν τοῖσ ναύταισ·

ὁ δὲ αὐτῷ εἶπε δύο ἡμέρασ ἐπισχεῖν. Καλλικρατίδασ δὲ ἀχθεσθεὶσ τῇ ἀναβολῇ καὶ ταῖσ ἐπὶ τὰσ θύρασ φοιτήσεσιν ὀργισθεὶσ καὶ εἰπὼν ἀθλιωτάτουσ εἶναι τοὺσ Ἕλληνασ, ὅτι βαρβάρουσ κολακεύουσιν ἕνεκα ἀργυρίου, φάσκων τε, ἂν σωθῇ οἴκαδε, κατά γε τὸ αὑτοῦ δυνατὸν διαλλάξειν Ἀθηναίουσ καὶ Λακεδαιμονίουσ, ἀπέπλευσεν εἰσ Μίλητον·

κἀκεῖθεν πέμψασ τριήρεισ εἰσ Λακεδαίμονα ἐπὶ χρήματα, ἐκκλησίαν ἁθροίσασ τῶν Μιλησίων τάδε εἶπεν.

ἐμοὶ μέν, ὦ Μιλήσιοι, ἀνάγκη τοῖσ οἴκοι ἄρχουσι πείθεσθαι·

ὑμᾶσ δὲ ἐγὼ ἀξιῶ προθυμοτάτουσ εἶναι εἰσ τὸν πόλεμον διὰ τὸ οἰκοῦντασ ἐν βαρβάροισ πλεῖστα κακὰ ἤδη ὑπ’ αὐτῶν πεπονθέναι. δεῖ δ’ ὑμᾶσ ἐξηγεῖσθαι τοῖσ ἄλλοισ συμμάχοισ ὅπωσ ἂν τάχιστά τε καὶ μάλιστα βλάπτωμεν τοὺσ πολεμίουσ, ἑώσ ἂν οἱ ἐκ Λακεδαίμονοσ ἥκωσιν, οὓσ ἐγὼ ἔπεμψα χρήματα ἄξοντασ, ἐπεὶ τὰ ἐνθάδε ὑπάρχοντα Λύσανδροσ Κύρῳ ἀποδοὺσ ὡσ περιττὰ ὄντα οἴχεται·

Κῦροσ δὲ ἐλθόντοσ ἐμοῦ ἐπ’ αὐτὸν ἀεὶ ἀνεβάλλετό μοι διαλεχθῆναι, ἐγὼ δ’ ἐπὶ τὰσ ἐκείνου θύρασ φοιτᾶν οὐκ ἐδυνάμην ἐμαυτὸν πεῖσαι.

ὑπισχνοῦμαι δ’ ὑμῖν ἀντὶ τῶν συμβάντων ἡμῖν ἀγαθῶν ἐν τῷ χρόνῳ ᾧ ἂν ἐκεῖνα προσδεχώμεθα χάριν ἀξίαν ἀποδώσειν.

ἀλλὰ σὺν τοῖσ θεοῖσ δείξωμεν τοῖσ βαρβάροισ ὅτι καὶ ἄνευ τοῦ ἐκείνουσ θαυμάζειν δυνάμεθα τοὺσ ἐχθροὺσ τιμωρεῖσθαι. ἐπεὶ δὲ ταῦτ’ εἶπεν, ἀνιστάμενοι πολλοὶ καὶ μάλιστα οἱ αἰτιαζόμενοι ἐναντιοῦσθαι δεδιότεσ εἰσηγοῦντο πόρον χρημάτων καὶ αὐτοὶ ἐπαγγελλόμενοι ἰδίᾳ.

λαβὼν δὲ ταῦτα ἐκεῖνοσ καὶ ἐκ Χίου πεντεδραχμίαν ἑκάστῳ τῶν ναυτῶν ἐφοδιασάμενοσ ἔπλευσε τῆσ Λέσβου ἐπὶ Μήθυμναν πολεμίαν οὖσαν. οὐ βουλομένων δὲ τῶν Μηθυμναίων προσχωρεῖν, ἀλλ’ ἐμφρούρων ὄντων Ἀθηναίων, καὶ τῶν τὰ πράγματα ἐχόντων ἀττικιζόντων, προσβαλὼν αἱρεῖ τὴν πόλιν κατὰ κράτοσ.

