헬라어 문장 검색 - ΧενοπήΗελλενί1́3́

(크세노폰, Hellenica, Ἑλληνικῶν Α, chapter 3)

τοῦ δ’ ἐπιόντοσ ἔτουσ ὁ ἐν Φωκαίᾳ νεὼσ τῆσ Ἀθηνᾶσ ἐνεπρήσθη πρηστῆροσ ἐμπεσόντοσ. ἐπεὶ δ’ ὁ χειμὼν ἔληγε, Παντακλέουσ μὲν ἐφορεύοντοσ, ἄρχοντοσ δ’ Ἀντιγένουσ, ἐάροσ ἀρχομένου, δυοῖν καὶ εἴκοσιν ἐτῶν τῷ πολέμῳ παρεληλυθότων, οἱ Ἀθηναῖοι ἔπλευσαν εἰσ Προκόννησον παντὶ τῷ στρατοπέδῳ. ἐκεῖθεν δ’ ἐπὶ Καλχηδόνα καὶ Βυζάντιον ὁρμήσαντεσ ἐστρατοπεδεύσαντο πρὸσ Καλχηδόνι.

οἱ δὲ Καλχηδόνιοι προσιόντασ αἰσθόμενοι τοὺσ Ἀθηναίουσ, τὴν λείαν ἅπασαν κατέθεντο εἰσ τοὺσ Βιθυνοὺσ Θρᾷκασ, ἀστυγείτονασ ὄντασ. Ἀλκιβιάδησ δὲ λαβὼν τῶν τε ὁπλιτῶν ὀλίγουσ καὶ τοὺσ ἱππέασ, καὶ τὰσ ναῦσ παραπλεῖν κελεύσασ, ἐλθὼν εἰσ τοὺσ Βιθυνοὺσ ἀπῄτει τὰ τῶν Καλχηδονίων χρήματα·

εἰ δὲ μή, πολεμήσειν ἔφη αὐτοῖσ. οἱ δὲ ἀπέδοσαν. Ἀλκιβιάδησ δ’ ἐπεὶ ἧκεν εἰσ τὸ στρατόπεδον τήν τε λείαν ἔχων καὶ πίστεισ πεποιημένοσ, ἀπετείχιζε τὴν Καλχηδόνα παντὶ τῷ στρατοπέδῳ ἀπὸ θαλάττησ εἰσ θάλατταν καὶ τοῦ ποταμοῦ ὅσον οἱο͂́ν τ’ ἦν ξυλίνῳ τείχει.

ἐνταῦθα Ἱπποκράτησ μὲν ὁ Λακεδαιμόνιοσ ἁρμοστὴσ ἐκ τῆσ πόλεωσ ἐξήγαγε τοὺσ στρατιώτασ, ὡσ μαχούμενοσ·

οἱ δὲ Ἀθηναῖοι ἀντιπαρετάξαντο αὐτῷ, Φαρνάβαζοσ δὲ ἔξωθεν τῶν περιτειχισμάτων ἐβοήθει στρατιᾷ τε καὶ ἵπποισ πολλοῖσ. Ἱπποκράτησ μὲν οὖν καὶ Θράσυλλοσ ἐμάχοντο ἑκάτεροσ τοῖσ ὁπλίταισ χρόνον πολύν, μέχρι Ἀλκιβιάδησ ἔχων ὁπλίτασ τέ τινασ καὶ τοὺσ ἱππέασ ἐβοήθησε.

καὶ Ἱπποκράτησ μὲν ἀπέθανεν, οἱ δὲ μετ’ αὐτοῦ ὄντεσ ἔφυγον εἰσ τὴν πόλιν. ἅμα δὲ καὶ Φαρνάβαζοσ, οὐ δυνάμενοσ συμμεῖξαι πρὸσ τὸν Ἱπποκράτην διὰ τὴν στενοπορίαν, τοῦ ποταμοῦ καὶ τῶν ἀποτειχισμάτων ἐγγὺσ ὄντων, ἀπεχώρησεν εἰσ τὸ Ἡράκλειον τὸ τῶν Καλχηδονίων, οὗ ἦν αὐτῷ τὸ στρατόπεδον.

