헬라어 문장 검색 - ΧενοπήΗελλενί1́2́

(크세노폰, Hellenica, Ἑλληνικῶν Α, chapter 2)

τῷ δὲ ἄλλῳ ἔτει ᾧ ἦν Ὀλυμπιὰσ τρίτη καὶ ἐνενηκοστή, ᾗ προστεθεῖσα ξυνωρὶσ ἐνίκα Εὐαγόρου Ἠλείου, τὸ δὲ στάδιον Εὐβώτασ Κυρηναῖοσ, ἐπὶ ἐφόρου μὲν ὄντοσ ἐν Σπάρτῃ Εὐαρχίππου, ἄρχοντοσ δ’ ἐν Ἀθήναισ Εὐκτήμονοσ, Ἀθηναῖοι μὲν Θορικὸν ἐτείχισαν, Θράσυλλοσ δὲ τά τε ψηφισθέντα πλοῖα λαβὼν καὶ πεντακισχιλίουσ τῶν ναυτῶν πελταστὰσ ποιησάμενοσ, ὡσ ἅμα καὶ πελτασταῖσ ἐσομένοισ, ἐξέπλευσεν ἀρχομένου τοῦ θέρουσ εἰσ Σάμον. ἐκεῖ δὲ μείνασ τρεῖσ ἡμέρασ ἔπλευσεν εἰσ Πύγελα·

καὶ ἐνταῦθα τήν τε χώραν ἐδῄου καὶ προσέβαλλε τῷ τείχει. ἐκ δὲ τῆσ Μιλήτου βοηθήσαντέσ τινεσ τοῖσ Πυγελεῦσι διεσπαρμένουσ τῶν Ἀθηναίων ὄντασ τοὺσ ψιλοὺσ ἐδίωκον. οἱ δὲ πελτασταὶ καὶ τῶν ὁπλιτῶν δύο λόχοι βοηθήσαντεσ πρὸσ τοὺσ αὑτῶν ψιλοὺσ ἀπέκτειναν ἅπαντασ τοὺσ ἐκ Μιλήτου ἐκτὸσ ὀλίγων, καὶ ἀσπίδασ ἔλαβον ὡσ διακοσίασ, καὶ τροπαῖον ἔστησαν.

τῇ δὲ ὑστεραίᾳ ἔπλευσαν εἰσ Νότιον, καὶ ἐντεῦθεν παρασκευασάμενοι ἐπορεύοντο εἰσ Κολοφῶνα.

Κολοφώνιοι δὲ προσεχώρησαν. καὶ τῆσ ἐπιούσησ νυκτὸσ ἐνέβαλον εἰσ τὴν Λυδίαν ἀκμάζοντοσ τοῦ σίτου, καὶ κώμασ τε πολλὰσ ἐνέπρησαν καὶ χρήματα ἔλαβον καὶ ἀνδράποδα καὶ ἄλλην λείαν πολλήν. Στάγησ δὲ ὁ Πέρσησ περὶ ταῦτα τὰ χωρία ὤν, ἐπεὶ οἱ Ἀθηναῖοι ἐκ τοῦ στρατοπέδου διεσκεδασμένοι ἦσαν κατὰ τὰσ ἰδίασ λείασ, βοηθησάντων τῶν ἱππέων ἕνα μὲν ζωὸν ἔλαβεν, ἑπτὰ δὲ ἀπέκτεινε.

Θράσυλλοσ δὲ μετὰ ταῦτα ἀπήγαγεν ἐπὶ θάλατταν τὴν στρατιάν, ὡσ εἰσ Ἔφεσον πλευσούμενοσ.