τὰ μὲν οὖν χρήματα πάντα διήρπασαν οἱ στρατιῶται, τὰ δὲ ἀνδράποδα πάντα συνήθροισεν ὁ Καλλικρατίδασ εἰσ τὴν ἀγοράν, καὶ κελευόντων τῶν συμμάχων ἀποδόσθαι καὶ τοὺσ Μηθυμναίουσ οὐκ ἔφη ἑαυτοῦ γε ἄρχοντοσ οὐδέν’ ἂν Ἑλλήνων εἰσ τὸ ἐκείνου δυνατὸν ἀνδραποδισθῆναι.

τῇ δ’ ὑστεραίᾳ τοὺσ μὲν ἐλευθέρουσ ἀφῆκε, τοὺσ δὲ τῶν Ἀθηναίων φρουροὺσ καὶ τὰ ἀνδράποδα τὰ δοῦλα πάντα ἀπέδοτο·

Κόνωνι δὲ εἶπεν ὅτι παύσει αὐτὸν μοιχῶντα τὴν θάλατταν. κατιδὼν δὲ αὐτὸν ἀναγόμενον ἅμα τῇ ἡμέρᾳ, ἐδίωκεν ὑποτεμνόμενοσ τὸν εἰσ Σάμον πλοῦν, ὅπωσ μὴ ἐκεῖσε φύγοι. Κόνων δ’ ἔφευγε ταῖσ ναυσὶν εὖ πλεούσαισ διὰ τὸ ἐκ πολλῶν πληρωμάτων εἰσ ὀλίγασ ἐκλελέχθαι τοὺσ ἀρίστουσ ἐρέτασ, καὶ καταφεύγει εἰσ Μυτιλήνην τῆσ Λέσβου καὶ σὺν αὐτῷ τῶν δέκα στρατηγῶν Λέων καὶ Ἐρασινίδησ.

Καλλικρατίδασ δὲ συνεισέπλευσεν εἰσ τὸν λιμένα, διώκων ναυσὶν ἑκατὸν καὶ ἑβδομήκοντα. Κόνων δὲ ὡσ ἔφθη ὑπὸ τῶν πολεμίων κατακωλυθείσ, ἠναγκάσθη ναυμαχῆσαι πρὸσ τῷ λιμένι, καὶ ἀπώλεσε ναῦσ τριάκοντα·

οἱ δὲ ἄνδρεσ εἰσ τὴν γῆν ἀπέφυγον· τὰσ δὲ λοιπὰσ τῶν νεῶν, τετταράκοντα οὔσασ, ὑπὸ τῷ τείχει ἀνείλκυσε. Καλλικρατίδασ δὲ ἐν τῷ λιμένι ὁρμισάμενοσ ἐπολιόρκει ἐνταῦθα, τὸν ἔκπλουν ἔχων.

καὶ κατὰ γῆν μεταπεμψάμενοσ τοὺσ Μηθυμναίουσ πανδημεὶ καὶ ἐκ τῆσ Χίου τὸ στράτευμα διεβίβασε· χρήματά τε παρὰ Κύρου αὐτῷ ἦλθεν. ὁ δὲ Κόνων ἐπεὶ ἐπολιορκεῖτο καὶ κατὰ γῆν καὶ κατὰ θάλατταν, καὶ σίτων οὐδαμόθεν ἦν εὐπορῆσαι, οἱ δὲ ἄνθρωποι πολλοὶ ἐν τῇ πόλει ἦσαν καὶ οἱ Ἀθηναῖοι οὐκ ἐβοήθουν διὰ τὸ μὴ πυνθάνεσθαι ταῦτα, καθελκύσασ τῶν νεῶν τὰσ ἄριστα πλεούσασ δύο ἐπλήρωσε πρὸ ἡμέρασ, ἐξ ἁπασῶν τῶν νεῶν τοὺσ ἀρίστουσ ἐρέτασ ἐκλέξασ καὶ τοὺσ ἐπιβάτασ εἰσ κοίλην ναῦν μεταβιβάσασ καὶ τὰ παραρύματα παραβαλών.

τὴν μὲν οὖν ἡμέραν οὕτωσ ἀνεῖχον, εἰσ δὲ τὴν ἑσπέραν, ἐπεὶ σκότοσ εἰή, ἐξεβίβαζεν, ὡσ μὴ καταδήλουσ εἶναι τοῖσ πολεμίοισ ταῦτα ποιοῦντασ.