ἐκ τούτου δὲ Ἀλκιβιάδησ μὲν ᾤχετο εἰσ τὸν Ἑλλήσποντον καὶ εἰσ Χερρόνησον χρήματα πράξων·

καὶ ὁρ́κουσ ἔδοσαν καὶ ἔλαβον παρὰ Φαρναβάζου ὑποτελεῖν τὸν φόρον Καλχηδονίουσ Ἀθηναίοισ ὅσονπερ εἰώθεσαν καὶ τὰ ὀφειλόμενα χρήματα ἀποδοῦναι, Ἀθηναίουσ δὲ μὴ πολεμεῖν Καλχηδονίοισ, ἑώσ ἂν οἱ παρὰ βασιλέωσ πρέσβεισ ἔλθωσιν.

Ἀλκιβιάδησ δὲ τοῖσ ὁρ́κοισ οὐκ ἐτύγχανε παρών, ἀλλὰ περὶ Σηλυμβρίαν ἦν·

ἐκείνην δ’ ἑλὼν πρὸσ τὸ Βυζάντιον ἧκεν, ἔχων Χερρονησίτασ τε πανδημεὶ καὶ ἀπὸ Θρᾴκησ στρατιώτασ καὶ ἱππέασ πλείουσ τριακοσίων. Φαρνάβαζοσ δὲ ἀξιῶν δεῖν κἀκεῖνον ὀμνύναι, περιέμενεν ἐν Καλχηδόνι, μέχρι ἔλθοι ἐκ τοῦ Βυζαντίου·

ἐπειδὴ δὲ ἧκεν, οὐκ ἔφη ὀμεῖσθαι, εἰ μὴ κἀκεῖνοσ αὐτῷ ὀμεῖται. μετὰ ταῦτα ὤμοσεν ὁ μὲν ἐν Χρυσοπόλει οἷσ Φαρνάβαζοσ ἔπεμψε Μιτροβάτει καὶ Ἀρνάπει, ὁ δ’ ἐν Καλχηδόνι τοῖσ παρ’ Ἀλκιβιάδου Εὐρυπτολέμῳ καὶ Διοτίμῳ τόν τε κοινὸν ὁρ́κον καὶ ἰδίᾳ ἀλλήλοισ πίστεισ ἐποιήσαντο.

Φαρνάβαζοσ μὲν οὖν εὐθὺσ ἀπῄει, καὶ τοὺσ παρὰ βασιλέα πορευομένουσ πρέσβεισ ἀπαντᾶν ἐκέλευσεν εἰσ Κύζικον.

ἐπέμφθησαν δὲ Ἀθηναίων μὲν Δωρόθεοσ, Φιλοκύδησ, Θεογένησ, Εὐρυπτόλεμοσ, Μαντίθεοσ, σὺν δὲ τούτοισ Ἀργεῖοι Κλεόστρατοσ, Πυρρόλοχοσ· ἐπορεύοντο δὲ καὶ Λακεδαιμονίων πρέσβεισ Πασιππίδασ καὶ ἕτεροι, μετὰ δὲ τούτων καὶ Ἑρμοκράτησ, ἤδη φεύγων ἐκ Συρακουσῶν, καὶ ὁ ἀδελφὸσ αὐτοῦ Πρόξενοσ. καὶ Φαρνάβαζοσ μὲν τούτουσ ἦγεν·

οἱ δὲ Ἀθηναῖοι τὸ Βυζάντιον ἐπολιόρκουν περιτειχίσαντεσ, καὶ πρὸσ τὸ τεῖχοσ ἀκροβολισμοὺσ καὶ προσβολὰσ ἐποιοῦντο. ἐν δὲ τῷ Βυζαντίῳ ἦν Κλέαρχοσ Λακεδαιμόνιοσ ἁρμοστὴσ καὶ σὺν αὐτῷ τῶν περιοίκων τινὲσ καὶ τῶν νεοδαμώδων οὐ πολλοὶ καὶ Μεγαρεῖσ καὶ ἄρχων αὐτῶν Ἕλιξοσ Μεγαρεὺσ καὶ Βοιωτοὶ καὶ τούτων ἄρχων Κοιρατάδασ.