Τισσαφέρνησ δὲ αἰσθόμενοσ τοῦτο τὸ ἐπιχείρημα, στρατιάν τε συνέλεγε πολλὴν καὶ ἱππέασ ἀπέστελλε παραγγέλλων πᾶσιν εἰσ Ἔφεσον βοηθεῖν τῇ Ἀρτέμιδι. Θράσυλλοσ δὲ ἑβδόμῃ καὶ δεκάτῃ ἡμέρᾳ μετὰ τὴν εἰσβολὴν εἰσ Ἔφεσον ἀπέπλευσε, καὶ τοὺσ μὲν ὁπλίτασ πρὸσ τὸν Κορησσὸν ἀποβιβάσασ, τοὺσ δὲ ἱππέασ καὶ πελταστὰσ καὶ ἐπιβάτασ καὶ τοὺσ ἄλλουσ πάντασ πρὸσ τὸ ἕλοσ ἐπὶ τὰ ἕτερα τῆσ πόλεωσ, ἅμα τῇ ἡμέρᾳ προσῆγε δύο στρατόπεδα.

οἱ δ’ ἐκ τῆσ πόλεωσ ἐβοήθησαν σφίσιν οἵ τε σύμμαχοι οὓσ Τισσαφέρνησ ἤγαγε, καὶ Συρακόσιοι οἵ τ’ ἀπὸ τῶν προτέρων εἴκοσι νεῶν καὶ ἀπὸ ἑτέρων πέντε, αἳ ἔτυχον τότε παραγενόμεναι, νεωστὶ ἥκουσαι μετὰ Εὐκλέουσ τε τοῦ Ἵππωνοσ καὶ Ἡρακλείδου τοῦ Ἀριστογένουσ στρατηγῶν, καὶ Σελινούσιαι δύο.

οὗτοι δὲ πάντεσ πρῶτον μὲν πρὸσ τοὺσ ὁπλίτασ τοὺσ ἐν Κορησσῷ ἐβοήθησαν·

τούτουσ δὲ τρεψάμενοι καὶ ἀποκτείναντεσ ἐξ αὐτῶν ὡσεὶ ἑκατὸν καὶ εἰσ τὴν θάλατταν καταδιώξαντεσ πρὸσ τοὺσ παρὰ τὸ ἕλοσ ἐτράποντο. ἔφυγον δὲ κἀκεῖ οἱ Ἀθηναῖοι, καὶ ἀπώλοντο αὐτῶν ὡσ τριακόσιοι. οἱ δὲ Ἐφέσιοι τροπαῖον ἐνταῦθα ἔστησαν καὶ ἕτερον πρὸσ τῷ Κορησσῷ.

τοῖσ δὲ Συρακοσίοισ καὶ Σελινουσίοισ κρατίστοισ γενομένοισ ἀριστεῖα ἔδωκαν καὶ κοινῇ καὶ ἰδίᾳ πολλοῖσ, καὶ οἰκεῖν ἀτέλειαν ἔδοσαν τῷ βουλομένῳ ἀεί· Σελινουσίοισ δέ, ἐπεὶ ἡ πόλισ ἀπωλώλει, καὶ πολιτείαν ἔδοσαν. οἱ δ’ Ἀθηναῖοι τοὺσ νεκροὺσ ὑποσπόνδουσ ἀπολαβόντεσ ἀπέπλευσαν εἰσ Νότιον, κἀκεῖ θάψαντεσ αὐτοὺσ ἔπλεον εὐθὺ Λέσβου καὶ Ἑλλησπόντου.

ὁρμοῦντεσ δὲ ἐν Μηθύμνῃ τῆσ Λέσβου εἶδον παραπλεούσασ ἐξ Ἐφέσου τὰσ Συρακοσίασ ναῦσ πέντε καὶ εἴκοσι·

καὶ ἐπ’ αὐτὰσ ἀναχθέντεσ τέτταρασ μὲν ἔλαβον αὐτοῖσ ἀνδράσι, τὰσ δ’ ἄλλασ κατεδίωξαν εἰσ Ἔφεσον. καὶ τοὺσ μὲν ἄλλουσ αἰχμαλώτουσ Θράσυλλοσ εἰσ Ἀθήνασ ἀπέπεμψε πάντασ, Ἀλκιβιάδην δὲ Ἀθηναῖον, Ἀλκιβιάδου ὄντα ἀνεψιὸν καὶ συμφυγάδα, κατέλευσεν.

