Xenophon, Cyropaedia, Κύρου Παιδείασ Γ, chapter 2 11:

ὡσ δὲ μᾶλλον ἐπλησίαζον οἱ ἀμφὶ τὸν Κῦρον τῶν ἄκρων, ὁ Τιγράνησ σὺν τῷ Κύρῳ πορευόμενοσ εἶπεν· ὦ Κῦρε, ἆρ’ οἶσθ’, ἔφη, ὅτι αὐτοὺσ ἡμᾶσ αὐτίκα μάλα δεήσει μάχεσθαι; ὡσ οἵ γε Ἀρμένιοι οὐ μὴ δέξονται τοὺσ πολεμίουσ. καὶ ὁ Κῦροσ εἰπὼν ὅτι εἰδείη τοῦτο, εὐθὺσ παρηγγύησε τοῖσ Πέρσαισ παρασκευάζεσθαι, ὡσ αὐτίκα δεῆσον διώκειν, ἐπειδὰν ὑπαγάγωσι τοὺσ πολεμίουσ ὑποφεύγοντεσ οἱ Ἀρμένιοι ὥστ’ ἐγγὺσ ἡμῖν γενέσθαι.