οἱ δ’ Ἀθηναῖοι ὡσ οὐδὲν ἐδύναντο διαπράξασθαι κατ’ ἰσχύν, ἔπεισάν τινασ τῶν Βυζαντίων προδοῦναι τὴν πόλιν.

Κλέαρχοσ δὲ ὁ ἁρμοστὴσ οἰόμενοσ οὐδένα ἂν τοῦτο ποιῆσαι, καταστήσασ δὲ ἅπαντα ὡσ ἐδύνατο κάλλιστα καὶ ἐπιτρέψασ τὰ ἐν τῇ πόλει Κοιρατάδᾳ καὶ Ἑλίξῳ, διέβη παρὰ τὸν Φαρνάβαζον εἰσ τὸ πέραν, μισθόν τε τοῖσ στρατιώταισ παρ’ αὐτοῦ ληψόμενοσ καὶ ναῦσ συλλέξων, αἳ ἦσαν ἐν τῷ Ἑλλησπόντῳ ἄλλαι καταλελειμμέναι φρουρίδεσ ὑπὸ Πασιππίδου καὶ ἐν Ἀντάνδρῳ καὶ ἃσ Ἀγησανδρίδασ εἶχεν ἐπὶ Θρᾴκησ, ἐπιβάτησ ὢν Μινδάρου, καὶ ὅπωσ ἄλλαι ναυπηγηθείησαν, ἁθρόαι δὲ γενόμεναι πᾶσαι κακῶσ τοὺσ συμμάχουσ τῶν Ἀθηναίων ποιοῦσαι ἀποσπάσειαν τὸ στρατόπεδον ἀπὸ τοῦ Βυζαντίου.

ἐπεὶ δ’ ἐξέπλευσεν ὁ Κλέαρχοσ, οἱ προδιδόντεσ τὴν πόλιν τῶν Βυζαντίων, Κύδων καὶ Ἀρίστων καὶ Ἀναξικράτησ καὶ Λυκοῦργοσ καὶ Ἀναξίλαοσ ὃσ ἐπαγόμενοσ θανάτου ὕστερον ἐν Λακεδαίμονι διὰ τὴν προδοσίαν ἀπέφυγεν, ἀπολογούμενοσ ὅτι οὐ προδιδοίη τὴν πόλιν, ἀλλὰ σώσαι, παῖδασ ὁρῶν καὶ γυναῖκασ λιμῷ ἀπολλυμένουσ, Βυζάντιοσ ὢν καὶ οὐ Λακεδαιμόνιοσ·

τὸν γὰρ ἐνόντα σῖτον Κλέαρχον τοῖσ Λακεδαιμονίων στρατιώταισ διδόναι·

διὰ ταῦτ’ οὖν τοὺσ πολεμίουσ ἔφη εἰσέσθαι, οὐκ ἀργυρίου ἕνεκα οὐδὲ διὰ τὸ μισεῖν Λακεδαιμονίουσ· ἐπεὶ δὲ αὐτοῖσ παρεσκεύαστο, νυκτὸσ ἀνοίξαντεσ τὰσ πύλασ τὰσ ἐπὶ τὸ Θρᾴκιον καλουμένασ εἰσήγαγον τὸ στράτευμα καὶ τὸν Ἀλκιβιάδην.

ὁ δὲ Ἕλιξοσ καὶ ὁ Κοιρατάδασ οὐδὲν τούτων εἰδότεσ ἐβοήθουν μετὰ πάντων εἰσ τὴν ἀγοράν·

ἐπεὶ δὲ πάντῃ οἱ πολέμιοι κατεῖχον, οὐδὲν ἔχοντεσ ὅ τι ποιήσαιεν, παρέδοσαν σφᾶσ αὐτούσ. καὶ οὗτοι μὲν ἀπεπέμφθησαν εἰσ Ἀθήνασ, καὶ ὁ Κοιρατάδασ ἐν τῷ ὄχλῳ ἀποβαινόντων ἐν Πειραιεῖ ἔλαθεν ἀποδρὰσ καὶ ἀπεσώθη εἰσ Δεκέλειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Α, chapter 3

(크세노폰, Hellenica, Ἑλληνικῶν Α, chapter 3)

상위

목록

SEARCH

MENU NAVIGATION