πέμπτῃ δὲ ἡμέρᾳ εἰσθέμενοι σῖτα μέτρια, ἐπειδὴ ἤδη μέσον ἡμέρασ ἦν καὶ οἱ ἐφορμοῦντεσ ὀλιγώρωσ εἶχον καὶ ἔνιοι ἀνεπαύοντο, ἐξέπλευσαν ἔξω τοῦ λιμένοσ, καὶ ἡ μὲν ἐπὶ Ἑλλησπόντου ὡρ́μησεν, ἡ δὲ εἰσ τὸ πέλαγοσ. τῶν δ’ ἐφορμούντων ὡσ ἕκαστοι ἤνοιγον, τάσ τε ἀγκύρασ ἀποκόπτοντεσ καὶ ἐγειρόμενοι ἐβοήθουν τεταραγμένοι, τυχόντεσ ἐν τῇ γῇ ἀριστοποιούμενοι·

εἰσβάντεσ δὲ ἐδίωκον τὴν εἰσ τὸ πέλαγοσ ἀφορμήσασαν, καὶ ἅμα τῷ ἡλίῳ δύνοντι κατέλαβον, καὶ κρατήσαντεσ μάχῃ, ἀναδησάμενοι ἀπῆγον εἰσ τὸ στρατόπεδον αὐτοῖσ ἀνδράσιν. ἡ δ’ ἐπὶ τοῦ Ἑλλησπόντου φυγοῦσα ναῦσ διέφυγε, καὶ ἀφικομένη εἰσ τὰσ Ἀθήνασ ἐξαγγέλλει τὴν πολιορκίαν.

Διομέδων δὲ βοηθῶν Κόνωνι πολιορκουμένῳ δώδεκα ναυσὶν ὡρμίσατο εἰσ τὸν εὔριπον τὸν τῶν Μυτιληναίων. ὁ δὲ Καλλικρατίδασ ἐπιπλεύσασ αὐτῷ ἐξαίφνησ δέκα μὲν τῶν νεῶν ἔλαβε, Διομέδων δ’ ἔφυγε τῇ τε αὑτοῦ καὶ ἄλλῃ.

οἱ δὲ Ἀθηναῖοι τὰ γεγενημένα καὶ τὴν πολιορκίαν ἐπεὶ ἤκουσαν, ἐψηφίσαντο βοηθεῖν ναυσὶν ἑκατὸν καὶ δέκα, εἰσβιβάζοντεσ τοὺσ ἐν τῇ ἡλικίᾳ ὄντασ ἅπαντασ καὶ δούλουσ καὶ ἐλευθέρουσ·

καὶ πληρώσαντεσ τὰσ δέκα καὶ ἑκατὸν ἐν τριάκοντα ἡμέραισ ἀπῆραν. εἰσέβησαν δὲ καὶ τῶν ἱππέων πολλοί. μετὰ ταῦτα ἀνήχθησαν εἰσ Σάμον, κἀκεῖθεν Σαμίασ ναῦσ ἔλαβον δέκα·

ἥθροισαν δὲ καὶ ἄλλασ πλείουσ ἢ τριάκοντα παρὰ τῶν ἄλλων συμμάχων, εἰσβαίνειν ἀναγκάσαντεσ ἅπαντασ, ὁμοίωσ δὲ καὶ εἴ τινεσ αὐτοῖσ ἔτυχον ἔξω οὖσαι. ἐγένοντο δὲ αἱ πᾶσαι πλείουσ ἢ πεντήκοντα καὶ ἑκατόν. ὁ δὲ Καλλικρατίδασ ἀκούων τὴν βοήθειαν ἤδη ἐν Σάμῳ οὖσαν, αὐτοῦ μὲν κατέλιπε πεντήκοντα ναῦσ καὶ ἄρχοντα Ἐτεόνικον, ταῖσ δὲ εἴκοσι καὶ ἑκατὸν ἀναχθεὶσ ἐδειπνοποιεῖτο τῆσ Λέσβου ἐπὶ τῇ Μαλέᾳ ἄκρᾳ ἀντίον τῆσ Μυτιλήνησ.