ἐντεῦθεν δὲ ἔπλευσεν εἰσ τὴν Σηστὸν πρὸσ τὸ ἄλλο στράτευμα. ἐκεῖθεν δὲ ἅπασα ἡ στρατιὰ διέβη εἰσ Λάμψακον.

καὶ χειμὼν ἐπῄει, ἐν ᾧ οἱ αἰχμάλωτοι Συρακόσιοι, εἰργμένοι τοῦ Πειραιῶσ ἐν λιθοτομίαισ, διορύξαντεσ τὴν πέτραν, ἀποδράντεσ νυκτὸσ ᾤχοντο εἰσ Δεκέλειαν, οἱ δ’ εἰσ Μέγαρα. ἐν δὲ τῇ Λαμψάκῳ συντάττοντοσ Ἀλκιβιάδου τὸ στράτευμα πᾶν οἱ πρότεροι στρατιῶται οὐκ ἐβούλοντο τοῖσ μετὰ Θρασύλλου συντάττεσθαι, ὡσ αὐτοὶ μὲν ὄντεσ ἀήττητοι, ἐκεῖνοι δὲ ἡττημένοι ἥκοιεν.

ἐνταῦθα δὴ ἐχείμαζον ἅπαντεσ Λάμψακον τειχίζοντεσ. καὶ ἐστράτευσαν πρὸσ Ἄβυδον·

Φαρνάβαζοσ δ’ ἐβοήθησεν ἵπποισ πολλοῖσ, καὶ μάχῃ ἡττηθεὶσ ἔφυγεν. Ἀλκιβιάδησ δὲ ἐδίωκεν ἔχων τούσ τε ἱππέασ καὶ τῶν ὁπλιτῶν εἴκοσι καὶ ἑκατόν, ὧν ἦρχε Μένανδροσ, μέχρι σκότοσ ἀφείλετο. ἐκ δὲ τῆσ μάχησ ταύτησ συνέβησαν οἱ στρατιῶται αὐτοὶ αὑτοῖσ καὶ ἠσπάζοντο τοὺσ μετὰ Θρασύλλου.

ἐξῆλθον δέ τινασ καὶ ἄλλασ ἐξόδουσ τοῦ χειμῶνοσ εἰσ τὴν ἤπειρον καὶ ἐπόρθουν τὴν βασιλέωσ χώραν. τῷ δ’ αὐτῷ χρόνῳ καὶ Λακεδαιμόνιοι τοὺσ εἰσ τὸ Κορυφάσιον τῶν Εἱλώτων ἀφεστῶτασ ἐκ Μαλέασ ὑποσπόνδουσ ἀφῆκαν.

κατὰ δὲ τὸν αὐτὸν καιρὸν καὶ ἐν Ἡρακλείᾳ τῇ Τραχινίᾳ Ἀχαιοὶ τοὺσ ἐποίκουσ, ἀντιτεταγμένων πάντων πρὸσ Οἰταίουσ πολεμίουσ ὄντασ, προέδοσαν, ὥστε ἀπολέσθαι αὐτῶν πρὸσ ἑπτακοσίουσ σὺν τῷ ἐκ Λακεδαίμονοσ ἁρμοστῇ Λαβώτῃ. καὶ ὁ ἐνιαυτὸσ ἔληγεν οὗτοσ, ἐν ᾧ καὶ Μῆδοι ἀπὸ Δαρείου τοῦ Περσῶν βασιλέωσ ἀποστάντεσ πάλιν προσεχώρησαν αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Α, chapter 2

(크세노폰, Hellenica, Ἑλληνικῶν Α, chapter 2)

상위

목록

SEARCH

MENU NAVIGATION