Xenophon, Cyropaedia, Κύρου Παιδείασ Γ, chapter 2 24:

ἔφασαν οἱ Χαλδαῖοι. καὶ ὅσ, τί δ’, ἔφη, εἰ καὶ ἄλλα ὑμῖν ἀγαθὰ προσγένοιτο διὰ τὴν εἰρήνην; ἔτι ἄν, ἔφασαν, μᾶλλον εὐφραινοίμεθα. ἄλλο τι οὖν, ἔφη, ἢ διὰ τὸ γῆσ σπανίζειν ἀγαθῆσ νῦν πένητεσ νομίζετ’ εἶναι; συνέφασαν καὶ τοῦτο. τί οὖν; ἔφη ὁ Κῦροσ, βούλοισθ’ ἂν ἀποτελοῦντεσ ὅσαπερ οἱ ἄλλοι Ἀρμένιοι ἐξεῖναι ὑμῖν τῆσ Ἀρμενίασ γῆσ ἐργάζεσθαι ὁπόσην ἂν θέλητε;