τῇ δ’ αὐτῇ ἡμέρᾳ ἔτυχον καὶ οἱ Ἀθηναῖοι δειπνοποιούμενοι ἐν ταῖσ Ἀργινούσαισ·

αὗται δ’ εἰσὶν ἀντίον τῆσ Λέσβου ἐπὶ τῇ Μαλέᾳ ἄκρᾳ ἀντίον τῆσ Μυτιλήνησ. τῆσ δὲ νυκτὸσ ἰδὼν τὰ πυρά, καί τινων αὐτῷ ἐξαγγειλάντων ὅτι οἱ Ἀθηναῖοι εἰε͂ν, ἀνήγετο περὶ μέσασ νύκτασ, ὡσ ἐξαπιναίωσ προσπέσοι·

ὕδωρ δ’ ἐπιγενόμενον πολὺ καὶ βρονταὶ διεκώλυσαν τὴν ἀναγωγήν. ἐπεὶ δὲ ἀνέσχεν, ἅμα τῇ ἡμέρᾳ ἔπλει ἐπὶ τὰσ Ἀργινούσασ. οἱ δ’ Ἀθηναῖοι ἀντανήγοντο εἰσ τὸ πέλαγοσ τῷ εὐωνύμῳ, παρατεταγμένοι ὧδε.

Ἀριστοκράτησ μὲν τὸ εὐώνυμον ἔχων ἡγεῖτο πεντεκαίδεκα ναυσί, μετὰ δὲ ταῦτα Διομέδων ἑτέραισ πεντεκαίδεκα· ἐπετέτακτο δὲ Ἀριστοκράτει μὲν Περικλῆσ, Διομέδοντι δὲ Ἐρασινίδησ· παρὰ δὲ Διομέδοντα οἱ Σάμιοι δέκα ναυσὶν ἐπὶ μιᾶσ τεταγμένοι· ἐστρατήγει δὲ αὐτῶν Σάμιοσ ὀνόματι Ἱππεύσ· ἐχόμεναι δ’ <αἱ> τῶν ταξιάρχων δέκα, καὶ αὐταὶ ἐπὶ μιᾶσ· ἐπὶ δὲ ταύταισ αἱ τῶν ναυάρχων τρεῖσ, καὶ εἴ τινεσ ἄλλαι ἦσαν συμμαχίδεσ. τὸ δὲ δεξιὸν κέρασ Πρωτόμαχοσ εἶχε πεντεκαίδεκα ναυσί·

παρὰ δ’ αὐτὸν Θράσυλλοσ ἑτέραισ πεντεκαίδεκα· ἐπετέτακτο δὲ Πρωτομάχῳ μὲν Λυσίασ, ἔχων τὰσ ἴσασ ναῦσ, Θρασύλλῳ δὲ Ἀριστογένησ. οὕτω δ’ ἐτάχθησαν, ἵνα μὴ διέκπλουν διδοῖεν·

χεῖρον γὰρ ἔπλεον. αἱ δὲ τῶν Λακεδαιμονίων ἀντιτεταγμέναι ἦσαν ἅπασαι ἐπὶ μιᾶσ ὡσ πρὸσ διέκπλουν καὶ περίπλουν παρεσκευασμέναι, διὰ τὸ βέλτιον πλεῖν. εἶχε δὲ τὸ δεξιὸν κέρασ Καλλικρατίδασ. Ἕρμων δὲ Μεγαρεὺσ ὁ τῷ Καλλικρατίδᾳ κυβερνῶν εἶπε πρὸσ αὐτὸν ὅτι εἰή καλῶσ ἔχον ἀποπλεῦσαι·

αἱ γὰρ τριήρεισ τῶν Ἀθηναίων πολλῷ πλείουσ ἦσαν. Καλλικρατίδασ δὲ εἶπεν ὅτι ἡ Σπάρτη οὐδὲν μὴ κάκιον οἰκεῖται αὐτοῦ ἀποθανόντοσ, φεύγειν δὲ αἰσχρὸν ἔφη εἶναι. μετὰ δὲ ταῦτα ἐναυμάχησαν χρόνον πολύν, πρῶτον μὲν ἁθρόαι, ἔπειτα δὲ διεσκεδασμέναι.

ἐπεὶ δὲ Καλλικρατίδασ τε ἐμβαλούσησ τῆσ νεὼσ ἀποπεσὼν εἰσ τὴν θάλατταν ἠφανίσθη Πρωτόμαχόσ τε καὶ οἱ μετ’ αὐτοῦ τῷ δεξιῷ τὸ εὐώνυμον ἐνίκησαν, ἐντεῦθεν φυγὴ τῶν Πελοποννησίων ἐγένετο εἰσ Χίον, πλείστων δὲ καὶ εἰσ Φώκαιαν· οἱ δὲ Ἀθηναῖοι πάλιν εἰσ τὰσ Ἀργινούσασ κατέπλευσαν. ἀπώλοντο δὲ τῶν μὲν Ἀθηναίων νῆεσ πέντε καὶ εἴκοσιν αὐτοῖσ ἀνδράσιν ἐκτὸσ ὀλίγων τῶν πρὸσ τὴν γῆν προσενεχθέντων, τῶν δὲ Πελοποννησίων Λακωνικαὶ μὲν ἐννέα, πασῶν οὐσῶν δέκα, τῶν δ’ ἄλλων συμμάχων πλείουσ ἢ ἑξήκοντα.

ἔδοξε δὲ καὶ τοῖσ τῶν Ἀθηναίων στρατηγοῖσ ἑπτὰ μὲν καὶ τετταράκοντα ναυσὶ Θηραμένην τε καὶ Θρασύβουλον τριηράρχουσ ὄντασ καὶ τῶν ταξιάρχων τινὰσ πλεῖν ἐπὶ τὰσ καταδεδυκυίασ ναῦσ καὶ τοὺσ ἐπ’ αὐτῶν ἀνθρώπουσ, ταῖσ δὲ ἄλλαισ ἐπὶ τὰσ μετ’ Ἐτεονίκου τῇ Μυτιλήνῃ ἐφορμούσασ.

ταῦτα δὲ βουλομένουσ ποιεῖν ἄνεμοσ καὶ χειμὼν διεκώλυσεν αὐτοὺσ μέγασ γενόμενοσ· τροπαῖον δὲ στήσαντεσ αὐτοῦ ηὐλίζοντο. τῷ δ’ Ἐτεονίκῳ ὁ ὑπηρετικὸσ κέλησ πάντα ἐξήγγειλε τὰ περὶ τὴν ναυμαχίαν.

ὁ δὲ αὐτὸν πάλιν ἐξέπεμψεν εἰπὼν τοῖσ ἐνοῦσι σιωπῇ ἐκπλεῖν καὶ μηδενὶ διαλέγεσθαι, παραχρῆμα δὲ αὖθισ πλεῖν εἰσ τὸ ἑαυτῶν στρατόπεδον ἐστεφανωμένουσ καὶ βοῶντασ ὅτι Καλλικρατίδασ νενίκηκε ναυμαχῶν καὶ ὅτι αἱ τῶν Ἀθηναίων νῆεσ ἀπολώλασιν ἅπασαι. καὶ οἱ μὲν τοῦτ’ ἐποίουν·

αὐτὸσ δ’, ἐπειδὴ ἐκεῖνοι κατέπλεον, ἔθυε τὰ εὐαγγέλια, καὶ τοῖσ στρατιώταισ παρήγγειλε δειπνοποιεῖσθαι, καὶ τοῖσ ἐμπόροισ τὰ χρήματα σιωπῇ ἐνθεμένουσ εἰσ τὰ πλοῖα ἀποπλεῖν εἰσ Χίον ἦν δὲ τὸ πνεῦμα οὔριον καὶ τὰσ τριήρεισ τὴν ταχίστην. αὐτὸσ δὲ τὸ πεζὸν ἀπῆγεν εἰσ τὴν Μήθυμναν, τὸ στρατόπεδον ἐμπρήσασ.

Κόνων δὲ καθελκύσασ τὰσ ναῦσ, ἐπεὶ οἵ τε πολέμιοι ἀπεδεδράκεσαν καὶ ὁ ἄνεμοσ εὐδιαίτεροσ ἦν, ἀπαντήσασ τοῖσ Ἀθηναίοισ ἤδη ἀνηγμένοισ ἐκ τῶν Ἀργινουσῶν ἔφρασε τὰ περὶ τοῦ Ἐτεονίκου. οἱ δὲ Ἀθηναῖοι κατέπλευσαν εἰσ τὴν Μυτιλήνην, ἐκεῖθεν δ’ ἐπανήχθησαν εἰσ τὴν Χίον, καὶ οὐδὲν διαπραξάμενοι ἀπέπλευσαν ἐπὶ Σάμου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Α, chapter 6

(크세노폰, Hellenica, Ἑλληνικῶν Α, chapter 6)

상위

목록

SEARCH

MENU NAVIGATION